ប្រទេសថៃៈ បន្ទាប់ពីទទួលបាននូវកិច្ចស្វាគមន៍របស់ថ្នាក់ដឹកនាំ និងមន្ទីរពាក់ព័ន្ឋរបស់ខេត្តឧប៊ុនរាជធានី បានផ្តល់នូវភាពរាក់ទាក់ ដូចបងដូចប្អូនរវាងអ្នកសារពត៌មានអាស៊ាន ដែលមានប្រទេសថៃ កម្ពុជា ចិន ឡាវ និងវៀតណាម ក្នុងការផ្លាស់ប្តូរនូវបទពិសោធន៍ អ៊ី
ឡិចត្រូនិច ប្រព័ន្ឋអាយធី និងយុទ្ធវិធីក្នុងការនាំយកពត៌មានដែលមានសារៈសំខាន់ ក្នុងការផ្សព្វផ្សាយដល់ប្រជាពលរដ្ឋ ក្នុងសហគមន៍ និងមូលដ្ឋាន ឲ្យមានការពេញនិយមនិងតាមដានពត៌មាន និងបានធ្វើឲ្យប្រជាពលរដ្ឋមានចំណងចំនូលចិត្តក្នុងវិស័យ ពត៌មាន។
លុះដល់ព្រឹកថ្ងៃទី២៧ ខែមករាឆ្នាំ ២០១៥ អ្នកសារពត៌មានអាស៊ាន បានធ្វើដំណើរឆ្ពោះទៅកាន់ តំបន់ទេស ចរណ៍ធម្មជាតិ ផាតែម PHA TEM គឺជាតំបន់ទេសចរណ៍ជាតិ ប្រកបដោយភាពអាថ៌កំបាំងដែលត្រូវបាន ក្រុមសិល្បះករ និងក្រសួងទេសចរណ៍ ចាត់ទុកជាឧទ្យាជាតិផាតែម ក្នុងនោះត្រូវបានក្រសួងទេសចរណ៍ អភិរក្ស នូវរូបគំនូរ ដែល
ត្រូវបានអះអាងថា ជារូបភាពដែលគូរមានអាយុកាល ៣០០០ឆ្នាំមុន ដែលជាស្នាដៃរបស់អ្នកនេសាទបានចតទូកនៅក្បែរជញ្ជាំងថ្មភ្នំហើយបានគូរជាគំនូរ មានរូបត្រី ដំរី មនុស្សនិងឧបករណ៍ នេសាទត្រី លុះមកដល់បច្ចុប្បន្នតំបន់នេះបានក្លាយទៅជាតំបន់ទេសចរណ៍ ដ៏សំខាន់ក្នុងខេត្តឧប៊ុនរាជធានី និងអាចទាកទាញភ្ញៀវជាតិ និងអន្តរជាតិ មកទស្សនាជាង២សែននាក់ក្នុងមួយឆ្នាំ ។
នៅថ្ងៃដដែល អ្នកសារពត៌មានអាស៊ានបានបន្តដំណើរទៅរមណីយដ្ឋាន សាមផាន់បូក ដែលជារមណីយដ្ឋានប្រវត្តិសាសន៍ បានកើតចេញពី ធម្មជាតិពិតៗ តែដោយមានការយកចិត្តទុកដាក់របស់ របស់ក្រសួងទេសចរណ៍ បានកំពុងតែដាក់សំណើររឿងរមណីយដ្ឋានសាមផាន់បូក ចូលទៅជាបេតិកភ័ណ្ឌពីភពលោក សំរាប់ទិដ្ឋភាពនៃ
រមណីយដ្ឋាន គឺនៅតាមបន្ទាត់ព្រំដែនថៃ និងប្រទេសឡាវ ដែលយកទន្លេមេគង់ជាព្រំ ស៊ីម៉ានៃប្រទេសទាំងពី នៅក្នុងមាត់ទន្លេមេគង់មានដុំថ្មរាប់សែន រាប់ម៉ឺនដុំ ព្រមទាំងផ្ទាំថ្មតូចធំរាប់សែនកំណាត់ ដុំថ្មរាប់ម៉ឺនដុំដុះពណ៌ធម្មជាតិ តាមបែបផ្សេងៗ សម្រាប់ពាក្យថា សាមផាន់បូកគឺ ជាអន្លង់តូចធំរាប់ពាន់កន្លែង ដែលបានកើតចេញពីធម្មជាតិ ដោយសារតែស្នាដៃទឹកហូរច្រោះ រហូតមកដល់ពេលនេះ តំបន់នេះ ត្រូវបានក្លាយទៅជាតំបន់ទេសចរណ៍ ដ៏សំខាន់។
លោក រៀម រិទ្ធី ជាអ្នកសារពត៌មាន ក្នុងស្រុកបានឲ្យដឹងថា ក្រោយពីបានធ្វើដំណើរមកកំសាន្តនៅរមណីយ ដ្ឋានទាំងពីកន្លែងនេះ គឺបានចំណេះដឹងកាន់តែខ្លាំងឡើង ដែលមានចំណាប់អារម្មណ៍ថា នេះគឺជាយកចិត្ត ទុកដាក់របស់ក្រសួងពត៌មាន ក្នុងកិច្ចសហការជាមួយ ក្រសួងទេសចរណ៍ និងមន្ទីរពាក់ព័ន្ឋ ជាពិសេសប្រជា ពលរដ្ឋក្នុងការរួមចិត្តគ្នា បង្កើតទីតាំងភ្នំ ទឹកជ្រោះដើម្បីអភិវឌ្ឍន៍ឲ្យក្លាយទៅជាតំបន់ទេសចរណ៍ ។
ក្នុងនោះអាជ្ញាធរស្រុកខេមរ៉ាត បានបង្ហាញឲ្យឃើញនូវការអភិរក្ស វប្បធម៌ ទំនាមទំលាប់ ប្រពៃណីរបស់ ប្រជាពលរដ្ឋរស់នៅក្នុងស្រុកខេមរ៉ាត ពីការធ្វើបុណ្យ ដាក់បាត សន្សំកុសលផលបុណ្យ ឲ្យប្រទេសជាតិ ទទួលបាននូវភាពស្ងប់ស្ងាត់ និងភាពសុខសាន្ត ព្រមទាំងបានបណ្តុះក្នុងចិត្តប្រជាជនឲ្យមានការធ្វើបុណ្យ ដាក់ទានដើម្បីឲ្យសង្គមរស់នៅក្នុងភាពសន្តិភាព។ ដោយ ប៊ុន រដ្ឋា
