មតិសាធារណៈអាមេរិក ក៏ដូចគុយ បាកាលពីថ្ងៃទី១៥ ខែមករា បានបង្ហាញ ការអបអរសាទរដល់ប្រធានាធិបតី អាមេរិក លោកបារ៉ាក់ អូបាម៉ាដែល បានសម្រេចដកហូតការដាក់ទណ្ឌកម្ម ធ្វើដំណើរចេញ ចូលគុយបា និងទណ្ឌកម្ម ពាណិជ្ជកម្ម ដែលចាប់ផ្ដើមអនុវត្ដន៍នៅ ថ្ងៃទី១ ខែមិថុនា ឆ្នាំ២០១៥ ។ ការ សម្រេចដកហូតទណ្ឌកម្មទាំងនោះជា សញ្ញាវិជ្ជមានមួយក្នុងការធ្វើឱ្យប្រសើរ ឡើងវិញទំនាក់ទំនងអាមេរិក-គុយបាន ដែលប្រឈមមុខតានតឹងដាក់គ្នារយៈ ពេលជាង៥០ឆ្នាំកន្លងមក ។
តាមការប្រកាសរបស់ក្រសួងហិរញ្ញ វត្ថុអាមេរិក ចាប់ពីថ្ងៃទី១៦ ខែមករា ឆ្នាំ២០១៥ ពលរដ្ឋអាមេរិកអាចបំពេញ ទស្សនកិច្ចទៅកាន់គុយបាបានដោយមិន ចាំំបាច់សុំលិខិតបញ្ជាក់ ដូចកាលពីមុន ទៀតនោះឡើយ ។ កន្លងមក ក្រុមជន ជាតិអាមេរិក១២នាក់ដើមកំណើតគុយ បាចង់ទៅស្រុកកំណើតលេងចាំបាច់ត្រូវ តែសុំច្បាប់ ធ្វើបែបបទយ៉ាងតឹងរ៉ឹងទើប អាចទៅបាន ប៉ុន្ដែពេលនេះអ្វីគ្រប់យ៉ាង បានប្រសើរឡើង ជាភ័ព្វសប្បាយរីក រាយយ៉ាងខ្លាំងដល់ជនជាតិគុយបាដែល រស់នៅអាមេរិក គឺមានឱកាសទៅកាន់ ស្រុកកំណើតជួបជុំ
សាច់ញាតិ។កន្លងមក ពលរដ្ឋអាមេរិកចង់ធ្វើ ទស្សនកិច្ចនៅគុយបា ចាំំបាច់ត្រូវតែឆ្លង កាត់ប្រទេសទីបី ពិសេសគឺប្រទេសម៉ិច ស៊ីកូ ។ បើទោះបីដំណើរកម្សាន្ដមាន កំណត់ ប៉ុន្ដែតាមតួលេខរដ្ឋាភិបាលគុយ បាក្នុងឆ្នាំ២០១២ ក្រោយប្រធានាធិបតី អាមេរិក លោកបារ៉ាក់ អូបាម៉ា បន្ធូរ បន្ថយការធ្វើដំណើរ ពលរដ្ឋអាមេរិក៩៨ ពាន់នាក់បានធ្វើទស្សនកិច្ចទៅកាន់ ប្រទេសគុយបា គឺកើនឡើងទ្វេដងបើ ប្រៀបធៀប៥ឆ្នាំមុន ។ ទាំងនោះមិនគិត ពីពលរដ្ឋអាមេរិកដើមកំណើតគុយបា ដែលទៅស្រុកកំណើតសួរសុខទុក្ខឡើយ។
ច្បាប់កំណត់ថ្មីមានភាពងាយស្រួល ក្រុមហ៊ុនទេសចរណ៍ ក៏ដូចជាអង្គការ ស្ថាប័នហិរញ្ញវត្ថុអាមេរិកអាចដាក់ទុន រកស៊ីនៅប្រទេសគុយបាបាន ។ មួយវិញ ទៀត ពលរដ្ឋគុយបាដែលរស់នៅអាមេ រិកអាចផ្ញើប្រាក់ទៅឱ្យសាច់ញាតិនៅ ស្រុកកំណើតបានយ៉ាងងាយស្រួលដែល ពីមុន ក្នុងរយៈពេល៣ខែ អាចផ្ញើលុយ ទៅឱ្យអ្នកស្រុកនៅគុយបាពីអាមេរិក បានត្រឹមតែ៥០០ដុល្លារប៉ុណ្ណោះ ។
