ក្លិប Inter Milan បានអះអាងថា កីឡាករ Fredy Guarin បានព្រមព្រៀងចុះកិច្ចសន្យាថ្មីជាមួយក្លិបរហូតដល់រដូវក្តៅឆ្នាំ ២០១៧ ស្របពេលដែលកីឡាករអន្តរជាតិកូឡុំប៊ីវ័យ ២៧ ឆ្នាំរូបនេះមានទំនាក់ទំនងលើការផ្លាស់ទៅកាន់ក្លិប Chelsea និង Manchester United ។
Guarin ប្រាប់គេហទំព័ររបស់ក្លិបថា “ខ្ញុំរីករាយដែលបានបន្តកិច្ចសន្យាជាមួយក្លិប ខ្ញុំបានចំណាយពេលនៅទីនេះអស់ ២ ឆ្នាំមកហើយ ខ្ញុំទទួលបានបទពិសោធន៍ជាច្រើនពីក្លិបហើយខ្ញុំនឹងយកបទពិសោធន៍ទាំងនេះដើម្បីជួយក្លិបក្នុងរយៈពេល ៣ ឆ្នាំខាងមុខទៀត” ។
គួរបញ្ជាក់ថា Guarin បានឈានជើងចូលទឹកដី San Siro ក្នុងឆ្នាំ ២០១២ បន្ទាប់ពីរូបគេផ្លាស់ចេញពីក្លិប Porto របស់ព័រទុយហ្គាល់ ៕
