គ្រូបង្វឹកក្លិបចាបស្រុក វ៉េសប្រូមវីច អាល់បៀន (West Bromwich Albion) លោក ប៉េប៉េ ម៉េល (Pepe Mel) អាចនឹងត្រូវបាត់បង់ប្រធានក្រុម គ្រីស ប្រាន់ (Chris Brunt) រយៈពេល ៦ សប្តាហ៍ដោយសារតែរបួសជង្គង់ ។
កីឡាករវ័យ ២៩ ឆ្នាំរូបនេះបានរងរបួសធ្ងន់ធ្ងរនៅពេលក្លិបប្រកួតចាញ់បិសាចក្រហម Manchester United ៣ ទល់នឹង ០ កាលពីចុងសប្តាហ៍ ។
គេហទំព័រ Sport Mole បានចុះផ្សាយថា Brunt អាចនឹងអវត្តមានមិនបានចូលលេងឲ្យ West Brom នៅ ៧ ប្រកួតក្រោយ ។
គួរបញ្ជាក់ថា ទន្ទឹមនោះ កូនក្រុមរបស់លោក Mel ក៏នឹងត្រូវអវត្តមានខ្សែបម្រើកណ្តាល ក្លូឌីយ៉ូ យ៉ាកុប (Claudio Yacob) និងខ្សែការពារស្តាំ ស្តេវិន រ៉េត (Steven Reid) ផងដែរ សម្រាប់ការប្រកួតនៅចុងសប្តាហ៍នេះជាមួយក្រុមន Swansea ដោយសារតែកីឡាករទាំងពីរនេះរងរបួស ៕
