កំពង់ឆ្នាំង៖ក្រោយពីបានរៀបចំការប្រកួតកីឡាសិស្សបឋមសិក្សា និងមធ្យមសិក្សាទូទាំងខេត្តកំពង់ឆ្នាំងអស់ រយៈពេល៥ថ្ងៃតាមគំរោងរួចមក នៅព្រឹកថ្ងៃទី២០ ខែកុម្ភៈ ឆ្នាំ២០១៥នេះ នៅក្នុងទីលានកីឡាមុខសាលាខេត្តកំពង់ឆ្នាំង មន្ទីរអប់រំយុវជននិងកីឡាខេត្ត បានប្រារពធ្វើពិធីបិតការប្រកួតកីឡាក្រោមអធិបតីភាពលោក ឈួរ ចន្ទ័ឌឿន អភិបាលខេត្តកំពង់ឆ្នាំង និងបានប្រកាសលទ្ធផលនៃការប្រកួតកីឡាគ្រប់វិញ្ញាសារផងដែរ។ លោក ពេជ្រ សំបូរ ប្រធានមន្ទីរអប់រំយុវជននិងកីឡាខេត្តបានថ្លែងក្នុងពិធីបិតការប្រកួតកីឡានេះថា៖
ការរៀបចំការប្រកួតកីឡាសិស្សទូទាំងខេត្តរយៈពេល៥ថ្ងៃនេះទទួលលទ្ធផលល្អ ទាំងការប្រកួត ទាំងការស្នាក់នៅរបស់សិស្ស គឺមានការចូលរួមនិងសហការពីអាជ្ញាធរ និងសមត្ថកិច្ចក្រុង និងខេត្តគ្រប់អង្គភាព បានរក្សាសណ្តាប់ធ្នាប់ សន្តិសុខ និងរបៀបរយបានយ៉ាង
ល្អប្រសើរ។ទទ្ទឹមនោះដែរក៏មានការគាំទ្រនិងជួយឧបត្ថម្ភជាថវិកា
និងសម្ភារៈមួយចំនួនពី អាជីវករ ក្រុមហ៊ុន អង្គការ និងមន្ទីរ អង្គភាពចុំវិខេត្តមួយចំនួនផងដែរដល់គណៈកម្មការរៀបចំការប្រកួត និងដល់ក្រុមកីឡាករដោយផ្ទាល់។លោកប្រធានមន្ទីរសូមថ្លែងអំណរគុណយា់ងជ្រាលជ្រៅដ ល់សប្បុរជនទាំងអស់សូមអោយអស់លោកមានសេចក្តីសុខនិងមានជ័យជំនះគ្រប់ភារកិច្ចនិងមុខរបររលស៊ី។
លោកប្រធានមន្ទីរបានអោយដឹងទៀតថា៖ក្រុមកីឡាករ កីឡាការិនី នៅក្នុងក្រុមកីឡាទាំង៤ប្រភេទគឺ៖អត្តពលកម្ម បាល់ទះ បាល់បោះ និងបាល់ទាត់ ដែលទទួលជ័យជំនះជាប់ចំណាត់ថ្នាក់លេខ១ លេខ២ និងលេ ខ៣ របស់សិស្សបឋមសិក្សានិងត្រូវចូលរួមប្រកួតកីឡាសិស្សថ្នាក់ជាតិនៅក្នុងខេត្តស្វាយរៀង ចាប់ពីថ្ងៃទី២៦ ខែកុម្ភៈ ដល់ថ្ងៃទី០៧ ខែមិនា
ខាងមុខនេះ។ចំណែកសិស្សមធ្យមសិក្សាដែលជាប់ចំណាត់ថ្នាក់ពីលេខ១ដល់
លេខ៣ គ្រប់វិញ្ញាសារនិងត្រូវចូលរួមប្រកួតកីឡាសិស្សមធ្យមសិក្សាថ្នាក់ជាតិ នៅខេត្តបាត់ដំបងចាប់ពីថ្ងៃទី៣០ ខែមិនា ដល់ថ្ងៃទី០៨ ខែមេសាខាងមុខនេះ។
