កំពង់ធំៈ ក្រោមការយកចិត្តទុកដាក់របស់ ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិ ការសឹករងកំពង់ធំ ក្រៅពីការងារស្នូលរបស់អង្គភាព គឺមានការហ្វឹកហ្វឺនកងកម្លាំងទាំងយុទ្ធសាស្ត្រ និងចិត្ត សាសន៍ សីលធម៌ និងវិន័យ ដែលជាសេចក្តីថ្លៃថ្នូររបស់អង្គភាព ជម្រុញឲ្យកងកម្លាំងទាំងអស់ចំណុះឲ្យតំបន់ ប្រតិបត្តិការសឹករងកំពង់ធំ សាមគ្គីគ្នាចេះជួយយកអាសារគ្នានៅក្នុងអង្គភាពនិងប្រជាពលរដ្ឋដែលជួបកាលំបាក ដើម្បីផ្សារភ្ជាប់រវាងកងកម្លាំងប្រដាប់អាវុធ និងប្រជាពលរដ្ឋ ។
ជាក់ស្តែងនៅព្រឹកថ្ងៃទី ១ ខែ ធ្នូរ ឆ្នាំ ២០១៤ កំលាំងតំបន់ប្រតិបត្តិការសឹករងកំពង់ធំចំនួន ៧២នាក់ បានចុះជួយច្រូតកាត់ស្រូវ ជូនប្រជាពលរដ្ឋ ស្ថិតនៅភូមិថ្នល់បែក ឃុំ ត្រពាំងឬស្សី ស្រុកកំពង់ស្វាយ ខេត្តកំពង់ធំ ខណៈពេលដែលដល់ពេលស្រូវទុំ ហើយប្រជាពលរដ្ឋជួបបញ្ហានូវថវិកាសម្រាប់ជួលអ្នកច្រូត ទើបមានការចង្អុលបង្ហាញពី ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់សឹករងកំពង់ធំ ណែនាំឲ្យលោក ញូង ធី មេបញ្ជាការង និងជានាយសេនាធិការ ដឹកនាំកម្លាំងចុះច្រូតកាត់ស្រូវជូនប្រជាពលរដ្ឋ ក៏ដូចជាការអនុវត្ត បទបញ្ជារបស់មេបញ្ជាការផងដែរ ដើម្បីជួយប្រជាពលរដ្ឋដែលជួបការលំបាក និងខ្វះខាតថវិការ។
លោក ជុំ ថន ដែលជាម្ចាស់ស្រែបានថ្លែងអំណរគុណយ៉ាក្រៃលែង ដែលបានឃើញកងកម្លាំងបានចូលរួម ចុះជួយច្រូតកាត់ស្រូវបានស្រុះគ្នានិងទាន់ពេលវេលាក្នុងរដូវប្រមូលផលនិងអគុណឯកឧត្តម មេបញ្ជាការ តំបន់ប្រតិបត្តិការសឹករងកំពង់ធំ តែងតែចុះជួយឧបត្ថម្ភ ទាំងថវិកានិងសម្ភារៈគ្រឿងឧបភោភ បរិភោគដល់ជនក្រីក្រ ទុរគត់ជន ស្ត្រីមេម៉ាយ ដែលជួយនូវការខ្វះខាត មិនតែប៉ុណ្ណោះបានជួយស្ទូងស្រូវហើយបានផល បន្តជួយច្រូតកាត់ទៀត ។