ចំណែកអ្នកទេសចរណ៍អាមេរិកក៏ អាចទិញទំនិញយកតាមខ្លួនពីប្រទេស គុយបាគិតជាតម្លៃប្រមាណ៤០០ដុល្លារ ដែលពីមុនអនុញ្ញាតឱ្យទិញឥវ៉ាន់មាន តម្លៃតែ១០០ដុល្លារប៉ុណ្ណោះ ។
ចា្បប់ថ្មីរបស់អាមេរិកបានអនុញ្ញាត ឱ្យពង្រីកការនាំចេញផលិតផលកសិកម្ម ទៅកាន់ប្រទេសគុយបា ។ កាលពីឆ្នាំ ២០១៤ ពលរដ្ឋអាមេរិកនាំទំនិញទៅ កាន់គុយបាគិតជាទឹកប្រាក់តែ៣០០ លានដុល្លារប៉ុណ្ណោះ ។ មន្ដ្រីសេតវិមាន បានទទួលស្គាល់ថា ការនាំចេញរបស់ អាមេរិកទៅកាន់គុយបាមានគម្លាតខ្ពស់ បើប្រៀបធៀបទំនិញប្រទេសដទៃទៀត ។
មានប្រសាសន៍ទៅកាន់ក្រុមអ្នក សារព័ត៌មាន រដ្ឋមន្ដ្រីក្រសួងហិរញ្ញវត្ថុ អាមេរិក លោក Jacob Lew បាន បញ្ជាក់ថា ក្រោយពេលប្រធានាធិបតី អាមេរិកប្រកាសតភ្ជាប់ទំនាក់ទំនងជា មួយគុយបានៅថ្ងៃទី១៧ ខែធ្នូ ឆ្នាំ២០១៤ មក អាមេរិកបានចាប់ផ្ដើមអនុវត្ដន៍ គោលនយោបាយដោយជួយឱ្យទំនាក់ ទំនងប្រទេសទាំងពីរកាន់តែប្រសើរ ថែមទៀត ក្រោយរយៈពេល៥៤ឆ្នាំដែល អាមេរិកដាក់ទណ្ឌកម្មទៅលើប្រទេស គុយបា ។
ចំណែករដ្ឋមន្ដ្រីក្រសួងពាណិជ្ជកម្ម អាមេរិក លោក Penny Pritzker ក៏ មានគម្រោងដឹកនាំគណៈប្រតិភូបំពេញ ទស្សនកិច្ចទៅកាន់ប្រទេសគុយបានៅ ចុងឆ្នាំ២០១៥ខាងមុខនេះដើម្បីស្ទាប ស្ទង់ទីផ្សារនៅគុយបាដើម្បីបង្កើនពាណិជ្ជ កម្មប្រទេសទាំងពីរ ។
ប្រធានាធិបតីអាមេរិក លោកបារ៉ាក់ អូបាម៉ា និងរដ្ឋមន្ដ្រីការបរទេសលោក ចន ឃើរី បានបង្ហាញក្ដីសង្ឃឹមថា អាច នឹងក្លាយជាប្រធានាធិបតី រដ្ឋមន្ដ្រីការ បរទេសដំបូងគេបង្អស់ដែលបំពេញ ទស្សនកិច្ចទៅកាន់ប្រទេសគុយបា ។ ប៉ុន្ដែដំណើរការធ្វើឱ្យប្រសើរឡើងនូវ ទំនាក់ទំនងអាមេរិក គុយបាក៏ជួបឧប សគ្គជាច្រើនក្នុងរដ្ឋសភាដែលជាកន្លែង សម្រេចចុងក្រោយពីការលុបចោល ទណ្ឌកម្មគុយបាស្ថិតនៅលើតំណាងរាស្ដ្រ មកពីគណបក្សសាធារណរដ្ឋ ។ បច្ចុប្បន្ន គណបក្សសាធារណរដ្ឋបានគ្រប់គ្រង សំឡេងភាគច្រើន ទាំងនៅក្នុងរដ្ឋសភា និងព្រឹទ្ធសភាបានបង្កផលលំបាកយ៉ាង