ខេត្តព្រះវិហារ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី និងលោកជំទាវបណ្ឌិត ពេជ ចន្ទមុន្នី បានឧបត្ថម្ភសម្ភារប្រើប្រាស់ រួមទាំងគ្រឿងឧបភោគ បរិភោគមួយចំនួន ជូនទីបញ្ជាការតំបន់ប្រតិបត្តិការសឹងរងព្រះវិហារ តាមរយៈនាយឧត្តមសេនីយ៍ គឹម ប៊ុនថាន រដ្ឋមន្ត្រីប្រតិភូអមនាយករដ្ឋមន្ត្រី ក្រោមការស្វាគមន៍យ៉ាងកក់ក្តៅពី លោកឧត្តមសេនីយ៍ទោ ច័ន្ទ សុភ័ក្ត្រា មេបញ្ជាការតំបន់ប្រតិបត្តិការសឹករងព្រះវិហារ នាថ្ងៃទី១៣ ខែមីនា ឆ្នាំ២០២៥។
រដ្ឋមន្ត្រីប្រតិភូអមនាយករដ្ឋមន្ត្រី នាយឧត្តមសេនីយ៍ គឹម ប៊ុនថាន បានជួបសំណេះសំណាល និងពាំនាំនូវការផ្ដាំផ្ញើសួរសុខទុក្ខពីសំណាក់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃកម្ពុជា និងលោកជំទាវបណ្ឌិត ពេជ ចន្ទមុន្នី ជូនចំពោះនាយទាហាន នាយទាហានរង និងពលទាហានទាំងអស់ នៃបញ្ជាការដ្ឋានតំបន់ប្រតិបត្តការសឹករងព្រះវិហារ ។
អំណោយដ៏ថ្លៃថ្លារបស់សម្តេចធិបតី នាយករដ្ឋមន្ត្រី និងលោកជំទាវបណ្ឌិត តាមរយៈរដ្ឋមន្ត្រីប្រតិភូអមនាយករដ្ឋមន្ត្រី នាយឧត្តមសេនីយ៍ គឹម ប៊ុនថាន ត្រូវបានប្រគល់ជូន លោកឧត្តមសេនីយ៍ទោ ច័ន្ទ សុភ័ក្ត្រា មេបញ្ជាការតំបន់ប្រតិបត្តិការសឹករងព្រះវិហារ សម្រាប់ប្រើប្រាស់តាមតម្រូវការចាំបាច់ជាក់ស្ដែង ជាពិសេសចុះចែកជូនដល់គ្រួសារយោធិន អតីតយុទ្ធជន និងប្រជាពលរដ្ឋក្រីក្រ ដែលកំពុងជួបការលំបាកលើជីវភាពប្រចាំថ្ងៃ ។
មេបញ្ជាការតំបន់ប្រតិបត្តិការសឹងរងព្រះវិហារ លោកឧត្ដមសេនីយ៍ទោ ច័ន្ទ សុភ័ក្រ្តា ជួសមុខឱ្យថ្នាក់ដឹកនាំ នាយទាហាន នាយទាហានរង និងពលទាហានទាំងអស់ បានថ្លែងអំណរអរគុណយ៉ាងជ្រាលជ្រៅបំផុត ចំពោះសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី និងលោកជំទាវបណ្ឌិត ពេជ ចន្ទមុន្នី ដែលសម្តេចតែងតែគិតគូរពីសុខទុក្ខ និងផ្តល់ជាសម្ភាររៈ និងគ្រឿងឧបភោគបរិភោគ ជូនដល់នាយទាហាន នាយទាហានរង និងពលទាហានទាំងអស់ ទូទាំងកងយោធពលខេមរភូមិន្ទ មិនថាចំពោះ អង្គភាពតំបន់ប្រតិបត្តិការសឹងរងព្រះវិហារ ប៉ុណ្ណោះទេ។
លោកឧត្ដមសេនីយ៍ទោ មេបញ្ជាការ ក៏ដូចនាយទាហាន នាយទាហានរង និងពលទាហានទាំងអស់ សូមប្រសិទ្ធិពរជ័យជូន សម្តេចមហាបវរធិបតី និងលោកជំទាវបណ្ឌិត ព្រមទាំងក្រុមគ្រួសារ ជួបតែពុទ្ធពរទាំង ៤ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕ដោយ៖ឡុង សំបូរ
