ខេត្តបន្ទាយមានជ័យ លោកឧត្តមសេនីយ៏ ត្រីអាត់ខែមស្នងការនគរបាលខេត្តបន្ទាយមានជ័យ បានចាត់វិធានការយ៉ាងក្តៅឲ្យអធិការស្រុកក្រុងទាំងអស់ ចាត់វិធានការលើម៉ូតូដាក់សីុមុាំងឮសូខ្លាំងរបស់យុវជនណាដែលតែងបន្លឺសម្លេងខ្លាំងនៅពេលថ្ងៃ និងយប់ នាំមានការរំខានដល់បងប្អូនប្រជាពលរដ្ឋដើម្បីចាប់យកមកដុសក្អែលចេញ។ជាក់ស្តែងកាលពីថ្ងៃទី២៥ខែមីនាឆ្នាំ២០១៥កំលាំងនគរបាលចរាចរណ៍ផ្លូវគោកនៃស្នងការដ្ឋាននគរបាលខេត្តបន្ទាយមានជ័យមួយក្រុមបានចុះឃាត់ខ្លួនយុវជនម្នាក់រួមនឹងម៉ូតូមួយគ្រឿងម៉ាក MSX ដែលគ្មានពន្ធគ្មានស្លាកលេខគ្មានកញ្ចក់មើលក្រោយជាពិសេសដោះបំពង់ស៊ីម៉ាំងចេញបង្កឲ្យសម្លេងឮសូរខ្លាំងៗដល់ប្រជាពលរដ្ឋជិះតាមផ្លូវសាធារណៈ រំខានដល់ប្រជាពលរដ្ឋទាំងពេលយប់និងពេលថ្ងៃយកមកសាកសួ។ តាមការត្រួតពិនិត្យរបស់សមត្ថកិច្ចបានរកឃើញថាម៉ូតូនេះបានទិញមកពីហាងលក់ម៉ូតូមួយកន្លែងក្នុងក្រុងសិរីសោភ័ណ ខេត្តបន្ទាយមានជ័យ ដោយគ្មានពន្ធនាំចូលនាំចូលខុសច្បាប់។ការបង្ក្រាបលើក្រុមយុវជនដែលប្រើប្រាស់ម៉ូតូខុសបច្ចេកទេសគ្មានបំពុងស៊ីម៉ាំងបង្កសម្លេងខ្លាំងៗខាងលើ គឺចាប់ផ្តើមតាំងពីដើមឆ្នាំ២០១៥មកម្លេះហើយសកម្មភាពបង្ក្រាបទាំងនេះឃើញថាសមត្ថកិច្ចធ្លាប់បង្ក្រាបបានម៉ូតូដូចនេះបានចំនួនជាច្រើនគ្រឿងផងដែរ។ការឃាត់ខ្លួនយុវជននិងម៉ូតូខាងលើ គឺមិនទាន់ធ្វើការផាកពិន័យទៅតាមផ្លូវច្បាប់នោះទេ គឺគ្រាន់តែអប់រំណែនាំឲ្យយកបំពុងស៊ីម៉ាំងដើមមកដាក់ឲ្យបានត្រឹមត្រូវតាមបច្ចេកទេសម៉ូតូប៉ុណ្ណោះរួចឲ្យធ្វើកិច្ចសន្យារួចឲ្យវិលត្រឡប់ទៅផ្ទះវិញតែបុ៉ណ្ណោះ៕
