យោធាឥណ្ឌូនេស៊ីកាលពីថ្ងៃទី២៧ ខែមករា ឆ្នាំ២០១៥ បានប្រកាសលុប ចោលកិច្ចប្រតិបត្ដិការស្វែងរកបំណែក យន្ដហោះ AirAsia ដែលបានធ្លាក់ចូល សមុទ្រ Java កាលពីខែមុន និងក្រោយ ពីរកមិនឃើញសាកសពណាមួយបន្ថែម ទៀតស្ថិតនៅក្នុងតួយន្ដហោះនោះឡើយ។
ជើងហោះហើរQZ850បានធ្លាក់ កាលពីថ្ងៃទី២៨ ខែធ្នូ ឆ្នាំ២០១៤ក្នុងអំឡុង ពេលមានអាកាសធាតុអាក្រក់ ដោយ ក្នុងនោះមានអ្នកដំណើរ និងអាកាស យានិក១៦២នាក់។ យន្ដហោះនេះទើបតែ ចាកចេញបានរយៈពេលខ្លីប៉ុណ្ណោះពីទី ក្រុងSurabayaប្រទេសឥណ្ឌូនេស៊ីឆ្ពោះ ទៅកាន់ប្រទេសសិង្ហបុរី ។
ក្រុមជួយសង្គ្រោះ និងរុករកបានខក ខានជាថ្មីទៀតនៅអំឡុងពេលចុងក្រោយ ប៉ុន្មានថ្ងៃនេះដើម្បីលើកតួយន្ដហោះ Airbus A320-200 ដែលមន្ដ្រីសង្ឃឹមថា នឹងរកឃើញសាកសពជនរងគ្រោះ បន្ថែមទៀតស្ថិតនៅខាងក្នុងនោះ ។
ខាងទាហានជើងទឹកដែលជាអ្នកចូល រួមខ្លាំងក្លាជាងគេ ទាំងកងកម្លាំងទាហាន ក៏ដូចផ្គត់ផ្គង់សម្ភារបរិក្ខាដល់សកម្ម ភាពរុករកខាងលើនេះ កាលពីថ្ងៃទី២៧ ខែមករាបានប្រកាសឱ្យដឹងថា នឹងដក កម្លាំងទាំងនោះត្រឡប់មកវិញ ដោយ សារថា តួយន្ដហោះដែលបាក់បែក និង ខូចខាតនេះពិតជាលំបាកនៅក្នុងការ ស្រង់ឡើងពីទឹកខ្លាំងណាស់ ហើយម្យ៉ាង វិញទៀត ក៏ពុំមានសាកសពបន្ថែមទៀត ដែលស្ថិតក្នុងតួយន្ដហោះនោះផងដែរ។
លោក Rear Admiral Widodo មន្ដ្រី ទាហានជើងទឹកដែលមានភារកិច្ចពិនិត្យ មើលសកម្មភាពជួយសង្គ្រោះ និងរុករក ខាងលើបានបញ្ជាក់ថា «រាល់កម្លាំងទាំង អស់នឹងត្រូវដកឱ្យត្រឡប់មកវិញ។ យើង សុំទោសចំពោះក្រុមគ្រួសាររងគ្រោះ»។
រហូតមកដល់ពេលនេះ គេទើបតែ រកឃើញសាកសព៧០នាក់ប៉ុណ្ណោះហើយ ក្រុមអ្នករុករក និងក្រុមជួយសង្គ្រោះ ក្នុងស្រុកបានប្រកាសថា ពួកគេនឹងបន្ដ សកម្មភាពស្វែងរកជនរងគ្រោះក្នុង ប្រតិបត្ដិការទ្រង់ទ្រាយតូច។ លោក Bambang Soelistyo អ្នកដឹកនាំក្រុម នេះបានបញ្ជាក់ថា «យើងនឹងបន្ដបំពេញ ក្ដីសង្ឃឹមចំពោះក្រុមគ្រួសារសាច់ញាតិជនរងគ្រោះ ប៉ុន្ដែការប្រតិបត្ដិការមិន មែនជាទ្រង់ទ្រាយធំនោះទេ» ។
អ្នកនាំពាក្យយោធាឥណ្ឌូនេស៊ី លោក Fuad Basya បានថ្លែងថា «តួយន្ដហោះ ទាំងមូលរងការខូចខាត។ វាត្រាំនៅក្នុង បាទសមុទ្រយូរថ្ងៃ នៅពេលយើងលើកវា វាក៏ប្រែទៅជាបំណែកៗ យើងមិនអាច រកឃើញសាកសពណាមួយបន្ថែមទៀត នោះទេ» ។
ចាប់តាំងពីចុងសបា្ដហ៍កន្លងមក ក្រុមជួយសង្គ្រោះបានប្រឹងប្រែងយ៉ាង ខ្លាំងដើម្បីស្រង់តួយន្ដហោះនេះឡើង មកលើគោក។ ក្រុមនេះបានប្រើសំណាញ់ ដើម្បីអូសយកតួយន្ដហោះដែលនៅបាទ សមុទ្រជម្រៅជិត៣០ម៉ែត្រ ប៉ុន្ដែនៅ ពេលប្រតិបត្ដិការបានប្រហែល២នាទី តួយន្ដហោះបានដាច់ជាពីរ ហើយលិច ទៅបាតសមុទ្រវិញ ។
មានការចូលរួមជាអន្ដរជាតិក្នុង សកម្មភាពស្វែងរកយន្ដហោះAirAsia ដោយក្នុងនោះមានបណ្ដាប្រទេសជា ច្រើន ដូចជាចិន និងអាមេរិកផងដែរ ។ ប៉ុន្ដែបន្ទាប់ពីរកឃើញតួយន្ដហោះ ដោយនាវាចម្បាំងសិង្ហបុរី ប្រទេសទាំង នោះបានដកក្រុមការងាររបស់ខ្លួន ត្រឡប់ទៅវិញ ។
ប្រអប់ខ្មៅយន្ដហោះដែលផ្ទុករាល់ ទិន្នន័យ និងសកម្មភាពផ្សេងៗដែលកើត ឡើងនៅក្នុងយន្ដហោះនោះត្រូវបានរក ឃើញ។ ក្រុមស៊ើបអង្កេតកំពុងវិភាគ ទៅលើទិន្នន័យក្នុងប្រអប់ខ្មៅហើយយ៉ាង យូរក្នុងសបា្ដហ៍នេះ ដើមចមនៃមូល ហេតុបណ្ដាលឱ្យគ្រោះថ្នាក់ធ្លាក់យន្ដហោះ នឹងត្រូវលាតត្រដាងជាសាធារណៈ ។
