រាជធានីភ្នំពេញ៖ នារីម្នាក់បានមកដាក់ពាក្យបណ្ដឹងនៅប៉ុស្តិ៍ទួលសង្កែបន្ទាបពីនារីរូបនោះត្រូវចោរឆកកាបូបយកទៅបាត់ពេលដែលនាងកំពុងតែជីះម៉ូតូទៅធ្វើការ។ បើតាមការអោយដឹងពីនារីរងគ្រោះឈ្មោះ តេង សុផាន់ណា ភេទស្រី អាយុ27ឆ្នាំ ស្នាក់នៅភូមិសំរោងថ្មី សង្កាត់ឃ្មួញ ខណ្ឌសែនសុខ រាជធានីភ្នំពេញ បានអោយដឹងថា៖ មុនពេលកើតហេតុកាលពីវេលាម៉ោង11និង00នាទី ថ្ងៃទី11 ខែមិនា ឆ្នាំ2014 នាងបានជីះម៉ូតូម៉ាកវ៉េវ ពណ៍ខ្មៅ ពាក់ស្លាកលេខភ្នំពេញ 1AI-4836 មកពីផ្ទះដើម្បីទៅកន្លែងធ្វើការ ជីះម្នាក់ឯងក្នុងទិសដៅពីជើងមកត្បូងក្នុងគោលបំណងទៅ
កន្លែងធ្វើការនៅជីតរង្វងមូលកាំកូសីុធីលុះពេលដែលជីះមកដល់ចំណុចកើតហេតុហួសស្ថានីយ៍ទូរទស្សន៍ប៉ុស្តិ៍លេខ3បន្តិច ស្ថិតនៅតាមបណ្ដោយផ្លូវ598 ផ្លូវឯកឧត្ដមជាសុផារ៉ា ស្ថិតក្នុងភូមិទួលគោក សង្កាត់ទួលសង្កែ ខណ្ឌឬស្សីកែវ រាជធានីភ្នំពេញ ស្រាប់តែមានជនសង្ស័យ2នាក់ជីះម៉ូតូមិនចាំម៉ាកបានធ្វើសកម្មភាពឆកយកកាបូបលុយរបស់នាងដែលកំពុងស្ពាយហើយជីះគេចខ្លួនបាត់ស្រមោលតែម្ដង។
សំភារះបាត់បង់ដែលត្រូវបានជនសង្ស័យឆកយកទៅបាត់នោះរួមមាន៖1. អត្តសញ្ញាណប័ត្រមួយសន្លឹក 2. លុយចំនួន120ដុល្លាអាមេរិក 3. ខ្សែកផ្លាកទីនចំនួន1ជីកន្លះ 4. ទូរសព្ទម៉ាកសាំមសុងចំនួន1គ្រឿង និងសោរផ្ទះចំនួនមួយចង្កោម។ គួរបញ្ចាក់ដែរថា៖ពេលនេះក្រុមចោរលួច ចោរឆក់ ចោរប្លន់ ហាក់ដូចជាមានសន្ទុះកើនឡើងម្ដងបន្តិចៗហើយនៅក្នុងទឹកដីទួលសង្កែ ខណ្ឌឬស្សីកែវនេះប្រជាពលរដ្ធសំណូមពរដល់លោក ហ៊ុយ ហ៊ាន នាយប៉ុស្តិ៍ទួលសង្កែមេត្តាមានវិធានការចាត់ការរឿងនេះផង៕ 