ខ្លាំងដល់ការអនុម័តគោលនយោបាយ នានាដែលប្រធានាធិបតីអូបាម៉ា បាន ដាក់ចេញ ។ តំណាងរាស្ដ្រមួយចំនួនមកពីគណ បក្សសាធារណរដ្ឋ ក្នុងនោះមានសមា ជិកព្រឹទ្ធសភា Marco Rubio មកពីរដ្ឋ ផ្ល័ររីដា នៅតែប្រឆាំងទៅនឹងការផ្លាស់ ប្ដូរទំនាក់ទំនងរវាងអាមេរិក នឹងគុយបា។ តំណាងរាស្ដ្រមកពីគណបក្សសាធារណ រដ្ឋក៏បានគិតគូរដល់ការរារាំងផ្លាស់ប្ដូរ ទំនាក់ទំនង ក៏ដូចជាបំណងបើកស្ថានទូត អាមេរិកឡើងវិញនៅគុយបា ។
ចំណែកលោកស្រី Julie Sweing អ្នកឯកទេសស្ដីពីគុយបាដែលមានបទ ពិសោធយូរឆ្នាំបានបញ្ជាក់ថា ការ សម្រេចរបស់ប្រធានាធិបតីអូបាម៉ា ជា ជំហានវិជ្ជមានមួយដែលពលរដ្ឋប្រទេស ទាំងពីរបានស្វាគមន៍ដោយចិត្ដស្មោះ ភាពសប្បាយរីករាយយ៉ាងខ្លាំងដែលអាច ធ្វើឱ្យពលរដ្ឋប្រទេសទាំងពីរកាន់តែមាន ភាពជិតស្និទ្ធនឹងគ្នាបញ្ចប់ទស្សនៈផ្ទុយ គ្នា។ ការបង្កើនទំនាក់ទំនង នឹងធ្វើឱ្យគ្រប់ វិស័យនៅក្នុងប្រទេសគុយបាមានភាព ល្អប្រសើរ ចំណែកក្រុមហ៊ុនអាកាស ចរណ៍អាមេរិកអាចមានជើងហោះហើរ ពាណិជ្ជកម្មសម្ដៅទៅប្រទេសគុយបា តែម្ដង ។
ក្នុងដំណាក់កាលធ្វើឱ្យប្រសើរឡើង វិញទំនាក់ទំនងប្រទេសទាំងពីរថ្ងៃទី២១-២២ ខែមករា ឆ្នាំ២០១៥ ឧបការីរដ្ឋ មន្ដ្រីការបរទេសអាមេរិកទទួលបន្ទុក តំបន់អាមេរិកឡាទីន លោកស្រី Rober ta Jacobson នឹងបំពេញទស្សនកិច្ច ទៅកាន់រដ្ឋធានីរ៉ាវ៉ាណា ដើម្បីពិភាក្សា ជាមួយមន្ដ្រីគុយបាពីជំហ៊ានខាងមុខទៀត នៅក្នុងទំនាក់ទំនងទ្វេភាគី ក្នុងនោះមាន ទាំងគម្រោងបើកស្ថានទូតអាមេរិកនៅ ទីនោះវិញ ។
ការសម្រេចបញ្ចប់ទណ្ឌកម្ម បង្កើន ទំនាក់ទំនងរវាងអាមេរិក នឹងគុយបា ទទួលបានការគាំទ្រយ៉ាងខ្លាំង មិនត្រឹម តែពលរដ្ឋអាមេរិក គុយបាប៉ុណ្ណោះទេ ពលរដ្ឋជាច្រើននៅជុំវិញពិភពលោកក៏ បានចូលរួមអបអរសាទរពីការសម្រេច ទាំងនោះ ។ សកម្មភាពខាងលើនឹងជួយ ឱ្យប្រទេសគុយបារួចផុតពីទណ្ឌកម្មពី វិបត្ដិសេដ្ឋកិច្ច អាចចូលរួមជាមួយ សហគមន៍អន្ដរជាតិនៅគ្រប់វិស័យ គ្រប់ទិសទិសដោយមិនមានការព្រួយ បារម្ភដូចមុនទៀតឡើយ 9
