ប៉ោយប៉ែតក្រុង៖ អាជ្ញាធរសាលានិងក្រុមប៉េអឹមមួយអន្លើដោយប៉ូលីសចរាចរណ៏ បានចុះទៅរៀបចំសណ្តាប់ធ្នាប់មួយកន្លែងនៅចំណុចផ្សារអគ្គថ្មី សង្កាត់និងក្រុងប៉ោយប៉ែត ខេត្តបន្ទាយមានជ័យ៕ ការចុះរៀបចំសណ្តាប់ធ្នាប់របស់អាជ្ញាធរក្រុងនោះ បានធើ្វឲ្យប្រជាពលរដ្ឋមានការភ្ញាក់ផ្អើលយ៉ាងខ្លាំង ព្រោះកម្លាំងសមត្ថកិច្ចដែលចុះនោះមានចំនួនច្រើនជាអតិបរិមា ហាក់ដូចជាទៅបង្ក្រាបបទល្មើសអ្វីមួយដែលស្មានមិនដល់ ។
ប្រជាពលរដ្ឋនៅក្នុងហេតុការណ៏នោះបានលើកឡើងថា៖អាជ្ញាធរធើ្វនេះចង់បង្ហាញសាច់ដុំថា ពួកគេមានកម្លាំងនៅក្នុងដៃចង់ធើ្វអី្វអ្នកណាក៏បានដែរ ដោយឡែកមតិខ្លះទៀតបានលើកឡើងថា៖រឿងចុះរៀបចំសណ្តាប់ធ្នាប់សោះអាជ្ញាធរមិនគួរណាយកកម្លាំងសមត្ថកិច្ចច្រើនបែបនេះពេកទេនាំតែប៉ះពាល់ដល់អារម្មណ៏ប្រជាពលរដ្ឋអ្នកជិតខាង ។
សូមបញ្ជាក់ថា៖ការចុះរៀបចំសណ្តាប់ធ្នាប់ខាងលើនោះដឹកនាំដោយ លោក ខាត់ធា អភិបាលរងក្រុងប៉ោយប៉ែតទទួលបន្ទុក់មុខងារសាធារណៈ ចំណែកម្ចាស់តូបមានឈ្មោះ តាម៉ាប់ លក់ទ្រនាប់ជើងនៅចំណុចផ្សារអគ្គថ្មី ។ លោកខាត់ធា បានឲ្យដឹងថា៖លោកធើ្វនេះគឺជាភារកិច្ចរបស់អាជ្ញាធរ មិនមែនជារឿងបុគ្គលឡើយ លោកបានបន្តទៀតថា៖ តាម៉ាប់ ម្ចាស់តូបខាងលើនេះ គឺគាត់បានលក់ដូររំលោភចូលចំណីផ្លូវជាច្រើនម៉ែត្រ ដូច្នេះដើម្បីរក្សាកុំឲ្យកើតភាពអានាធិបតេយ្យនោះគឺយើងត្រូវតែរៀបចំឲ្យបានល្អ ។
ចំណែក ម្ចាស់តូប ឈ្មោះតាម៉ាប់ បានលើកហេតុផលជាច្រើន ថា៖អាជ្ញាធរធើ្វនេះគឺទើសទល់និងក្រុមគ្រួសាររបស់លោក ព្រោះតូបជាច្រើនដែលនៅក្នុងក្រុងប៉ោយប៉ែតនេះ ពោពេញទៅដោយភាពអានាធិបតេយ្យប៉ុន្តែក្រុមអាជ្ញាធរមិនបានចុះទៅរៀបចំនោះឡើយ ម្ចាស់តូបឈ្មោះតាម៉ាប់រូបនោះបានលើកទៀតថា៖ចំណុចសួននៅមុខផ្សារត្រូវបានគេលក់ធើ្វអាជីវកម្មអស់ហើយ ប៉ុន្តែមន្ត្រីអាជ្ញាធរទាំងនោះមិនបានបើកភ្នែកមើលឡើយព្រោះពួកគេពុករលួយ ។