ស្ទឹងត្រែង៖ អាជ្ញាធរខេត្តស្ទឹងត្រែងកម្ពុជានិងខេត្ត អត្តពឺឡាវបានបើកកិច្ចប្រជុំ ស្តីពីកិច្ចសហប្រតិបត្តិការលើគ្រប់វិស័យ រវាងខេត្ត និងខេត្ត ដើម្បី រួមគ្នារក្សា សន្តិសុខនៅតាមព្រំដែន ប្រយោជន៏បង្កលក្ខណៈងាយស្រួលដល់ការរស់នៅរបស់ប្រជាពលរដ្ឋ នៃប្រទេសទាំងពី ដែល នៅតាម ព្រំដែនគ្នាជិត។
កិច្ចប្រជុំនេះបានធ្វើឡើងនៅសាលាខេត្តស្ទឹងត្រែងកន្លងមកថ្មីៗនេះដែល លោក កុលសំអុលអភិបាលខេត្តស្ទឹងត្រែងនិងឯកឧត្តមណាម វិយៈកេត អភិបាលខេត្តអត្តពឺដឹកនាំការប្រជុំបាន ចុះហត្ថលេខាលើកំណត់ហេតុ ពង្រឹងទំនាក់ទំនងកិច្ច សហប្រតិបត្តិការការងារនៃខេត្តទាំងពីរនៅតាមខ្សែបន្ទាត់ព្រំដែនដើម្បី រក្សាសន្តិសុខ រឹតចំណង សាមគ្គីភាព ស្រឡាញ់ជាតិសាសន៏ ដែលប្រជាជនខេត្តទាំងពីធ្លាប់មាន ប្រពៃណីល្អជាមួយគ្នា តរៀងមក ។
លោកមកុលសំអុល អភិបាលខេត្តស្ទឹងត្រែងមានប្រសាសន៏បន្ថែមថា៖រាល់ បញ្ហាប្រឈមដែលកើតមានឡើងនៅតាម ព្រំដែនសមត្ថកិច្ចគ្រប់លំដាប់ថ្នាក់ នៃខេត្តទាំងពីក៏ ត្រូវ បង្កើនកិច្ចសហប្រតិបត្តិការល្អ រួមគ្នាដោះស្រាយ ដោយសន្តិវិធី ចៀសវាងកុំបង្កអំពើហឹង្សាឬធ្វើឲ្យមានការផ្ទុះអាវុធរំខានដល់ការរស់នៅរបស់ប្រជាពលរដ្ឋអនុវត្តការងារស្របតាមការព្រមព្រៀងនៃប្រទេសយើងទាំងពីរនោះគឺការបង្កលក្ខណៈងាយស្រួលឲ្យប្រជាពលរដ្ឋកម្ពុជាដែលកំពុងរស់នៅតាមបន្ទាត់និងតាមតំបន់ខ្សែបន្ទាត់ព្រំដែន កម្ពុជាឡាវបានចេញចូលទំនាក់ទំនងសាកសួរសុខទុក្ខ ការព្យាបាលជំងឺនិងការដោះស្រាយជីវភាពប្រចាំថ្ងៃ។
លោកណាម វិយៈកេតអភិបាល ខេត្តអត្តពឺមានប្រសាសន៏ថា៖ឆ្លងតាមការបំពេញ ការងារកន្លងមក យើងសំរេចបានកិច្ចការងារ ធំច្រើននិងទទួលបាន លទ្ធផលល្អប្រសើរដែលជាការ បង្ហាញឲ្យឃើញពីកិច្ចសហប្រតិបត្តិការរួមគ្នារវាងខេត្តទាំងពីស្ទឹងត្រែង អត្តពឺ បាន រួមគ្នា អនុវត្ត តាមកិច្ចព្រមព្រៀងក្នុងកំណត់ហេតុដែលបានចុះហត្ថលេខាកន្លងមក។
លោក អភិបាលខេត្តនេះ មានប្រសាសន៏ទៀតថា៖តាមរបាយការណ៏សកម្មភាព រវាងខេត្តទាំងពីរដែលសំរេចការងារបាននោះ យើងពិនិត្យឃើញថានូវមាន ការងារជាច្រើនទៀតដែល ត្រូវបន្តដោះស្រាយរួមគ្នា លើគ្រប់វិស័យទាំងអស់ ហើយយើងធ្វើអ្វីៗ ដើម្បីប្រជាពលរដ្ឋនៃប្រទេសយើងទាំងពីរ។
លោកឌួងពៅអភិបាលរងខេត្តនិងជាប្រធានក្រុមលេខានៃគណៈកម្មការកិច្ចសហប្រតិបត្តិការខេត្តស្ទឹងត្រែងនិងខេត្តអត្តពឺបានបញ្ជាក់ថាតាមស្មារតីអង្គប្រជុំលើកនេះ ខេត្តទាំងពី បានប្តេជ្ញា អនុវត្តកិច្ចសហប្រតិបត្តិការ ទប់ស្កាត់បទល្មើសគ្រឿងញៀន លប់បំបាត់ការលបលូចចូលកាប់ឈើខុសច្បាប់ការកាប់ព្រៃរានយកដីលួចសង់លំនៅដ្ឋាន និងធ្វើការកែលម្អនូវភាពអសកម្មផ្សេងៗទៀត ឈរលើស្មារតីសាមគ្គីភាពយោគយល់គ្នាទៅវិញទៅមក ។
លោកអភិបាលរង បញ្ជាក់ថា៖នេះជាលើកទី៣ហើយ ដែលអាជ្ញាធរខេត្តស្ទឹងត្រែងនិងខេត្តអត្តពឺរួមទាំងកំលាំងសន្តិសុខព្រំដែននៃ ខេត្តទាំងពីរបានជូបប្រជុំគ្នា និងចុះហត្ថលេខា លើកំណត់ហេតុអង្គប្រជុំ ក្នុងមួយឆ្នាំម្តងព្រមព្រៀងបន្តរួមគ្នាអនុវត្តការងារ ដើម្បី សន្តិសុខ ព្រំដែនជូនប្រជាពលរដ្ឋនៃប្រទេសទាំងពីនិងជំរុញឲ្យមានទីផ្សាទេសចរណ៏ផងដែរ៕
