ឯកអគ្គរដ្ឋទូតវៀតណាម ប្រចាំនៅប្រទេសកម្ពុជា បានធ្វើការស្នើសុំសាលារាជធានីភ្នំពេញ អោយជួយលើការរៀបចំ ទទួលប្រតិភូទីក្រុងហូជីម៉ិញ ដែលគ្រងមកភ្នំពេញ ដើម្បីជួបជាមួយថ្នាក់ដឹកនាំកំពូលៗ និងការធ្វើអង្គសិក្ខាសាលាមួយ នៅមុនចូលឆ្នាំថ្មីខាងមុខនេះ ។ ការស្នើសុំ
របស់ឯកអគ្គរដ្ឋទូតវៀតណាម ប្រចាំនៅប្រទេសកម្ពុជានេះត្រូវបានធ្វើឡើង ក្នុងជំនួបសម្តែងគួរសម មួយជាមួយ ឯ,ឧ ប៉ា សុជាតិវង្ស អភិបាលរាជធានីភ្នំពេញ កាលពីព្រឹកថ្ងៃទី០២ មេសា នៅសាលារាជធានីភ្នំពេញ ។
ឯ,ឧឯកអគ្គរដ្ឋទូតវៀតណាម បានមានប្រសាសន៍ថា នៅថ្ងៃទី៩-១០ និងថ្ងៃទី១១ ខែមេសាខាងមុខនេះ ប្រតិភូវៀតណាម មានគ្នា៥១នាក់ ដឹកនាំដោយ ឯ,ឧ LE Thanh Hai ប្រធានលេខាបក្សទីក្រុងហូជីម៉ិញ នឹងមកបំពេញទស្សនៈកិច្ច នៅទីក្រុងភ្នំពេញ ក្នុងរយះពេល៣ថ្ងៃ ហើយក្នុងរយះពេល នៃការបំពេញទស្សនៈកិច្ចនោះ គណះប្រតិភូគ្រោងនឹងក្រាបថ្វាយបង្គំគាល់ ព្រះមហាក្ស័ត្រកម្ពុជា ជួបសម្តែងជាមួយសម្តេចតេជោ ហ៊ុន សែន ស ម្តេចពញ្ញាចក្រីហេង សំរិន លោកជំទាវ ម៉ែន សំអន ឯ,ឧ ឧបនាយករដ្ឋមន្ត្រី ស ខេង និងឯ,ឧអភិបាលរាជធានីភ្នំពេញផងដែរ ។ ក្រៅពីការជួបសម្តែងការគួរសម ហើយគណះប្រតិភូនេះ នឹងបើកសិក្ខាសាលាមួយ លើការវិនិយោគ រកស៊ីនៅស្រុកខ្មែរ ហើយសិក្ខាសាលានោះ នឹងមានការចូលរួមពីអ្នកវិនិយោគវៀតណាម រកស៊ីនៅស្រុកខ្មៅទាំងចាស់និងថ្មី ថ្នាក់ដឹកនាំក្រសួងពាក់ព័ន្ធមួយចំនួន អ្នកជំនាញរកស៊ីនៅស្រុកខ្មែរ ក៏នឹងត្រូវបានអញ្ជើញចូលរួមផងដែរ
ដូច្នេះហើយឯ,ឧស្នើសុំអោយសាលារាជធានីភ្នំពេញ ជួយជ្រោមជ្រែង ដើម្បីអោយគណះប្រតិភូវៀតណាមទទួលបានជោគជ័យ ក្នុងកិច្ចការងារដែលគ្រោង នឹងធ្វើឡើងខាងលើនេះ។
ជាកិច្ចឆ្លើយតប ឯ,ឧ ប៉ា សុជាតិវង្ស ក្នុងជំនួបនោះ បានលើកឡើងថា កិច្ចការងារដែលឯកអគ្គរដ្ឋទូតវៀតណាម បានស្នើសុំនេះ ហាក់ដូចជាមានរយះពេលខ្លី ហើយម្យ៉ាងវិញទៀត មន្ត្រីរាជការ ថ្នាក់ដឹកនាំកំពូលៗ ក៏ជាប់រវល់ ក្នុងការរៀបចំពីធីបុណ្យចូលឆ្នាំថ្មីផងដែរ ដែលធ្វើអោយអាជ្ញាធររាជធានីភ្នំពេញ ពិបាកក្នុងការបំពេញលើការងារនេះបន្តិច ប៉ុន្តែទោះបីជាយ៉ាងណាក្តី ក្នុងនាមអាជ្ញាធររាជធានី នឹងខិតខំប្រឹងប្រែង អនុវត្តការងារនេះអោយទទួលបានជោគជ័យ ៕
