ក្លិប Galatasaray បានប្រកាសថា ក្លិបបានសម្រេចចិត្តបញ្ចប់ការងារគ្រូបង្វឹក សេសា ប្រេនដេលី (Cesare Prandelli) បន្ទាប់ពីរូបលោកដឹកនាំក្លិបនេះឲ្យធ្លាក់ចេញពីកម្មវិធី Champions League ។លោក Prandelli បានចូលមកដឹកនាំក្លិបរបស់ទួរគីមួយនេះកាលពីរដូវក្តៅក្រោយពេលលោក
ដឹកនាំអ៊ីតាលីឲ្យធ្លាក់ចេញត្រឹមវគ្គចែកពូលសម្រាប់ការប្រកួត World Cup នៅប្រទេសប្រេស៊ីល ។
ទោះបីជាយ៉ាងណាក៏ដោយ ទម្រង់លេងបច្ចុប្បន្នរបស់ក្លិប Galatasaray បានធ្វើឲ្យអ្នកគាំទ្ររិះគន់យ៉ាងខ្លាំងដល់គ្រូបង្វឹកហើយបរាជ័យ 2-0 ក្រោមស្នាដៃរបស់ក្លិប អាន់ឌឺឡិច (Anderlecht) បានធ្វើឲ្យក្លិបសម្រេចចិត្តបណ្តេញលោក ប្រេនដេលី (Prandelli) ចេញពីតំណែងតែម្តង ។
គួរបញ្ជាក់ថា លោក ក្លាយ៉ូ តាហ្វារ៉េល (Claudio Taffarel) ដែលជាជំនួយការគ្រូបង្វឹកនឹងត្រូវដឹកនាំក្លិប ជាបណ្តោះអាសន្នរហូតដល់ក្លិបនេះជ្រើសរើសគ្រូបង្វឹកថ្មី ៕
