កីឡាករ Rio Ferdinand បានទទួលសំណើរដើម្បីធ្វើការពន្យាពេលនៃការចូលនិវត្តន៍របស់ខ្លួន ហើយទៅប្រកបអាជីពបាល់ទាត់ក្នុងក្របខណ្ឌអាមេរិក Major League Soccer ចាប់តាំងពី ឆ្នាំ ២០១៥ ទៅ ។
អនាគតរបស់ខ្សែការពារក្លិបកំសៀវតែ Queens Park Rangers រូបនេះកំពុងស្ថិតក្នុងភាពស្រពិចស្រពិលចាប់តាំងពីរូបគេបាននិយាយក្នុងការធ្វើបទសម្ភាសន៍ក្នុងទូរទស្សន៍ថា រូបគេកំពុងគិតពីការព្យួរស្បែកជើងឈប់លេងបាល់ទាត់ពេលចប់រដូវកាលនេះ ។
ជាមួយគ្នានោះ សារព័ត៌មាន The People បានចុះផ្សាយថា មានក្លិបជាច្រើននៅក្នុងក្របខណ្ឌ MLS កំពុងត្រៀមសំណើរដើម្បីនាំយកខ្សែការពាររូបនេះ ។
គួរបញ្ជាក់ថា Ferdinand បានផ្លាស់មក QPR នៅរដូវក្តៅនេះហើយបានចូលលេងចំនួន៤ ប្រកួតចាប់តាំងពីបើករដូវកាលមក ៕
