ក្រុមហ៊ុនលក់សំលៀកបំពាក់ឈុតក្នុង មានមូលដ្ឋានស្ថិតនៅប្រទេសកាណាដា ដែលគេហៅថា UNDZ បានផ្តល់ជូនការធានារ៉ាប់រងផ្នែកឯកជនរបស់បុរសដោយឥតគិតថ្លៃ។ លក្ខណ្ឌគឺអតិថិជនត្រូវទិញខោក្នុងសម្រាប់បុរស ឬស្ត្រី ៣ គូដែលមានតម្លែប្រហែលជា ១០ ដុល្លារក្នុងមួយខោ និង
ទទួលបានការធានារ៉ាប់រងលិង្គដែលត្រូវចំណាយប្រហែលជា ៥០,០០០ ដុល្លារ នេះបើយោងតាមគេហទំព័រ undz.org ដែលបានចុះផ្សាយ។ ខោលីអូនេះធ្វើឡើងពីកប្បាសដែលមានភាពទន់ល្មើយ ព្រមទាំងមានពណ៌ និងការរចនាម៉ូដជាច្រើនប្រភេទ។ បើទោះជាក្រុមហ៊ុននេះលក់ខោក្នុងសម្រាប់ស្ត្រី ប៉ុន្តែការធានារ៉ាប់រងគឺមានតែសម្រាប់មនុស្សប្រុសតែប៉ុណ្ណោះ។ ការធានារ៉ាប់រងនេះក្នុងករណីដែលតំបន់ឯកជនរបស់បុរសទទួលរងរបួស ឬសរីរាង្គមានបញ្ហាដោយចៃដន្យ។ ទោះបីជាយ៉ាងណាក៏ដោយប្រសិនបើមានករណីការរួមភេទ និងករណីវះកាត់សិរីរាង្គផ្នែកឯកជនមិនមាននៅក្នុងគោលការធានារ៉ាប់រងនោះទេ៕
