មណ្ឌលគិរីៈតាមទំលាប់ប្រពៃណីបណ្តើៗហើយនៅក្នុងខែ វិច្ឆិកានេះ។តាមការរៀបរាប់ប្រាប់អោយដឹងពីលោក ម៉ុប ក្រែត ភេទប្រុសអាយុ៦៤ឆ្នាំជនជាតិព្នងរសនៅភូមិ ពូលូង សង្កាត់រមនា ក្រុងសែនមនោរម្យ បាននិយាយប្រាប់ថា ការប្រកបរបរដាំដុះដាំណាំស្រូវចំការរបស់បងប្អូនជនជាតិតាមទំលាប់ពីបុរាណគឺមានការជឿលើជំនឿណាស់ដូចជាមុនពេលដាំដុះត្រូវតំរូវអោយសែនព្រេនចំនួន០៤ដងរហូតដល់ដាក់ទុកក្នុងជង្រុក។
ដូចជាមុនដាំសែនម្តងគឺសែនបួងសួងសុំអោយដីឬព្រះធរណីសុំភោគផលអោយបានច្រើនពេលស្រូវលេងខ្លួន(ធ្វើដើម)បងប្អូនជនជាតិសែនបួងសួងសូមអោយស្រូវចេញផ្កា ផ្លែអោយបានច្រើននិងកុំអោយសត្វល្អិតតូចធំមកយាយី សែនលើកទី៣គឺពេលប្រមូលផល រីឯសែនលើកទី៤គឺសែននៅពេលយកស្រូវដាក់ជង្រុក។ បើតាមការរៀបរាប់ពីកសិករម្នាក់ឈ្មោះ ផ្សុំ រិត ភេទប្រុស អាយុ៤០ឆ្នាំរសនៅភូមិឃុំខាងលើជាជនជាតិព្នងបានប្រាប់រូបគាត់ក៍ដូចជាកសិករផ្សេងៗទៀតដែរ ចំពោះការដាំស្រូវចំការនេះគឺនាំគ្នា បុកដី ដាំតាមទំលាប់
ប្រពៃណីរបស់បុរាណជនជាតិដើមហើយនៅពេលប្រមូលផលគឺបងប្អូនតែងនាំគ្នាបូតដោយដៃ ប៉ុន្តែបងប្អូនមួយចំនួនក៍មានច្រូតដែរប៉ុន្តែភាគច្រើនគឺនៅតែប្រកបរបរចំការស្រុវនេះតាមបុរាណ្យដើមរបស់ដូនតា ដូចឆ្នេះទិន្នផលក៍មិនអាចបានច្រើនដែរពួកគាត់ពុំអាចធ្វើការសន្និដ្ឋានបានច្បាស់លាស់ថាមួយរដូវក្នុងមួយហិចតាបានផលប៉ុន្មានតោននោះឡើយពីព្រោះពួកគាត់ធ្វើត្រង់នេះបន្តិច ត្រង់នោះបន្តិច។ គាត់បានបន្តទៀតថា សំរាប់ធ្វើស្រូវចំការមួយរដូវផ្គត់ផ្គង់បានតែរយះពេលត្រឹមតែ៤ទៅ៥ខែប៉ុណ្ណោះរយះពេល៧ទៅ៨ខែ ដែលប្រឈមទៅនិងការខ្វះខាតនោះគឺតំរូវអោយពួកគាត់រករបរបន្ទាប់បន្សំមកបង្គ្រប់របស់បន្ទាប់បន្សំរបស់គាត់ដូចជានាំគ្នាចូលព្រៃដងនិដើររើស ជ័រ រកបន្លែបង្ការពីក្នុងព្រៃយកមកលក់នៅទីផ្សារ ដាំដុះដំណាំរួមផ្សំដូចជាដំណាំ ចេកហូបផ្លែ ដំឡូងនិងរបរផ្សេងៗទៀតដើម្បីផ្គត់ផ្គង់ជីវភាព។
លោក សុង ឃាង ប្រធានមន្ទីរកសិកម្មខេត្តបានអោយដឹងនៅរសៀលថ្ងៃទី ១២ខែ វិច្ឆិការឆ្នាំ២០១៤នេះថា សូមអោយបងប្អូនកសិករជនជាតិដើមភាគតិចសូមនាំគ្នាបង្កើនការដាំដុះដំណាំរួមផ្សំបន្ថែមទៀតដូចជាដាំបន្លែបង្ការនិងចិញ្ចឹមសត្វដើម្បីរកចំណូលមកផ្គត់ផ្គង់ក្នុងគ្រួសារបានធូស្រាលមួយកំរិតថែមទៀត ៕
