ក្លិបបិសាចក្រហម Manchester United ត្រូវបានគេមើលឃើញថា កំពុងតែត្រៀមចុះកិច្ចសន្យាបន្តកុងត្រាថ្មី ជាមួយខ្សែការពារ Phil Jones ។
ខ្សែការពារវ័យ ២២ ឆ្នាំរូបនេះនៅសល់កិច្ចសន្យាតែ ២ ឆ្នាំទៀតប៉ុណ្ណោះនៅទឹកដី Old Trafford ក្រោយពេលរូបគាត់បានចាកចេញពីក្លិបកុឡាប
ក្រហម Blackburn Rovers កាលពីឆ្នាំ ២០១១ ។
យោងតាមគេហទំព័រ The Guardian បានរាយការណ៍ថា គ្រូបង្វឹក Manchester Unitedលោក David Moyes មានបំណងចង់រក្សាទុកកីឡាករវ័យក្មេងរូបនេះស្របពេលដែលខ្សែការពារមួយរូបទៀតគឺ កីឡាករ Nemanja Vidic នឹងផ្លាស់ទៅកាន់ Inter Milan នៅរដូវក្តៅនេះ ។
គួរបញ្ជាក់ថា Jones រកគ្រាប់បាល់បាន ៣ គ្រាប់ឲ្យបិសាចក្រហមនៅរដូវកាលនេះសម្រាប់ការប្រកួតដែលគាត់ចូលលេងបាន ៣០ លើក ៕
