មណ្ឌលគិរី៖ ប្រជាពលរដ្ឋនៅ ឃុំស្រែហ៊ុយ ចំនួន២ភូមិមានចំនួនសរុប៥២២គ្រួសារជួបបញ្ហានារដូ វប្រាំងមានការខ្វះខាតទឹកប្រ ចាំថ្ងៃ ។ នៅសងខាងទំនប់ទឹកអូរ ប្រ៉ង់ នៅឃុំស្រែហ៊ុយ គេឃើញរណ្តៅជាច្រើ នកន្លែងប្រៀបបាននិងរណ្តៅបាយខុំនេះ មិនមែន ជារណ្តៅអ្វីនោះឡើយគឺវាជា អណ្តូង សំរាប់បងប្អូនប្រជាពលរដ្ឋនាំគ្នាដងទឹកយកទៅប្រើប្រាស់ប្រចាំថ្ងៃ ។ចំនួនគ្រួសារសរុបនៅឃុំ ស្រែហ៊ុយមានចំនួន២ភូមិ គឺភូមិស្រែហ៊ុយ និងភូមិ ឈូល គ្រួសារសរុបមានចំនួន៥២២គ្រួសារក្នុងនោះភូមិ ស្រែហ៊ុយ មានចំនួន៣៣៩គ្រួសារ និងភូមិឈូលចំនួន១៨៣គ្រួសារ បញ្ហានៅរដូវប្រាំងដែលពួកគាត់ស្ទើតែ មួយរយភាគរយដែលជួបប្រទះ គឺការខ្វះទិកសំរាប់ហូបនិងប្រើប្រាស់ ។
ស្ត្រីវ័យ៣៦ឆ្នាំម្នាក់ឈ្មោះ ផូយ ដា រស់នៅភូមិស្រែហ៊ុយ បានរៀបរាប់ប្រាប់អ្នកឆ្លើយឆ្លងព័ត៍មានប្រចាំខេត្តមណ្ឌលគិរី អោយដឹងថា ពួកគាត់សព្វថ្ងៃនេះមានបញ្ហាការខ្វះខាតទឹកស្អាតសំរាប់ប្រើប្រាស់និងហូបចុកនៅរដូវប្រាំងខ្លាំងមែនទែនពោលគឺ បើនៅរដូវ វស្សា មានភាពងាយស្រួល គឺទឹក អូរច្បារ ធានាបានក្នុងការប្រើប្រាស់អត់ខ្វះខាតទេ ។ តែដោយឡែកនៅរដូវប្រាំង វិញទឹកនៅ អូរច្បារ មានការរីងហ៊ួតហែង បើនៅតិចៗវិញគឺប្រជាពលរដ្ឋបានប្រជ្រៀតគ្នានិងដណ្តើមគ្នាដងទឹកយកប្រើប្រាស់ ។ ប៉ុន្តែអ្វីដែលគួអោយបារម្ភនោះគឺទឹកនៅទីនោះមានភាពកខ្វក់ណាស់ដូចជាអ្នកភូមិនាំគ្នាបោកគក់សំលៀកបំពាក់ ក្របី គោ ចុះលុកលុយនៅទីនេះតែធ្វើម្តេចបើខ្វះខាតទៅហើយ ពួកគាត់នៅប្រើប្រាស់ ។
ក្រៅពីនេះពួកគាត់ទាំងពីរភូមិខាងលើបាននាំគ្នាទៅជីករណ្តៅជាកូនអណ្តូងតូចៗ នៅតាមទំនប់ទឹក អូរប្រ៉ង់ ដើម្បីយកទឹក ទៅប្រើប្រាស់តែទោះជាយ៉ាងណាក៍ដោយ ទឹកនេះមិនគ្រប់គ្រាន់សំរាប់ពួកគាត់ឡើយ តួយ៉ាង ដូចជាអ្នកទៅមុនដងបានមុន អ្នកទៅ ក្រោយអស់ទឹកក៍ត្រូវអង្គុយចាំទឹកចេញ ។ ទឹកនៅតំបន់នោះវាជាទឹក កខ្វក់ណាស់ប្រជាពលរដ្ឋនាំគ្នាចុះ ងូតទឹកផងសំរាប់បង្ហូរដាក់ ស្រូវប្រាំងផង ទីនោះវាជាកន្លែងក្របីនិងគោចុះលុកលុយនិងផឹកទឹកផង ប៉ុន្តែប្រជាពលរដ្ឋមិនអាចដងទឹ កទំនប់នេះយកទៅប្រើ ប្រាស់តែម្តងទៅ។
