ចៅហ្វាយក្រុង Porto Alegre នៃរដ្ឋ Rio Grande do Sul របស់ប្រទេសប្រេស៊ីល បានបង្ហើបឲ្យដឹងថា ទីក្រុងប្រេស៊ីល ប្រហែលនឹងដកខ្លួនចេញពីការទទួលយកការប្រកួតពានរង្វាន់ FIFA World Cup 2014 នាពេលខាងមុខនេះ គឺដោយសារតែកីទ្បាដ្ឋាន Estadio Beira-Rio ជួសជុលមិនទាន់
រួចរាល់ តាមការគ្រោងទុកនោះ ។
នៅក្នុងសន្និសិទ្ធការសែត ជាមួយអ្នកសារព័ត៌មាន នៅក្នុងស្រុក លោក Fortunati ចៅហ្វាយក្រុង Porto Algre នៃរដ្ឋ Rio Grande do Sul បានប្រាបអ្នកយកព័ត៌មានក្នុងស្រុកឲ្យដឹងថា សំណង់ផ្នែកខាងក្នុង នៃកីទ្បាដ្ឋាន ដែលបានកសាងក្នុងឆ្នាំ ១៩៦៩នោះ ឥទ្បូវត្រូវបានជួសជុល ស្ទើរតែបាន១០០%ទៅហើយ ប៉ុន្តែបញ្ហាធំនោះ គឺផ្នែកខាងក្រៅនៃកីទ្បាដ្ឋានតែមួយទេ ដែលយើងត្រូវព្រួយបារម្ភ ។ កីទ្បាដ្ឋាននេះ គឺយើងត្រូវការសាងសង់រចនាសម្ព័ន្ធ សម្រាប់ប្រព័ន្ធផ្សព្វផ្សាយ ដល់អ្នកឧបត្តម និងក្រុមផ្សេងៗមួយចំនួនទៀត ដើម្បីឲ្យសមស្របទៅតាមការកំណត់របស់ FIFA World Cup 2014 ប៉ុន្តែយើងនៅខ្វះខាត់ថវិកា ពិព្រោះថា ការសាងសង់កីទ្បាដ្ឋាននេះ គេមិនអនុញ្ញាត ឲ្យប្រើប្រាស់លុយរដ្ឋ ដើម្បីសាងសង់ទ្បើយ ។
លោក Fortunati ចៅហ្វាយក្រុង Porto Algre បានឲ្យដឹងទៀតថា ទីក្រុងPorto Alegre ស្ថិតនៅភាគខាងត្បូង នៃប្រទេសប្រេស៊ីល ហើយ FIFA World Cup 2014 នាពេលខាងមុខនេះ កីទ្បាដ្ឋាន Estadio Beira-Rio ត្រូវទទួលការប្រកួតក្នុងពូល៤ប្រកួត និងមាន១៦ប្រកួត និង១ប្រកួតចុងក្រោយ ដែលប្រកួតលើកទី១នោះ (ពូលA) គឺ បារាំង ប្រកួតជាមួយ ហុងឌុយរ៉ាស់ បន្ទាប់មកប្រកួតលើកទី២ នៅថ្ងៃទី១៥ ខែមិថុនា (ពូលB) អូស្ត្រាលី ប្រកួតជាមួយ ហូល្លង់ ប្រកួតលើកទី៣ សំរាប់(ពូលH) នៅថ្ងៃទី១៨ កូរ៉េខាងត្បូង ប្រកួតជាមួយនិង អាល់ហ្សេរី និងប្រកួតក្នុងលើកទី៤នោះ ហើយក៏ជាពូល ឈានទៅដល់ ការបញ្ចប់នៃការប្រកួតផងដែរនោះ គឺ អាហ្សង់ទីន ប្រកួតជាមួយ នីហ្សេរីយហ៉ា ក្នុង (ពូលF) ៕