ខ្សែបម្រើសញ្ជាតិអេស្ប៉ាញរបស់ក្លិបកាំភ្លើងធំ Arsenal កីឡាករ Mikel Arteta បានលើកឡើងថា Arsenal នៅតែមានឱកាសឈ្នះជើងឯក Premier League ថ្វីបើពួកគេប្រកួតចាញ់ Chelsea យ៉ាងដំណុំ ៦-០ កាលពីយប់ថ្ងៃសៅរ៍ក៏ដោយ ។
Arteta ជឿជាក់ថា គាត់នឹងមិត្តរួមក្រុមមានសមត្ថភាពអាចស្តារមុខមាត់ក្លិបបានឡើងវិញសម្រាប់ការប្រកួតនៅថ្ងៃខាងមុខ ។
Arteta ប្រាប់គេហទំព័ររបស់ក្លិបថា “ឱកាសឈ្នះជើងឯកសម្រាប់ Arsenal នៅតែមានគ្រប់ពេល យើងត្រូវតែប្រឹងប្រែងឡើងវិញ កីឡាករក្នុងក្រុមទាំងអស់មិនបានបាក់ទឹកចិត្តទេ ពួកគេមានស្មារតីរឹងប៉ឹងជានិច្ច” ។
គួរបញ្ជាក់ថា Arsenal បច្ចុប្បន្នកំពុងឈរនៅលំដាប់ទី ៤ នៃតារាង Premier League ដោយតាមពីក្រោយក្រុមលេខ១ Chelsea ចំនួន ៧ ពិន្ទុ ៕