ខេត្តឧត្តរមានជ័យ មានកិច្ចប្រជុំសាមញ្ញលើកទី៧ របស់ក្រុមប្រឹក្សាខេត្ត ក្រោមអធិបតីភាពលោកស ថា វី អភិបាលនៃគណះអភិបាលខេត្តឧត្តរមានជ័យ និងលោកយឹម ធិន ប្រធានក្រុមប្រឹក្សាខេត្ត និងមន្ត្រីរាជការនៅតាមមន្ទីរនិងកងកំលាំងប្រដាប់អាវុធទាំងបីប្រភេទ។លោកស ថា វី អភិបាលខេត្តបានមានប្រសាសន៍នៅក្នុងការពិនិត្យ ពិភាក្សា និងអនុម័តរបាយការណ៍ប្រចាំខែវិចិ្ឆកា របស់រដ្ឋបាលខេត្ត របាយការណ៍នេះថា ក្រុមការងារសាលាខេត្តដែលមានការិយាល័យ សរុបជាសេនាធិការ បានរៀបចំដោយផ្អែកលើព័ត៍មានដែលទទួលបានពីក្រុង ស្រុក មន្ទីរ អង្គភាព និងតាមទិដ្ឋភាពជាក់ស្តែងដែលយើងសម្រេចបាន។អាស្រ័យដោយរបាយការណ៍នេះ បានដាក់ជូនឯកឧត្តម លោកជំទាវ សមាជិកក្រុមប្រឹក្សាបានពិនិត្យមុនហើយ ដូចនេះសុំការអនុញ្ញាតិមិន ចាំបាច់អានខ្លិមសារទាំងស្រុងឡើងវិញទេ ដោយសូមលើកយកតែ
ព្រឹត្តិការណ៍ និងសកម្មភាពសំខាន់ៗមកបញ្ជាក់ជូននិងសុំការពិនិត្យពិភាក្សានិងអនុម័តតែម្តង.១ការងារបង្កបង្កើនផលនិងការប្រមូលផលស្រូវរដូវស្សានិងដំណាំរួមផ្សំ ឆ្នាំ២០១៤(គិតត្រឹមថ្ងៃទី១១ខែធ្នូ ឆ្នាំ២០១៤):-ស្រូវរដូវស្សាផែនការ៦៧.០០០ហិកតា អនុវត្តបាន៧២.០០០ហិកតា ស្មើនិង១០៧.៤៦/:និងប្រមូលផលបាន៦៨.៦៤៤ហិកតាទទួលបានទិន្នផលសរុប១១៤.៤១២តោនស្មើនឹង៩៥.៩៧ :/។ដំណាំរួមផ្សំផែនការ២៥,០០០ហិកតា អនុវត្តបាន៣៣,២០០ហិកតាស្មើនឹង១៣២.៨០ /:និងប្រមូលផលបាន១៣,៨៥២ហិកតាស្មើនឹង៤១.៧២/:(ដំណាំចំរុះ)។២-អំពីសភាពការណ៍សន្តិសុខ សណ្តាប់ធ្នាប់សាធារណះបទល្មើសព្រហ្មទណ្ឌនៅក្នុងខែវិចិ្ឆកានេះ កើតមាន០១លើកគឺករណីក្មេងទំនើងផឹកសុីបង្កការអុកឡុកឃាត់ខ្លួន០១នាក់ដោយបានធ្វើការអប់រំនិងធ្វើកិច្ចសន្យា រួចដោះលែងត្រឡប់ទៅវិញ។បទល្មើសគ្រឿងញៀន:-បង្ក្រាបបាន០១ករណីឃាត់ជនសង្ស័យ០១នាក់ភេទស្រីដកហូតបានវត្ថុតាងថ្នាំញៀនប្រភេទ មេតំហ្វេតាមីនចំនួន៦១គ្រាប់ ម៉ូតូ០១គ្រឿងនិងទូរស័ព្ទដៃ០១គ្រឿង។ហើយថ្មីៗនេះសមត្ថកិច្ចនគរបាលស្រុកនិងខេត្តចុះបង្ក្រាបកន្លែងប្រចាំនិងចោរកម្មកាច់សោកម៉ូតូ២៧គ្រឿងនិងចែក ចាយគ្រឿងញៀននិងឃាត់ខ្លួនជនសង្ស័យបាន១៦នាក់ និងបន្តស្រាវជ្រាវទៀត ហើយនគរបាលខេត្តបានធ្វើការផ្សព្វផ្សាយដល់នាក់បាត់ម៉ូតូឲ្យទៅរកនៅស្រុកអន្លង់វែង។លោកស ថាវី 
