កំពង់ធំៈ ឯកឧត្តម សោម ស៊ុន មេបញ្ជាការតំបន់ប្រតិបត្តការសឹករងកំពង់ធំ ព្រមទាំងមេបញ្ជាការង បានជួបសំណេះសំណាលនិងសួរសុខទុក្ខ និងជូនពរក្នុងឳកាសបុណ្យចូលឆ្នាំប្រពៃណីខ្មែរ ជាមួយប្រតិភូយោធាខខេត្តដុងណាយ យោធភូមិភាគទី៧ នៃកងទ័ពប្រជាជនវៀតណាម នៅតំបន់ប្រតិបត្តិការសឹករងកំពង់ធំ ក្រោមការចូលរួមពីសំណាក់ឯកឧត្តម ឧត្តមសេនីយ៍ទោ គង់ ផា មេបញ្ជាការងយោធភូមិភាគទី៤ នៅរសៀលថ្ងៃទី ១៩ ខែ មិនា ឆ្នាំ ២០១៥ ដើម្បីជាការផ្សារភ្ជាប់នូវចំណងសម្ព័ន្ឋមេត្រីភាពរវាងកងទ័ពវៀតណាម និងកងយោធពលខេមរៈភូមិន្ទតំបន់ប្រតិបត្តិការសឹករងកំពង់ធំ។
ឯកឧត្តម សោម ស៊ុន បានបញ្ជាក់ពីសកម្មភាព និងកិច្ចសហការ រវាងកងទ័ពស្ម័គ្រចិត្តវៀតណាម ក្នុងការរុករកឥដ្ឋិធាតុ និងកិច្ចសហការប្រតិបត្តិការជាច្រើនរហូតទទួលបានលទ្ធផលជោគជ័យ ហើយក៏សូមអគុណសម្រាប់យោធភូមិភាគទី៧ យោធាខេត្តដុងណាយ បានជួយរថយន្ត និងអាគាររដ្ឋបាល ចំនួន២អាគារដល់ ផ្នែកសឹករងស្រុក ដែលជាចំណុះឲ្យតំបន់ប្រតិបត្តិការសឹករងកំពង់ធំ ជាក់ស្តែងថ្ងៃនេះយោធភូមិភាគទី៧ ខេត្តដុងណាយ បានសន្យាជួយលើការងារសាងសង់ជុំរំបន្ទាយរបស់កងទ័ព ។
តំណាងប្រតិភូមិវៀតណាម ទទួលបន្ទុកការងារបរទេស កោតសរសើរចំពោះមេបញ្ជាការ មេបញ្ជាការង និងនិងនាយទាហានទាំងពី ក្នុងកិច្ចសហការល្អ ចងសម្ព័ន្ឋមេត្រីភាពរវាងកងទ័ពកម្ពុជា វៀតណាម និងបានឯកភាពនូវកិច្ចសហប្រតិបត្តិការជាច្រើនចំនុច ទៅលើការរួមគ្នាក្នុងការអភិវឌ្ឍន៍ ក្នុងក្បួនយុទ្ធសាស្ត្រ និងយុទ្ធវិធី របស់ទ័ពក្នុងនោះដែរប្រតិភូយោធាខេត្តដុងណាយ បានសុំធ្វើជាម្ចាស់ផ្ទះក្នុងកិច្ចប្រជុំមួយនៅក្នុងខេត្តដុងណាយ ដោយបានអញ្ជើញតំបន់សឹករងខេត្តកំពង់ធំ និងតំបន់សឹករងខេត្តកំពង់ចាម ចូលរួមប្រជុំដើម្បីបង្កើននូវសម្ព័ន្ឋភាពរវាង កងទ័ពប្រទេសទាំងពី ជាចុងក្រោយឯកឧត្តមមេបញ្ជាការបាន ជូននូវកាដូរវត្ថុអនុស្សាវរីយ៍ដល់ប្រតិភូមិវៀតណាម។
