កំពង់ឆ្នាំង៖លោកម៉មឈឿមប្រធានមន្ទីរព័ត៌មានខេត្តកំពង់ឆ្នាំង បានប្រគល់ថវិកាឧបត្ថម្ភរបស់រដ្ឋជូនដល់គ្រួសារសពលោក សៅ សុភារ៉េន អតីប្រធានការិយាល័យព័ត៌មានស្រុករលាប្អៀរនិងប្រាក់ឧបត្ថម្ភគ្រាដំបូងជូន
លោក តាន់ ហេង មន្ត្រីចូលនិវត្តន៍ ពិធីប្រគល់ថវិកានេះបានប្រារព្ធធ្វើនៅថ្ងៃទី២៧ ខែវិច្ឆិកា ឆ្នាំ២០១៤ នៅមន្ទីរព័ត៌មានខេត្តខេត្តកំពង់ឆ្នាំង ។
នៅក្នុងពិធីប្រគល់ថវិកាជូនដល់គ្រួសារសពនិងនិវត្តន៍ជនលោក ម៉ម ឈឿម ប្រធានមន្ទីរព័ត៌មាន ខេត្តកំពង់ឆ្នាំងបានពាំនាំប្រសាសន៍ផ្តាំផ្ញើសាកសួសុខទុក្ខពីឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មានកន្លង មកឯកឧត្តមតែងតែយកចិត្តទុកដាក់និងគិតគូរពីសុខទុក្ខមន្ត្រីរាជការក្រោមឱវាទទាំងអស់ដោយមិនប្រកាន់ឋានៈធំតូចឡើយ។
លោក ម៉ម ឈឿម បានមានប្រសាសន៍ថាៈ មន្ទីរព័ត៌មានខេត្តកំពង់ឆ្នាំង គឺជាសេនាធិការអោយក្រសួងព័ត៌មានមានតួនាទីភារកិច្ចចុះយកព័ត៌មានផ្តល់ព័ត៌មានផ្សព្វផ្សាយព័ត៌មានពីការរីកចំរើនរបស់រាជរដ្ឋាភិបាលអោយប្រជាពលរដ្ឋបានយល់ជ្រួតជ្រាប ជាពិសេសត្រូវផ្តល់និងលើកទឹកចិត្តដល់គ្រួសារមន្ត្រីដែលទទួលមរណៈភាពនិងមន្ត្រីរាជការចូលនិវត្តន៍ ដែលមានគុណបំណាច់និងស្នាដៃក្នុងការបំពេញភារកិច្ចបំរើជាតិនិងមាតុភូមិកន្លងមក។
លោកប្រធានមន្ទីរព័ត៌មានខេត្តកំពង់ឆ្នាំងបានកោតសរសើរផងដែរដល់គ្រួសារសពលោកសៅសុភារ៉េននិងលោកតាន់ហេងដែលបានចូលរួមចំណែកក្នុងការបំពេញភារកិច្ចជូនក្រសួងព័ត៌មាននិងរាជរដ្ឋាភិបាលកន្លងមកហើយថវិកាដែលមន្ទីប្រគល់ជូននៅថៃ្ងនេះជាថវិកាដែលជាគោលនយោបាយដែលរាជរដ្ឋាភិបាលបានឧបត្ថម្ភជូនដើម្បីជួយដោះស្រាយនិងសំរាលការលំបាករបស់គ្រួសារសពនិងមន្ត្រីចូលនិវត្តន៍។
លោកក៏បានផ្តាំផ្ញើរដល់លោកស្រីជាភរិយាសពលោកសៅសុភារ៉េននិងលោកតាន់ហេងអោយខិតខំថែរក្សាសុខភាពអោយបានល្អនិងយកប្រាក់នេះទៅត្រូវបង្កើនមុខរបបរកស៊ីចិញ្ចឹមជីវិតប្រចាំថៃ្ងអោយកាន់តែទទួលបានចំណូលកើនឡើងថែមទៀត៕
