ខេត្តក្រចេះ៖ អាជ្ញាធរស្រុកស្នួល ជំរុញឲ្យអាជីវករចំនួនជិត១រយនាក់ដែលកំពុងតែ លក់សម្ភារៈ ចំណីអាហារនៅម្តុំចំណតរថយន្តផ្សារស្នួល និងចិញ្ចើមផ្លូវជាតិឲ្យរើទីតាំងទៅ លក់នៅកន្លែងថ្មី មួយ ទៀតដែលអាជ្ញាធររៀបចំទុក ក្រោយពីមើលឃើញថា ភាពអណ្តាប់ ធ្នាប់និងគ្មាន អនាម័យនៅ តាមបរិវេណ ផ្សារនិងចំណតរថយន្តគឺផ្តើមចេញពីក្រុមអាជីវករ ទាំងនេះ។
មន្ត្រីសាលាស្រុកស្នួល បានឲ្យដឹងថា អាជ្ញាធរគ្រោងនិងចុះរៀបចំកែលម្អរសោភណ្ឌ ភាពទីតាំង ចំណតរថយន្តស្នួល នៅខាងមុខផ្សារស្នួល នៅដើមខែមេសា ឆ្នាំ២០១៥នេះ។ ហើយការចុះកែលម្អរ នូវទីតាំងចំណតរថយន្តនៅខាងមុខផ្សារស្នួលនេះ គឺធ្វើឡើងជាតំណាក់កាលទី៣ បន្ទាប់ពីអាជ្ញាធរ បាន ជម្រុញឲ្យអាជីវករជាច្រើនរយនាក់ដែលកន្លងមក បានដាក់លក់សម្ភាភារៈ រាយប៉ាយនៅជុំវិញ ផ្សារឲ្យចូលលក់នៅខាងក្នុងផ្សារ និងបានបន្ត ចាក់ផ្លូវបេតុងចំនួនជិត១គីឡូមែត្រនៅជុំវិញផ្សាររួចមក។ ហើយអាជ្ញាធរក៏បានធ្វើសេចក្តី ជូនដំណឹងឲ្យទៅពួកគាត់អស់ហើយដែរ។
មានការចុះទៅពិនិត្យមើលស្ថានភាពសណ្តាប់ធ្នាប់ នៅជុំវិញផ្សារស្នួលសារជាថ្មីម្តង ទៀតពី សំណាក់លោក គង់ គឹមនី អភិបាលស្រុកស្នួល កាលពីថ្ងៃទី១៧ ខែមីនា ដោយមានកងកម្លាំង ប្រដាប់អាវុធ និងអាជ្ញាធរពាក់ព័ន្ឋមួយចំនួនទៀតចូលរួម។ គឺក្រុមការងារ បានណែនាំឲ្យអាជីវករ លក់សម្ភារៈគ្រឿងអលង្ការ ឲ្យមានការប្រុងប្រយ័ត្នចំពោះសន្តិសុខ សុវត្ថិភាពលើរបររបស់ខ្លួន។
បើតាមការលើកឡើងរបស់ក្រុមអាជីវករជាច្រើននាក់ ក្នុងចំណោមអាជីវករទាំងចំនួន ជាង៤រយ នាក់បានប្រាប់ ឲ្យដឹងថា កន្លងមកជាច្រើនឆ្នាំមកហើយការលក់ដូររបស់ពួក គាត់ នៅផ្នែកខាងក្នុងផ្សារ គឺបានជួបប្រទះនូវវិបត្តលក់មិនដាច់ដោយសារតែមិន សូវមានភ្ញៀវ ចូលទៅទិញ។ មូលហេតុនេះ គឺត្រូវបានពួកគាត់រកឃើញថា បណ្តាលមកពីផ្សារនេះគ្មាន សណ្តាប់ធ្នាប់អនាម័យ ដោយមានអាជីវករ មួយចំនួនធំបានយកផ្លូវនៅជុំវិញផ្សារដាក់ តម្រៀប តូបលក់យ៉ាងអនាធិប្បតេយ្យ ពិសេសភក់ជ្រាំ ស្ទះលូ ក្នុងរដូវវស្សាដែលជាហេតុ នាំឲ្យភ្ញៀវសម្រេចមិនចូលផ្សារទិញរបស់របររបស់ពួកគាត់។
ក្នុងសមកម្មភាពនាថ្ងៃនោះលោក គង់ គឹមនី អភិបាលស្រុកស្នួល បានជម្រុញឲ្យសន្តិសុខឯកជន សហការជាមួយនគរបាលនិងអាជ្ញាធរមូលដ្ឋានដើម្បីរឹតបន្តឹងផ្នែកសុវត្ថិភាព សន្តិសុខដល់ប្រជា អាជីវករលក់ដូរ។
អភិបាលស្រុកស្នួលលោក គង់ គឹមនី បានបញ្ជាក់ឲ្យដឹងថា សម្រាប់ផែនការ អភិវឌ្ឍន៏ បន្តគឺអាជ្ញាធរ គ្រោងនិងរៀបចំកែលម្អរ នូវសោភណ្ឌភាពឲ្យមានរបៀបរៀបរយនូវទីតាំង ចំណតរថយន្តនៅមុខផ្សារជាប់ និងផ្លូវជាតិទាំងសណ្តាប់ធ្នាប់ និងអនាម័យលើសពីនេះទៅ ទៀតលោកក៏បានស្នើរឲ្យប្រជាអាជីវករ សហការជាមួយ និងអាជ្ញាធរមូលដ្ឋានដើម្បីបន្ត ការរៀបចំទីតាំងផ្សារឲ្យកាន់តែមានភាព ប្រសើរឡើង សម្រាប់ពួកយើងទាំងអស់គ្នា៕
