ក្លិបសេះបង្កង់ Juventus ត្រូវបានគេរាយការណ៍ថា បានឈានដល់កិច្ចព្រមព្រៀងលើការបន្ត កិច្ចសន្យាថ្មីជាមួយអ្នកចាំទី Gianluigi Buffon ។
អ្នកចាំទីវ័យ៣៦ឆ្នាំរូបនេះត្រូវបានគេជឿជាក់ថា បានធ្វើការចរចារជាមួយក្លិបលើលក្ខ័ណ្ឌនៃកិច្ចសន្យាថ្មីនេះខណៈដែលកិច្ចសន្យាចាស់របស់គេនឹងត្រូវ
ផុតកំណត់នៅពេលចប់រដូវកាល ។យោងតាមសារព័ត៌មាននៅក្នុងប្រទេសអ៊ីតាលីបានចុះផ្សាយថា Buffon នឹងចុះកិច្ចសន្យាបន្ត កុងត្រាថ្មីជាមួយក្លិបដែលមានរយៈពេលរហូតដល់ឆ្នាំ
២០១៧ ។គួរបញ្ជាក់ថា Buffon បានបង្ហាញខ្លួនជាង៥០០ប្រកួតរួចមកហើយឲ្យ Juventus ចាប់តាំង ពីផ្លាស់មកក្លិបនេះក្នុងឆ្នាំ ២០០១ ៕
