តេន្នីស៖ កីឡាករមកពីចក្រភពអង់គ្លេស Andy Murray ត្រូវបានកីឡាករកាណាដា Milos Raonic វាយទំលាក់ក្នុងការប្រកួត ជុំទី ៤ នៃព្រឹត្តិការណ៍ BNP Paribas Open ហើយជាលើកដំបូងហើយសម្រាប់ Raonic ដែលបានយកឈ្នះលើកីឡាករ លំដាប់កំពូលទាំង ១០ ចាប់តាំងពី
ខែកញ្ញាកន្លងមក ។
កីឡាករកាណាដា Raonic បានប្រកួតយកឈ្នះជាមួយលទ្ធផល តានតឹងប្រកួតអស់ ៣សិត 4-6, 7-5 នឹង 6-3 ទៅលើ Andy Murray ។ Raonic ដែលមានវ័យ ២៣ ឆ្នាំនឹងបន្តដំណើររបស់ខ្លួនត្រូវជួបជាមួយកីឡាករ Alexandr Dolgopolov នៅវគ្គ ៨ នាក់ចុងក្រោយ ក្រោយពីកីឡាករអ៊ុយក្រែនលំដាប់ថ្នាក់ទី ២៨ រូបនេះបានប្រកួតយកឈ្នះទៅលើកីឡាករសញ្ជាតិអ៊ីតាលី Fabio Fognini លំដាប់ទី ១៣ ជាមួយលទ្ធផល មិនលំបាក 6-2 នឹង 6-4 ។ ហើយជាបន្តទៀតនេះកីឡាករដែលបានឈានចូលវគ្គ ៨ នាក់មានដូចជាកីឡាករមកពី អាហ្វ្រិកខាងត្បូង Kevin Anderson ដោយបានបំបាក់កីឡាករម្ចាស់ជើងឯកបច្ចុប្បន្ន Australian Open សញ្ជាតិស្វីស Stanislas Wawrinka ។ Wawrinka ត្រូវបានបញ្ចប់ការប្រកួតឈ្នះលើកទី ៣ របស់ខ្លួន ក្រោយពីការប្រកួតចាញ់ ដោយលទ្ធផល ២សិត១ គឺ 7-6 (tiebreak 7-1) 4-6 នឹង 6-1 ។
រីការប្រកួតរបស់កីឡាករអាមេរិកម្ចាស់ផ្ទះ John Isner វិញបានប្រកួតយកឈ្នះទៅលើកីឡាករសញ្ជាតិអេស្ប៉ាញ Fernando Verdasco លំដាប់ទី ៣០ ជាមួយលទ្ធផល ២សិត ១ 7-6,3-6 នឹង 6-3 ដើម្បីមានឈ្មោះដែរនៅវគ្គ៨នាក់ចុងក្រោយនៅ Indian Well នេះ ដោយត្រូវជួបជាមួយកីឡាករ Ernests Gulbis ក្រោយឈ្នះកីឡាករឡាត់វៀ Roberto Bautista ផងដែរ ៕
