អ្នកចាំទីរបស់ក្លិបកាំភ្លើងធំ Arsenal កីឡាករ លូកាស ហ្វាប៊ីយ៉ាន់ស្គី (Lukasz Fabianski) កំពុងទទួលបានការចាប់អារម្មណ៍យ៉ាងខ្លាំងពីសំណាក់ក្លិបបាល់ទាត់ស្វីស FC Basel ។
ក្លិបបាល់ទាត់របស់ប្រទេសស្វីសមួយនេះបានលក់អ្នកចាំទី យ៉ាន់ សំម័រ (Yann Sommer) ទៅឲ្យ បូរូសៀរ ម៉ុងឆេងក្លាបាច់ (Borussia Monchengladbach) ហើយពួកគេកំពុងស្វែងរកអ្នកចាំទីថ្មីម្នាក់ដើម្បីមកជំនួសតំណែង។
សារព័ត៌មានក្នុងប្រទេសស្វីសបានចុះផ្សាយថា Fabianski គឺស្ថិតនៅក្នុងបញ្ជីទិញកីឡាករដែលក្លិប Basel ចង់បានបំផុតទោះបីជាអ្នកចាំទីរូបនេះមិនសូវជាបានចូលចាំឲ្យក្លិបកាំភ្លើងធំក៏ដោយ ។
គួររម្លឹកឡើងវិញថា អ្នកចាំទីសញ្ជាតិប៉ូឡូញរូបនេះបានផ្លាស់ពីក្លិប ឡេហ្គៀរ វ៉ សរ (Legia Warsaw) មក Arsenal កាលពីឆ្នាំ ២០០៧ ៕
