ខ្សែប្រយុទ្ធក្លិបតោខៀវ Chelsea កីឡាករ Andre Schurrle ត្រូវបានដកឈ្មោះចេញពីក្រុមជម្រើសជាតិអាល្លឺម៉ង់សម្រាប់ការប្រកួតជាមួយប្រទេស ហ្គីលប្រាតា និងប្រទេសអេស្ប៉ាញ នាពេល ខាងមុខនេះ ។កីឡាករវ័យ២៤ឆ្នាំរូបនេះបានចូលលេងជាជម្រើស១១នាក់ដំបូងឲ្យ Chelsea ក្នុងការ
ប្រកួត Champions League ជាមួយក្លិប Maribor កាលពីថ្ងៃពុធប៉ុន្តែរូបគេត្រូវបានប្តូរចេញនៅពេលចប់តង់ទីមួយដោយសាតែបញ្ហារបួស ។ជាមួយគ្នានោះ គ្រូបង្វឹកក្រុមឥន្ទ្រីដែកអាល្លឺម៉ង់លោក Joachim Low បានប្រាប់អ្នកសារព័ត៌មានថា Schurrle គឺមានបញ្ហារបួសតិចតួចប៉ុណ្ណោះប៉ុន្តែលោកចង់រក្សាទុកកីឡាកររូបនេះឲ្យ សម្រាកព្យាបាលរបួសឲ្យបានគ្រប់គ្រាន់ ។
គួរបញ្ជាក់ថា អាល្លឺម៉ង់នឹងត្រូវជួបជាមួយប្រទេស ហ្គីលប្រាតា សម្រាប់ការប្រកួតជម្រុះយូរ៉ូ នៅថ្ងៃសុក្រនេះហើយបន្ទាប់មកពួកគេត្រូវជួបជាមួយគោជល់អេស្ប៉ាញក្នុងការប្រកួតលក្ខណៈមិត្តភាពកំដៅសាច់ដុំនៅថ្ងៃអង្គារក្រោយ ៕