លោក ធីន មេភូមិស្រែ ហ៊ុយ បានទទួលស្គាល់ថា សព្វថ្ងៃនេះជាពិសេសនៅរដូវប្រាំងនេះប្រជាពលរដ្ឋពិតជាមានការខ្វះខាតមែនបើទោះបីសព្វថ្ងៃនៅភូមិទាំងពីរមានអណ្ដូងស្នបចំនួន១០ តែទឹកអណ្ដូងទាំងនោះគឺពោរពេញដោយជាតិកំបោរច្រើនពេកប្រជាព លរដ្ឋយកមកហូបបានឡើយ។ចំនុចបែបនេះហើយទើបបង្ខំអោយពួកគាត់ដើរជីកអណ្ដូងតូចៗក្បែរទំនប់យកទឹកមកហូប។
លោក តើម ខឹ មេឃុំ ស្រែហ៊ុយ បានប្រាប់អោយដឹងថា បញ្ហាប្រជាពលរដ្ឋជួបប្រទះការខ្វះទឹកប្រើប្រាស់និ ងសំរាប់ហូបនេះ នៅដូវប្រាំងរូបគាត់មានការព្រួយបារម្ភយ៉ាងខ្លាំងចំពោះបញ្ហាសុខភាព ជារួមពួកគាត់នាំគ្នាដងទឹកនៅ កន្លែងកខ្វក់ទៅហូបចុកបើសិន គ្រួសារខ្លះបានដាំចំអិនវាមិនមានបញ្ហានោះទេ តែបើគ្រួសារខ្លះខ្វះការយល់ដឹងពួកគា ត់នាំគ្នាទទួលទានទឹកឆៅនោះវាអាចប្រឈម ទៅនិងបញ្ហាសុខភាព ។
លោក នួន ហាន នាយប៉ុស្តិ៍ស្រែហ៊ុយ លោកថា សព្វថ្ងៃនេះលោកបានឃើញប្រជាពលរដ្ឋបាននាំគ្នា ហាក់បីដូចជា ដណ្តើមគ្នាដងទឹកតាមរណ្តៅក្បែរៗទំនប់ដើម្បីយកទៅហូបមែន ពេលខ្លះទៅក្រោយគេអស់ទឹកពួកគាត់ក៍អងគុយចាំទឹក ។
ទាក់ទិនបញ្ហាដែលប្រជាពលរដ្ឋនៅភូមិ ឃុំ ខាងលើដែលបានជួបបញ្ហានេះអ្នកយកព័ត៍មានយើងបានសុំការបំភ្លឺពីលោក មើល សឿន អភិបាលស្រុកកោះញែក នៅព្រឹកថ្ងៃទី ៣១ មិនា ឆ្នាំ ២០១៥ វេលាម៉ោង ១០និង៣០នាទី លោកបាននិយាយយ៉ាងខ្លីថា កំពុងរវល់ណាស់ រួចបានបិតទូរសព្ទ័ ។គេពុំទាន់ដឹងថានៅក្នុងស្រុកកោះញែកទាំងមូលមានប្រជាពលរដ្ឋប៉ុន្មាន រយ ពាន់គ្រួសារ ទៀតដែលអាចប្រឈមទៅនិងការខ្វះខាតទឹកប្រើប្រាស់ដូចប្រជាពលរដ្ឋនៅ ឃុំស្រែហ៊ុយ នោះ ៕
ដោយ សុភ័ក្ក
