កំពង់ឆ្នាំង៖កុមារាអាយុ១ឆ្នាំម្នាក់មានជម្ងឺឈឺក្បាលចេះតែធំទៅៗយ៉ាងចម្លែកជា៦ខែមកហើយ
ឪពុកម្តាយជាប្រជាពលរដ្ឋក្រីក្រ នៅភូមិដា ឃុំដា ស្រុកកំពង់លែង និងលោកមេភូមិ ពេលជួបជាមួយអ្នកយកព័ត៌យើងនៅព្រឹកថ្ងៃទី១៩ ខែមិនា ឆ្នាំ២០១៥ សូមអំពាវនាវគោរពស្នើសុំឯកឧ
ត្តម លោកជំទាវជាថ្នាក់ដឹកនាំ និងសប្បុរសជនមេត្តាអាណិតជួយសង្គ្រោះព្យាបាលជូនកុមារាដ៏គួរអភ័ព្វនេះដោយសេចក្តីអនុគ្រោះផងចុះ។
លោក សន សូត អាយុ៦១ឆ្នាំ ជាមេភូមិដា បាននិយាយអោយដឹងថា៖កុមារាមានជម្ងឺឈឺ
ទៅជាក្បាលធំចម្លែកនេះមានឈ្មោះ នីម វាន់នីត អាយុ១ឆ្នាំ មានឪពុកឈ្មោះ អៀម នីម អាយុ
២៩ឆ្នាំ នៅធ្វើកម្មករនៅប្រទេសថៃ ម្តាយឈ្មោះ គុណ រ៉ា អាយុ២៣ឆ្នាំ មានផ្ទៃពោះ៦ខែទៀត
ជាកសិករក្រីក្រ រស់នៅក្នុងភូមិដា ឃុំដា ស្រុកកំពង់លែង ខេត្តកំពង់ឆ្នាំង។
ស្ត្រជាម្តាយកុមារអភ័ព្វមាននិយាយអោយអ្នកយកព័ត៌មានយើងដឹងថា៖កូនប្រុសរបស់នាងពេលកើតមកមានក្បាលតូចធម្មតាដូចគេឯង ប៉ុន្តែចាប់ពីគេមានអាយុ៦ខែមកដល់ពេលនេះគេមានជម្ងឺឈឺ ស្រាប់តែក្បាលគេធំមួយថ្ងៃបន្តិចៗរហូតដល់ធំដូចពេលនេះ។ក្នុរតះពេលកូ
ននាងឈឺ នាងបានយកគេទៅព្យាបាលជាមួយគ្រូពេទ្យជាច្រើននាក់រហូតអស់លុយកាក់ពីខ្លួន
ចុងក្រោយនេះក៏ធ្លាប់យកកូនទៅព្យាបាលនៅមន្ទីរពេទ្យគន្ធបុប្ផាខេត្តសៀមរាបនៅតែមិនជា
ដោយគ្រូពេទ្យប្រាប់ថា គេមានជម្ងឺទឹកចូលក្នុងខួរក្បាលពិបាកព្យាលបាលណាស់។ដោយគ្មាន
លុយកាក់ហូបចុកក្នុងការនៅទ្រាំព្យាលកូននាងក៏បានត្រឡប់មកផ្ទះវិញ ចំណែកប្តីនាងនៅធ្វើ
ការជាកម្មករនៅប្រទសថៃ។
ដោយភាពក្រីក្រពុំមានលទ្ធភាពព្យាលជម្ងឺកូនប្រុស ស្ត្រីជាម្តាយនិងលោក សន សូត ជាមេភូមិដា ( ០៩២ ១៨០ ៣៤៩ ) ពេលជួបជាមួយអ្នកយកព័ត៌មានយើង( ០៩៧ ៨៩៥៩ ៤៣៤ ) បានស្នើសុំអោយអ្នកយកព័ត៌មានយើងជួយផ្សព្វផ្សាយអំពាវនាវដល់ ឯកឧត្តម និងលោកជំទាវជាថ្នាក់ដឹកនាំ និងសប្បុរជនដែលមានចិត្តមនុស្សធម៌ មេត្តាអាណិតអាសូរជួយសង្គ្រោះព្យាលបាលកុមារាអភ័ព្វខាងលើនេះដោយសេចក្តីអនុគ្រោះផងចុះ ដែលឥឡូវនេះសភាពជម្ងឺគេកាន់តែធ្ងន់ធ្ងរឡើងៗហើយ បើមានការជួយសង្គ្រោះទាន់ពេលគេអាចនឹងមាសង្ឃឹមរស់បាន៕
