ខ្សែបម្រើអន្តរជាតិហូឡង់ Arjen Robben បានបញ្ជាក់ពីអនាគតរបស់ខ្លួននៅជាមួយ Bayern Munich ដោយរូបគេទើបតែនឹងចុះកិច្ចសន្យាថ្មីជាមួយក្លិបនៅក្របខណ្ឌអាល្លឺម៉ង់ Bundesliga មួយនេះខណៈដែលកិច្ចសន្យាបច្ចុប្បន្នរបស់គេនៅទឹកដី Allianz Arena នឹងត្រូវផុតកំណត់នៅខែមិថុនាឆ្នាំ
២០១៥ ។
ទោះបីជាយ៉ាងណាក៏ដោយ អតីតខ្សែបម្រើស្លាបរបស់ក្លិប Chelsea រូបនេះបានបន្តកិច្ចសន្យានៅជាមួយក្លិបជើងឯកអាល្លឺម៉ង់និងជាជើងឯកទ្វីបអឺរ៉ុបរហូតដល់រដូវក្តៅឆ្នាំ ២០១៧ ។
កីឡាករវ័យ ៣០ ឆ្នាំរូបនេះប្រាប់គេហទំព័ររបស់ក្លិបថា “ខ្ញុំរីករាយនឹងបន្តកិច្ចសន្យាថ្មីជាមួយក្លិបហើយនេះជារដូវកាលទី៥របស់ខ្ញុំហើយ ខ្ញុំនឹងបន្តជួយក្លិបឲ្យបានជើងឯកជាបន្តទៀត” ។
គួរបញ្ជាក់ថា Robben ស៊ុតបញ្ចូលទីបានចំនួន ១០ គ្រាប់ហើយក្នុងការប្រកួត ២០ លើកនៅរដូវកាលនេះ ៕
