សៀមរាបៈ ភ្ញៀវទេសចរណ៍ ជាតិ និងអន្តរជាតិ កំពុងតែចាប់អារណ៍យ៉ាងខ្លាំង ចំពោះតំបន់ទេសចរណ៍មួយ ដែលត្រូវបានបងប្អូន ប្រជាពលរដ្ឋ រួមគ្នាសហការ ជាមួយអាជ្ញាធរ មូលដ្ឋាន កងកម្លាំង និងអ្នករួមអជីវកម្ម បានបង្កើតឲ្យមានសហគមន៍ទេសចរណ៍ ក្នុងឃុំ
កំពង់ឃ្លាំង ស្រុកសុទ្រនិគមន៍ ខេត្តសៀមរាប រីឯចំណូលដែល បានមកពីការធ្វើអជីវកម្មទេសចរណ៍ របស់សហគមន៍ ត្រូវបានប្រើប្រាស់ផលប្រយោជន៍រួម នៅក្នុងឃុំកំពង់ឃ្លាំង ។
ពីមូយថ្ងៃទីមួយថ្ងៃ កំណើននូវទេសចរណ៍ បានកើនឡើងជាលំដាប់ គឺដោយសារការខិតខំប្រឹងប្រែង និងយកចិត្តទុកដាក់ របស់លោក ហ៊ូវ សាវី ប្រធានសហគមន៍ទេសចរណ៍ កំពង់ឃ្លាំង និងលោក ប៉ា ប៉ូ មេឃុំកំពង់ឃ្លាំង ព្រមទាំងក្រុមការងារ និងកងកម្លាំងប្រដាប់អាវុធ 
ជួយជ្រោមជ្រែងឲ្យមាន ការប្រកបអជីវកម្ម សមាគមន៍ទេសចរណ៍ បំរើដល់ភ្ញៀវជាតិ និងអន្តរជាតិ និងត្រូវបាន ផ្តោតសំខាន់ទៅលើ សន្តិសុខ សុវត្តិភាព និងសណ្តាប់ធ្នាប់ជូនភ្ញៀវទេសចរណ៍ សម្រាប់ចំនូលរបស់សហគមន៍ទេសចរណ៍ ត្រូវបាននាំយកទៅប្រើ ប្រាស់ប្រយោជន៍ រួមមានសាងសង់ផ្លូវលំ និងជួសជុលស្ពាន ជួយដល់ទុរគត់ជន ជនក្រីក្ររ ជួយចំណាយ ថវិការសម្រាប់បូជាសពជូនក្រុមគ្រួសារគ្មានញាតិសណ្តាន និងខ្វះខាតក្នុងជីវភាពគ្រួសារ លទ្ធផលទាំងនេះ បានធ្វើឲ្យ ឯកឧត្តម សៀង ណាំ តំណាងរាស្ត្រ មណ្ឌលសៀមរាប ព្រមទាំងឯកឧត្តម ឃឹម ប៊ុនសុង អភិបាល នៃគណៈអភិបាលខេត្តសៀមរាប បានជួយឧបត្ថម្ភគាំទ្រ នូវសកម្មភាពមនុស្សធម៌ក្នុងសហគមន៍ និងឲ្យមានសហគមន៍ទេសចរណ៍ ដើម្បីប្រយោជន៍រួមក្នុងឃុំកំពង់ឃ្លាំង ។
លោក ធី ប្រធានសមាគមន៍ មគ្គទេ្ទស ខេត្តសៀមរាប បានឲ្យដឹងថា តំបន់ទេសចរណ៍ ក្នុងឃុំកំពង់ឃ្លាំងពិតជាមានទិដ្ឋភាពល្អប្រពៃ និងជាភូមិនេសាទដ៏ពេញលេញ ភ្ញៀវទេសចរណ៍មកពីគ្រប់ទិសទី តែងតែស្គាល់ច្បាស់តាមប្រព័ន្ឋផ្សព្វផ្សាយ និងអ៊ិនធើនេត ថាឃុំកំពង់ឃ្លាំង ដែលស្ថិតនៅខាងកើតនៃទីរួមខេត្តសៀមរាបជាប់ ផ្នែកមួយនៃបឹងទន្លេសាប និងមានប្រជានេសាទដល់ទៅ៨០% នៅតាមផ្លូវចូលឃុំកំពង់ឃ្លាំង ប្រកបដោយផ្ទះជាច្រើនតំរៀបគ្នា