លោក ឈួរ ចន្ទ័ឌឿន អភិបាលខេត្តកំពង់ឆ្នាំង បានថ្លែងការកោតសរសើរយ៉ាងខ្លាំងចំពោះ
មន្ទីរអប់រំខេត្តអាជ្ញាធរ និងសមត្ថកិច្ចគ្រប់ជាន់ថ្នាក់ដែលបានគាំទ្រ និងសហការការពារបានល្អក្នុងការប្រកួតកីឡាសិស្សរយៈពេល៥ថ្ងៃកន្លងមក ដោយទទួលបានលទ្ធផលដ៏ល្អប្រសើរនៅក្នុងពេលនេះ។ក្នុងនោះដែរលោកអភិបាលខេត្តក៏បានកោតសរសើរផងដែរដល់ក្រុមកីឡាករ កីឡាការិនីទាំងអស់គ្រប់សាលា គ្រប់ស្រុក និងលោកគ្រូ អ្នកគ្រូ
ដែលបានយកចិត្តទុកដាក់ដឹកនាំ គ្រប់គ្រង កីឡាកររបស់ខ្លួនបានល្អរហូតពីដើមដល់ចប់ក្នុងថ្ងៃនេះ។លោកអភិបាលខេត្តក៏បានជួយឧបត្ថម្ភដល់កម្មវិធីបិតការប្រកួតកីឡានេះចំនួន១លានរៀលផងដែរ។លោកអភិបាលខេត្ត ក៏សុំអំពាវនាវផងដែរដល់កីឡាករទាំងអស់ដែលត្រូវចូលរួមការប្រកួតកីឡាសិស្សថ្នាក់ជាតិក្នុងពេលខាងមុខ ត្រូវខិតខំប្រកួតយកជ័យជំនៈ
អោយបានដើម្បីក្រុមខ្លួន សាលាខ្លួន និងកិត្តិយសរប ស់ខេត្ត និងកុំបង្ករឿងក្នុងពេលប្រកួតដែលនាំអោយបាត់កិត្តិយស។ទទ្ទឹនេះដែរលោកស្នើសុំសប្បុរសជន អាជី វករដែលគាំទ្រវិស័យកីឡា សុំបន្តជួយគាំទ្រជាបន្តទៀតតាមគ្រប់រូបភាព ដើម្បីលើកស្ទួយវិស័យកីឡាខេត្តកំពង់ឆ្នាំងអោយមានការរីកចំរើនជឿនលឿន និងមានឈ្មោះបោះសម្លេងក្នុងប្រទេសទៅអនាគត។
ក្នុងពិធីបិតការប្រកួតកីឡានេះគណៈកម្មការរៀបចំការប្រកួតកីឡាសិស្សខេត្តបានប្រកាសលទ្ធនៃការប្រកួតអោយបានដឹងថា៖ក្រុមកីឡាករបាល់ទាត់យុវជន លេខ១បានទៅវិទ្យាល័យក្រុងកំពង់ឆ្នាំង លេខ២វិទ្យាល័យកំពង់ត្រឡាច និងលេខ៣បានទៅវិទ្យាល័យហ៊ុនសែនរលាប្អៀរ បាល់ទាត់នារីលេខ១វិទ្យាល័យព្រះបាទសុរាម្រឹត លេខ២វិទ្យល័យសម្តេចព្រះបាទ
សីហមុនី និងលេខ៣វិទ្យាល័យទួលខ្ពស់។នៅក្នុងកម្មវិធីនេះគណៈអធិ
បតី និងលោកប្រធានមន្ទីរអង្គភាពជុំវិញខេត្តក៏បានឡើងបំពាក់ទង់ជ័យលាបភី និងជូនរង្វាន់ដល់ក្រុមកីឡាករ កីឡាការិនីដែលជាប់ចំណាត់ថ្នាក់ទាំងអស់ដោយរីករាយផងដែរ៕
