កំពង់ធំ ពិធីសម្ពោធន៍អាគារសាលប្រជុំ របស់វរះសេនាតូចរៀបរយលេខ១ ត្រូវបានប្រារព្វឡើងនៅទីបញ្ជាការ វរះសេនាតូចលេខ១ស្ថិតនៅក្នុងភូមិតាឡែកថ្មី ឃុំសាលាវិស័យ ស្រុកប្រាសាទបាល័ង្គ ខេត្តកំពង់ធំ ក្រោមអធិបតីភាព ឯកឧត្តម ឧត្តមសេនីយ៍ឯក ហ៊ុនម៉ាណែត
នាយរងសេនាធិការចម្រុះនៃកងយោធពលខេមរភូមិន្ទ មេបញ្ជាការងកងទ័ពជើងគោក មេបញ្ជាការបញ្ជាការដ្ឋានជាតិកម្លាំងពិសេសប្រឆាំងភេវៈកម្ម
ឯកឧត្តម អ៊ុត សំអន អភិបាលខេត្តកំពង់ធំ ព្រមទាំងមេបញ្ជាការង មន្ត្រីរាជការជុំវិញខេត្តនិងប្រតិភូអមដំណើរ កងកម្លាំងសិស្សានុសិស្សប្រជាពលរដ្ឋចូលរួមជាង៦០០នាក់ នៅព្រឹកថ្ងៃទី ៦ ខែកុម្ភះ ឆ្នាំ ២០១៤។
ឯកឧត្តម ឧត្តមសេនីយ៍ត្រី សោម ស៊ុន មេបញ្ជាកាតំបន់ប្រតិបត្តិការសឹករងកំពង់ធំ បានអានរបាយការណ៍ស្តីពីប្រវត្តន៍នៃការសាងសង់ បន្ទាយវរៈសេនាតូចរៀបរយលេខ១ ត្រូវបានផ្លាស់ប្តូរពីទីតាំងនៅស្រុកកំពង់ស្វាយមកទីតាំងថ្មីនៅដើមឆ្នាំ២០១១តាមការចង្អុលបង្ហាញរបស់ឯកឧត្តម ឧត្តមសេនីយ៍ឯក ជា ម៉ន មេបញ្ជាការងកងទ័ពជើងគោក មេបញ្ជាការយោធភូមិភាគទី៤ ដើម្បីងាយស្រូលក្នុងការចល័តអន្តរាគមន៍ ឡើងទៅកាន់ទិសព្រំដែន កម្ពុជា ថៃ តំបន់ប្រាសាទព្រះវិហារ ក្នុងផ្ទៃដី១៤ហិចតា ទើបមានការគ្រាំទ្រឧបត្ថម្ភពីសំណាក់ ឯកឧត្តម អ៊ុត សំអន អភិបាលខេត្តកំពង់ធំ ក្រុមហ៊ុនវិនិយោគ ទ្រីភាព ក្រុមកុល វាសនា ព្រមទាំងសម្បុរស ជនជាច្រើនទៀត ក្នុងការផ្តល់អាគារ និងសាលប្រជុំ ដើម្បីអភិវឌ្ឍន៍វរៈសេនាតូចលេខ១។
ឯកឧត្តម អ៊ុត សំអន បានមានប្រសាសន៍ កោតសរសើរដល់ មេបញ្ជាការតំបន់ប្រតិបត្តិការសឹករង និងលោក មេបញ្ជាការវរសេនាតូចលេខ១ ព្រមទាំងមេបញ្ជាការង ការសាង់សង់នេះគឺពិតជាមានតំលៃខ្លាំងណាស់ ក្នុងស្មារតីចូលរួមពីសំណាក់ ស្ថាប័នរដ្ឋ ស៊ីវិល ឧកញ៉ា ក្រុមហ៊ុន អជីវករ និងសម្បុរសជន ដោយការខិតខំយកចិត្តទុកដាក់ខ្នះខ្នែងទាក់ទងរបស់មេបញ្ជាការសឹករងខេត្ត រួមផ្សំនិងគុណធម៌ល្អប្រពៃ ធ្វើឲ្យមានការគាំទ្រ សម្រេចបាន
សមិទ្ធិផលនេះឡើង សម្រាប់បំរើការងារអប់រំ ផ្សព្វផ្សាយក៏ដូចជាពង្រឹងយុទ្ធសាស្ត្រផ្សេងៗហើយវប្បធ៌មនេះយើងអាចអនុវត្តន៍នៅកន្លែងផ្សេងៗ របស់តំបន់ប្រតិបត្តិការសឹក និងគណៈបញ្ជាការឯក ភាពខេត្ត សូមបញ្ជាក់ផងដែរថា មុនចូលឆ្នាំខ្មែរនេះ នឹងមានរៀបចំធ្វើបុណ្យគាស់សពយុទ្ធជន ជនពលីជីវិតសម័យសង្គ្រាម ដើម្បីកែលំអរ ចាក់ដី ជីស្រះដាំឈូក ដាំផ្កាឲ្យមានសោភ័ណភាព ឲ្យស័ក្កសមនឹង តំលៃបូជា អាយុជីវិតរបស់ យុវជន យុវនារីដែលមានហ៊ានពលីកម្មក្នុងសម័យសង្គ្រាម ។
