ភ្នំពេញ ៖ គ្រោះថ្នាក់ចរាចរន៍មួយបានកើតឡើងរវាងរថយន្តម៉ាកហាយឡេនឌ័រ ពណ៌ទឹកប្រាក់ ពាក់ស្លាកលេខ ភ្នំពេញ 2S-1634 បានប៉ះជាមួយម៉ូតូម៉ាកស្គូពី ពណ៌ស ពាក់ស្លាកលេខ សៀមរាប 1M-6368 កាលពីវេលាម៉ោង១២និង១០នាទី ថ្ងៃទី១៣ខមិនាឆ្នាំ២០១៤ ស្ថិតតាមបណ្តោយផ្លូវ ព្រះនរោត្តម សង្កាត់ទន្លេបាសាក់ ខណ្ឌចំការមន។
ប្រភពព័ត៌មានពីសមត្ថកិច្ចនគរបាលបានអោយដឹងថា មុនពេលកើតហេតុគេបានឃើញរថយន្តម៉ាកហាយឡែនឌ័រខាងលើ បើកដោយបុរសចំណាស់ម្នាក់ បានចុះពីលើស្ពានអាកាសព្រះមន្នីវង្សក្នុងទិសដៅពីត្បូងទៅជើង រួចក៏បានបត់ត្រលប់ក្រោយ ក៏បានប៉ះជាមួយម៉ូតូ ដែលកំពុងជិះស្របទិសគ្នា បណ្តាលអោយដួល រងរបួសតិចតួច ចំពោះរថយន្តធ្លាក់កាងខាងមុខផ្នែកខាងឆ្វេង។
ក្រោយកើតហេតុភ្លាមៗភាគីទាំងពីរបានជជែកគ្នាយកត្រូវរៀងខ្លួន តែបន្ទាប់ពីមានការសម្រមសម្រួលពីសមត្ថកិច្ចនគរបាល ខាងភាគី រថយន្តក៏បានចេញសំណង៣០ដុល្លារទៅ អោយខាងម៉ូតូ ដើម្បីបញ្ចប់រឿង៕ 