ជាជួរនឹងសងខាងផ្លូវចូល អ្វីដែលបានទាក់ទាញឲ្យភ្ញៀវមកកំសាន្តនោះ គឺមាន ផ្ទះដែលសាងសង់មានកម្ពស់ដល់ទៅ ៥ម៉ែត្រ ការសង់ផ្ទះបែបនេះ គឺជាការត្រៀបទប់ទល់នឹងទឹកជំនន់ ចំណែកឯក្នុងផ្ទៃបឹងទន្លេសាប គេឃើញមានប្រជាពលរដ្ឋ រាប់រយគ្រួសារ ដែលកំពុងតែប្រកបមុខរបរ នេសា ត្រីបែបធម្មជាតិ នឹងការស់នៅលើក្បូនបណ្តែតទឹក ឃុំកំពង់ឃ្លាំងត្រូវបានគេស្គាល់ថា ជាឃុំមួយដែល៦ខែទឹក ៦ខែគោក ។
លោក ហូវ សាវី ប្រធានសហគមន៍ទេសចរណ៍ បានឲ្យដឹងថា ក្នុងឆ្នាំ ២០១៥នេះ បរិមាណភ្ញៀវទេសចរណ៍ មានកំណើនកើនឡើងជាមុន ក្នុងនោះសហគមន៍ទេសចរណ៍នេះ គឺបានកើតឡើងចេញពីទឹកចិត្តរបស់ បងប្អូនប្រជាពលរដ្ឋទាំងអស់គ្នា ចាប់តាំងពីឆ្នាំ ២០០៩មកម្លេះ ហើយបានធ្វើការកំណែទម្រង់ទាំងបរិមាណ នឹងគុណភាព ព្រមទាំងបានធ្វើការកែលំអរ សោភ័ណភាពក្នុងទឹកស្ទឹង ក៏ដូចជាបរិស្ថាននិងបានណែនាំឲ្យបងប្អូន
ប្រជាពលរដ្ឋ ចូលរួមថែរក្សាអនាម័យ និងការទទួលរាក់ទាក់ភ្ញៀវទេសចរណ៍ ជាតិនិងអន្តរជាតិ លក់ ចំណីអាហារក្នុងតំលៃសមរម្យ និងសូមបញ្ជាក់ផងដែរថា សម្រាប់ភ្ញៀវជាតិ និងអន្តរជាតិ គឺត្រូវបាននាំទៅ ពិសារអាហារនៅលើផ្ទះរបស់ប្រជានេសាទដោយផ្ទាល់ ដើម្បីឲ្យភ្ញៀវទាំងអស់បានស្គាល់ពីទំនាមទំលាប់ ប្រពៃណីរបស់ខ្មែរ ដែលសង់ផ្ទះនៅខ្ពស់គួរឲ្យចាប់អារម្មណ៍ ។
លោក ប៉ា ប៉ូ មេឃុំកំពង់ឃ្លាំង ព្រមទាំងក្រុមការងារ បានថ្លែងអំណរគុណដល់ គណៈថ្នាក់ដឹកនាំខេត្តសៀមរាប និងលោក ឧកញ៉ា សៀង ណាំ ដែលបានគាំទ្ររឲ្យមានសហគមន៍ទេសចរណ៍ ក្នុងឃុំកំពង់ឃ្លាំង និងបានផ្តល់លទ្ធភាពគ្រប់សព្វបែបយ៉ាង ឲ្យសហគមន៍ ប្រឹងប្រែងអភិវឌ្ឍន៍ភូមិឃុំរបស់ខ្លួន។
ដោយ ប៊ុន រដ្ឋា 
