អ្នកចាត់ការក្លិបហង្សក្រហម Liverpool លោក Brendan Rodgers បានបញ្ជាក់ថា ខ្សែប្រយុទ្ធ Mario Balotelli នឹងនៅតែបន្តអវត្តមានសម្រាប់ការប្រកួតជាមួយក្លិប Stoke City នៅទឹកដី Anfield នៅរាត្រីនេះ ។ខ្សែប្រយុទ្ធរូបនេះបានអវត្តមានសម្រាប់ក្លិបហង្សក្រហមចំនួន២ប្រកួត
មកហើយក្រោយពេលរូបគេមានបញ្ហារបួសក្រលៀន ខណៈពេលលេងឲ្យក្រុមជម្រើសជាតិអ៊ីតាលី ។
ជាមួយគ្នានោះ លោក Rodgers បានថ្លែងប្រាប់អ្នកសារព័ត៌មានមុនការប្រកួតថា Balotelli នៅមិនទាន់អាច ចូលលេងបាននោះទេសម្រាប់ការប្រកួតនៅយប់នេះហើយក្លិបនឹងដាក់កីឡាករដដែលដូចការប្រកួតមុនៗ ។
គួរបញ្ជាក់ថា អវត្តមានរបស់ Balotelli បានធ្វើឲ្យខ្សែប្រយុទ្ធ Rickie Lambert ត្រូវទទួលតំណែងជម្រើស ១១នាក់ដំបូងសម្រាប់ការប្រកួតនៅយប់នេះ ៕