អភិបាលខេត្ត បានមានប្រសាសន៍ បន្តទៀតថា គ្រោះថ្នាក់ចរាចរណ៍ កើតឡើងមាន០៤លើក ក្នុងនោះរថយន្តបុកម៉ូតូ០១លើក,គោយន្តកន្ត្រៃបុកម៉ូតូ០១លើក,ម៉ូតូបុករឺម៉ក់ត្រាក់ទ័រ០១លើកនិងម៉ូតូបុកម៉ូតូ០១លើក បណ្តាលឲ្យស្លាប់០២នាក់,របួស៧នាក់ខូចខាត់ម៉ូតូ០៥គ្រឿង។គ្រោះថ្នាក់ផ្សេងៗកើតមាន០២លើក គឺករណីផ្ទុះមីន០១លើករបស់០១នាក់និងធ្វើអត្តឃាត០១លើកស្លាប់០១នាក់។សភាពការណ៍ព្រំដែនះ-អាជា្ញធរថៃបានបញ្ជូនពលរដ្ឋខ្មែរចំនួន០៤នាក់ដែលឆ្លងដែនចូលទឹកដីថៃ កាប់ឈើក្រញូងកាលពីឆ្នាំ២០១៣តាមច្រកព្រំដែនអន្តរជាតិជាំ ក្នុងនោះប្រជាពលរដ្ឋខេត្តឧត្តរមានជ័យ០៣នាក់និងខេត្តពោធិ៍សាត់០១នាក់។កាលពីថ្ងៃទី៤ខែវិចិ្ឆកាឆ្នាំ២០១៤បានប្រារព្ធមីទ្ទិងអបអរសាទរខួបលើកទី៦១ទិវាបុណ្យឯករាជ្យជាតិនៅបវិវេណវិមានឯករាជ្យខេត្ត។
កាលពីថ្ងៃទី១៧ខែវិចិ្ឆកាឆ្នាំ២០១៤បានរៀបចំបើកការដ្ឋានស្ថាបនាផ្លូវជុំវិញផ្សារចម្ការចេក ស្ថិតក្នុងសង្កាត់អូរស្មាច់ ក្រុងសំរោង។កាលពីថ្ងៃទី១៩ខែវិចិ្ឆកាឆ្នាំ២០១៤បានរៀបចំពិធីសម្ពោធដាក់ឲ្យដំណើរការផ្សាររាត្រីក្នុងក្រុងសំរោង។កាលពីថ្ងៃទី២៦ខែវិចិ្ឆកាឆ្នាំ២០១៤ បានប្រារព្វទិវាជាតិអនាម័យជនបទថ្ងៃទី១៣ខែវិចិ្ឆកាឆ្នាំ២០១៤នៅស្រុកចុងកាល់។កាលពីថ្ងៃទី២៦ខែវិចិ្ឆកាឆ្នាំ២០១៤បានចុះចែកប័ណ្ណកម្មសិទ្ធិជូនប្រជាពលរដ្ឋនៅស្រុកត្រពាំងប្រាសាទ។កាលពីថ្ងៃទី១ខែធ្នូឆ្នាំ២០១៤បានចាត់តាំងប្រារព្វទិវាពិភពលោកប្រយុទ្ធនឹងជំងឺអេដស៍នៅបរិវេទិការមាត់បឹងស្នោរក្រុងសំរោង។កាលពីថ្ងៃទី៩ខែធ្នូឆ្នាំ២០១៤បានចាត់តាំងរៀបចំវេទិការពគ្រោះយោបល់ក្រុមប្រឹក្សាខេត្តនៅស្រុកចុងកាល់។កាលពីថ្ងៃទី៩ខែធ្នូឆ្នាំ២០១៤បានចុះចែកប័ណ្ណកម្មសិទ្ធិជូនប្រជាពលរដ្ឋនៅស្រុកអន្លង់វែង៕
