កំពង់ធំៈ សន្និបាតបូកសរុបលទ្ធផលការងារឆ្នាំ២០១៤ និងលើកទិសដៅអនុវត្តការងារឆ្នាំ២០១៥ បានធ្វើឡើងក្នុងសាលប្រជុំសាលាដំបូងខេត្តកំពង់ធំ ក្រោមអធិបតីភាព លោក ឃន សុកល ប្រធានសាលាដំបូង និងលោក អ៊ិត សុធា ព្រះរាជអាជ្ញាអមសាលាដំបូង
ខេត្តកំពង់ធំ ព្រមទាំងព្រះរាជអាជ្ញារង ចៅក្រម ក្រឡាបញ្ជីនិងមន្ត្រីអនុវត្តការងារក្នុងសាលាដំបូងចូលរួម កាលពីថ្ងៃទី ១១ ខែ កុម្ភះ ឆ្នាំ ២០១៥ ។
លោក អ៊ិត សុធា ព្រះរាជអាជ្ញាសាលាដំបូង បានអានរបាយការណ៍ ដែលបានអនុវត្តឆ្នាំ ២០១៤សកម្មភាពការងាររបស់អយ្យការអមសាលាដំបូងខេត្តកំពង់ធំ ដោយគិតពីថ្ងៃទី ១៥ ខែ ១២ ឆ្នាំ ២០១៣ ដល់ថ្ងៃទី២៦ ខែ ១១ ឆ្នាំ ២០១៤ មានស្ថានភាពបំរលការងារចំនួន ១៣រូប ក្នុងនោះមានព្រះរាជអាជ្ញា១រូប និងព្រះរាជអាជ្ញារង៣រូប នាយកក្រឡាបញ្ជី១រូប ក្រឡាបញ្ចី៤រូប ស្រី១រូប មន្ត្រីជាប់កិច្ចសន្យា៣រូបភេទស្រី ដោយបានចេញដីការពិសេសចំនួន២៩៥៨ច្បាប់ សំណុំរឿងសល់ពីមុន ចំនួន ៣៦៧រឿង សំណុំរឿងថ្មី ៨១៧រឿង សំណុំរឿងចាត់ការរួច ៨០៣រឿង សំណុំរឿងកំពុងចាត់ការ៣៨១រឿង ។
លោក ស្រី ស៊ីម សាម៉ើ អនុប្រធានសាលាដំបូង បានមានប្រសាសន៍ថា ផែនការសកម្មភាពដែលត្រូវអនុវត្ត បន្តឆ្នាំបន្ទាប់ គឺគាំទ្រនយោបាយទម្រង់ច្បាប់ និងប្រព័ន្ឋយុត្តិធម៌ និងគាំទ្រនយោបាយរបស់ក្រសួងយុត្តិធម៌ និងអយ្យាការអមសាលាដំបូងដែលបានដាក់ចេញ នូវយុទ្ធសាស្ត្ររបស់ខ្លួន ដោយបង្កើននូវការធានាយុត្តធម៌សង្គម និងជឿទុកចិត្តលើប្រព័ន្ឋ
តុលាការ គឺត្រូវពង្រឹងការប្រតិបត្តិការងារ នីតិវិធីច្បាប់ដល់ស្ថាប័នជាប់ចំណងមានចៅក្រមស៊ើបសួរអយ្យការសាលាដំបូង នគរបាលយុត្តធម៌គ្រប់ផ្នែក និងពន្ឋនាគារឲ្យអនុវត្តត្រឹម ត្រូវតាមច្បាប់ រក្សានិរន្តភាពការងារ និងជម្រុញការងារស្នូលនៅក្នុងស្ថាប័ន ឲ្យកាន់តែមានប្រសិទ្ធភាពនិងយកចិត្តទុកដាក់ចំពោះរឿងក្តីពាក់ព័ន្ឋអនីតិជន (កុមារ) ឲ្យទទួលបាននូវភាពយុត្តធម៌។
លោក ឃន សុកល ប្រធានសាលាដំបូងបានមានប្រសាសន៍ថា ការផ្តើមប្រជុំសន្និបាតបូកសរុបលទ្ធផលការងារ និងលើកទិសដៅបន្តការអនុវត្តនៅឆ្នាំបន្ទាប់ គឺស្របតាមមាត្រាច្បាប់៥៥ នៃច្បាប់ស្តីពីការរៀបចំអង្គការតុលាការ គោលបំណងនៃអង្គសន្និបាតនេះគឺសមស្របក្នុងរបត់កមណែទម្រង់ស៊ីជម្រៅ ស្របតាមនយោបាយយុទ្ធសាស្ត្រចតុកោណដំណាក់កាលទី៣នៃរដ្ឋាភិបាលនិងបានបង្ហាញដល់មតិជាតិនិងអន្តរជាតិ បានជ្រួតជ្រាបពី
ការខិតខំរបស់រាជរដ្ឋាភិបាល ដែលមានធ្វើកំណែទម្រង់ធ្វើទំនើបកម្ម ច្បាប់សារធាតុ និងច្បាបប់និតិវិធី ឲ្យបានយល់ពីការកិច្ចខិតខំប្រតិបត្តិរបស់ស្ថាប័នតុលាការ ដើម្បីបំរើសេវាកម្មយុត្តធម៌ដល់ប្រជាពលរដ្ឋបានសមស្រមទាំន់ពេលវេលា ។ក្នុងលោក ឃន សុកល បានផ្តាំផ្ញើរដល់ មន្ត្រីតុលាការគ្រប់ថ្នាក់ គ្រប់ផ្នែករួមចំណែកទប់ស្កាត់អំពើល្មើសច្បាប់ និងផ្តល់សេវាយុត្តធម៌ជូនពលរដ្ឋ បង្កើនប្រសិទ្ធិភាពក្នុងការការងារ សមភាព សច្ចភាព និងតម្លាភាព គឺដើម្បីបង្កើនបាននូវការធានា យុត្តធម៌ និងភាពជឿងទុកចិត្តលើប្រព័ន្ឋតុលាការពីសំណាក់មតិជាតិ និងអន្តរជាតិ ។
ដោយ ប៊ុន រដ្ឋា
