សៀមរាប. វត្តប្រាសាទច័ន្ទរង្សី ហៅវត្តស្វាយសរ ត្រូវបានប្រារព្វពិធី បច្ចុះខណ្ទស៊ីម៉ា នៅព្រឹកថ្ងៃទី៨ ខែកុម្ភះ ឆ្នាំ ២០១៥ ក្រោមអធិបតីភាព ឯកឧត្តម ឃឹម ប៊ុនសុង អភិបាល នៃគណះអភិបាលខេត្ត សៀមរាប និងព្រះតេជគុណ ឥន្ទកេសរោ ពេជ្រ សន ព្រះមេគណ
ខេត្តសៀមរាប ព្រមទាំងមន្ត្រីរាជការ កងកម្លាំងប្រដាប់អាវុធ ប្រជាពលរដ្ឋ សិស្សានុសិស្សចូលរួមយ៉ាងអធឹកអធ័ម ស្ថិតនៅក្នុងភូមិស្វាសរ ឃុំស្វាយសរ ស្រុកវ៉ារិន ខេត្តសៀមរាប ។
គណៈកម្មការវត្តបានឲ្យដឹងថា វត្តនេះត្រូវបានកសាងសម័យ ឆ្នាំ១៨៧៥ ផ្ទៃក្រឡា២៣៤០ម៉ែត្រកសារ៉េ លុះដល់ម័យប៉ុលពតត្រូវបានបំផ្លេចបំផ្លាញហិនហោចអស់ ក្រោយថ្ងៃរំដោះ១៩៧៩ ប្រទេសកម្ពុជាត្រូវបានរំដោះឡើងវិញ និងត្រូវបានកសាងជាបន្តបន្ទាប់ នូវសមិទ្ធិផលផ្សេងៗរហូតមកដល់ពេលនេះ និងត្រូវបានសម្ពោធន៍ដាក់ឲ្យប្រើប្រាស់ជាផ្លូវការ ក្នុងថ្ងៃនេះក្នុងទឹកប្រាស់៣៥ម៉ឺនដុល្លា ។
ឯកឧត្តម ឃឹម ប៊ុនសុង អភិបាល នៃគណះអភិបាលខេត្ត សៀមរាប បានមានប្រសាស៍កោរសរសើរនិងផ្តាំ ផ្ញើរដល់នៅក្នុងអង្គប្រជុំថា នៅក្នុងប្រទេសកម្ពុជាកំពុងតែបន្តគ្របដណ្តប់នូវសន្តិភាពពេញលេញ និងនយោបាយឈ្នះៗ របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រ កម្ពុជា ព្រះរាជាណាចក្រកម្ពុជាយើង កំពុងតែបន្តនូវឯកភាព សន្តិភាព ស្ថេរភាពនយោបាយ សន្តិសុខ សណ្តាប់ធ្នាប់សង្គម ចំនុចសំខាន់
ទាំងនេះគឺជាស្នាដៃប្រវត្តិសាស្ត្រ ថែមទាំងមានកិត្យានុភាពស្មើរភាពស្មើរសិទ្ធ ជាមួយនឹងបណ្តាប្រទេសនានា នៅលើសកលលោក ជាក់ស្តែងក្នុងឆ្នាំ២០១៤ កម្ពុជាបានសម្រេចកំណើនសេដ្ឋកិច្ច ៧,២ភាគរយ តាមការប៉ានស្មានកម្ពុជាអាចរក្សានូវ៧ភាគរយ ជាពិសេសវិស័យកសិកម្ម ទេសចរណ៍ កាត់ដេរ និងសំណង់ ក្នុងនោះវិស័យទេសចរណ៍កម្ពុជាមានការ
រីកចំរើនយ៉ាងខ្លាំង ។ ឯកឧត្តមបានបញ្ជាក់ថា វិស័យព្រះពុទ្ធសាសនា ត្រូវបានស្តារឡើវិញយ៉ាងឆាប់រហ័ស និងបានកំណត់ជាសាសនារបស់រដ្ឋ នៅក្នុងខេត្តសៀមរាបមានវត្ត២៣៣វត្ត អាស្រម ២២ព្រះសង្ឃសរុបចំនួន ៩០៣៦អង្គ សមិទ្ធិផលទាំងអស់នៅក្នុងវត្តសូមឲ្យបងប្អូនប្រជាពលរដ្ឋ ចូលរួមថែរក្សា ដើម្បីទ្រទ្រង់ព្រះពុទ្ធសាសនា។
ដោយ ប៊ុន រដ្ឋា