ឯកឧត្តម ឧត្តមសេនីយ៍ឯក ហ៊ុនម៉ាណែត បានមានប្រសាសន៍ កោតសរសើរនឹងវាយតំលៃខ្ពស់ របស់មេបញ្ជាការ មេបញ្ជាការង និងអាជ្ញាធរខេត្តកំពង់ធំ ដែលបានដែលមានសហការគាំទ្រ ជម្រុញឲ្យមានការសាងសង់បន្ទាយដែលជាគ្រិះដ៏រ៉ឹងមាំ និងសូមថ្លែងអំណរគុណដល់ អ៊ុំ ពូ មីង លោកតា លោកយាយ ពុកម៉ែ ប្រជាពលរដ្ឋ ដែលមានគាំទ្រ និងជឿទុកចិត្តដល់រាជរដ្ឋាភិបាល ក្នុងការដឹកនាំ ជឿទុកចិត្តដល់សម្តេចអគ្គមហា សេនាបតីតេជោ ហ៊ុន សែន 
ក្នុងការដឹកនាំប្រទេសមកដល់ពេលនេះ និងសូមឲ្យគាំទ្ររបស់លោកតា លោកយាយ គាំត្របន្តដើម្បីដឹកនាំប្រទេសបន្តទៀត និងការយកចិត្តទុកដាក់របស់កងកម្លាំងកាន់តែខ្លាំង ចំពោះកំរិតជីវភាពកងទ័ពនិង គ្រួសារកងទ័ព ក្នុងកសាង ដោះស្រាយជូនគ្រួសារកងទ័ព និងប្រជាពលរដ្ឋ ក្នុងការ ផ្តល់ដីសម្បទាន និងការកសាងអភិវឌ្ឍន៍ គ្រួសារទ័ពតាមបណ្តោយព្រំដែន ការបង្កើនប្រាក់ហូប ប្រាក់បៀវត្ត និងប្រាក់ផ្សេៗទៀត ។
ក្នុងនោះឯកឧត្តម ឧត្តមសេនីយ៍ឯក ហ៊ុន ម៉ាណែត បានផ្តាំផ្ញើរ៨ចំនុចដល់អង្គភាពដើម្បីបំផុសស្មារតី ក្នុងការងារអទិភាពទី១ យកអស់ស្មារតីគោរឲ្យបានម៉ឺងម៉ាត់ នូវបទបញ្ជារចរាចរណ៍ណែនាំ ល័ក្ខខ័ន្ទតិកៈ និងគតិយុទ្ធនានា ប្រកាន់ភ្ជាប់នូវ ប្រពៃណីសេចក្តីថ្លៃថ្នូរ របស់កងយោធពលខេមរភូមិន្ទ ជាកងកម្លាំងរបស់ប្រជាជតិក្នុងបុព្វហេតុការពារជាតិមេតុភូមិយើង ។
ទី២ បន្តយកចិត្តទុកដាក់ បង្កើនការងារស្មារតីឆន្ទះមនសិកា ស្នេហាជាតិ ចូលរួមការងាររក្សាសន្តិសុខសណ្តាប់ធ្នាប់សង្គម និងចូលរួមបង្ក្រាបបទល្មើសផ្សេងៗ ក្នុងការ ស្តារអភិវឌ្ឍន៍ប្រទេសជាតិឲ្យមានការរីចំរើន ទី៣ បន្តការខិតខំប្រឹងប្រែងយកចិត្តទុកដាក់លើការងារហ្វឹកហ្វឺន កសាងប្រភពធនធានមនុស្ស ឲ្យមានបរិមាណនិងគុណភាពឆ្លើយតបនិងកំណែទម្រង់របស់កងយោធពលខេមរភូមិន្ទ ទី៤ បង្កើនការយកចិត្តទុកដាក់ គ្រប់គ្រង
ថែរក្សាគ្រឿងសព្ទាវុធនិងឯកសារគ្រប់បែបយ៉ាងឲ្យ មានគង់វង្សនិងមានប្រសិទ្ធិភាព ធានាដល់ការបំរើសមរភូមិបានយូរអង្វែង ទី៥ យកចិត្តទុកដាក់ ចូលរួម រាល់កិច្ចការសង្គម ទាំងសម្ភារៈ មធ្យោបាយគ្រប់យ៉ាង ដើម្បីជួយសង្គ្រោះប្រជាពលរដ្ឋ និងសហការជាមួយស្ថាប័នមានសមត្ថកិច្ចក្នុងកិច្ចដំណើរការជួយសង្គ្រោះប្រជាពលរដ្ឋឲ្យបានទាន់ពេលវេលា ទី៦ យកចិត្តទុកដាក់ អប់រំណែនាំ អប់រំចិត្តសាស្ត្រ ពង្រឹងអត្តចរិក សមស្របតាម
គោលនយោបាយរបស់រាជរដ្ឋាភិបាល ជាពិសេសគឺពត៌មានតាមហ្វេសបុក ដែលបានផ្សព្វផ្សាយទូទៅឆាប់រហ័ស ទាំងពត៌មានទាំងពិត និងមិនពិត ដែលបានធ្វើឲ្យបងប្អូនមានសតិអារម្មណ៍ ទី៨ ត្រូវបន្តជម្រុញបន្ថែម នូវការកសាងជម្រកដល់កងទ័ព ដែលមានសុវត្តិភាពល្អ ធានាបាននូវសុខភាពនិងកំលាំងរ៉ឹងមាំ ។
ជាចុងក្រោយឯកឧត្តម ឧត្តមសេនីយ៍ឯក ហ៊ុនម៉ាណែត បានមានប្រសាសន៍សម្តេចអគ្គមហាសេនាបតីតេជោ ហ៊ុន សែនបានចូលរួមនាំយកអំណោយដល់លោកតា លោកយាយ លោក គ្រូអ្នកគ្រូ សិស្សានុសិស្ស និងឧបត្ថម្ភដល់ការសាងសង់វរៈសេនាតូចលេខ១ និងជួយសាងសង់ឃ្លាំង ព្រមទាំងជួយស៊ីម៉ងត៍១៥តោន ។
ដោយ ប៊ុន រដ្ឋា
