បន្ទាប់ពីអាចមានកូនរដូវប្រាំងរយៈពេលខ្លី គឺមានភ្លៀងច្រើនដូចឆ្នាំ២០១១ ឯព្យុះក៏មានឥទ្ធិពលច្រើនដល់កម្ពុជាដែរ ក្រសួងធនធានទឹក និងឧតុនិយម បានជូនដំណឹងកាលពីថ្ងៃទីពុធថា ចាប់ពីខែមេសា ដល់ខែមិថុនា សីតុណ្ហភាពលើផ្ទៃសមុទ្រ ត្រង់ចំណុចខ្សែអេក្វាទរ័ មាន
កម្រិតប្រហាក់ប្រហែល នឹងមធ្យមភាគច្រើនឆ្នាំ ។ ប៉ុន្តែចាប់ពីខែកក្កដា ដល់ខែតុលា ឆ្នាំ២០១៥ សីតុណ្ហភាព មានកម្រិតទាបជាងមធ្យមភាគច្រើនឆ្នាំ និងទាបជាងឆ្នាំ២០១៤ ។
នៅក្នុងសេចក្តីជូនដំណឹង ដែលចុះហត្ថលេខា ឯ,ឧ លឹម គានហោ រដ្ឋមន្ត្រីក្រសួងធនធានទឹក និងឧតុនិយម បានបញ្ជាក់ថា តំបន់មាត់សមុទ្រ និងវាលទំនាបរដូវវស្សា នឹងចូលមកដល់នៅក្នុងសប្តាហ៍ទីមួយ នៃខែឧសភា ។
ឯតំបន់ខ្ពង់រាបរដូវវស្សា នឹងចូលមកដល់នៅក្នុងសប្តាហ៍ទីពីរ នៃខែឧសភា ឆ្នាំ២០១៥ ។ ក្នុងខែមេសា ដល់ខែមិថុនា ភ្លៀងចាប់ផ្តើមធ្លាក់រាយប៉ាយ ពីកម្រិតតិចទៅបង្គួរ ( ប្រហាក់ប្រហែលនឹងឆ្នាំ២០១៤ ។ ក្នុងអំទ្បុងពេលនេះ អាចមានផ្គររន្ទះ និងខ្យល់កន្ត្រាក់ កើតមានទ្បើងច្រើន ។ កូនរដូវប្រាំង អាចនឹងកើតមានក្នុងរយៈពេលខ្លី ( ក្នុងសបា្តហ៍ទីបួន នៃខែមិថុនា នៅភាគខាងលិច ខេត្តតាកែវ កណ្តាល និងខេត្តកំពង់ស្ពឺ ។
នៅក្នុងសេចក្តីជូនដំណឹងដដែល បានបន្ថែមថា ពីខែកក្កដា ដល់ខែតុលា បរិមាណទឹកភ្លៀងធ្លាក់រាយប៉ាយច្រើន ។ កម្រិតទឹកភ្លៀង អាចនឹងធ្លាក់ចុះច្រើនជាងឆ្នាំ២០១៤ ( ប្រហាក់ប្រហែលនឹងឆ្នាំ២០១១ ) ។ រដូវវស្សាឆ្នាំ២០១៥ នឹងបញ្ចប់នៅសប្តាហ៍ទីបី នៃខែវិច្ឆិកា ។ នៅក្នុងឆ្នមា២០១៥នេះ នឹងមានព្យុះកើតទ្បើងនៅក្នុងសមុទ្យ ប៉ាស៊ីហ្វិក ពី២៥ទៅ២៧ ហើយអាចមានឥទ្ធិពលច្រើន មកលើជ្រោយឥណ្ឌូចិន និងព្រះរាជាណាចក្រកម្ពុជា ។
ក្រសួងធនធានទឹក និងឧតុនិយម កំពុងធ្វើការតាមដាន លើស្ថានភាពអាកាសធាតុ ជាប់ជាប្រចាំ ហើយនិងធ្វើសេចក្តីជូនដំណឹងជាបន្តបន្ទាប់ ក្នុងករណីចាំបាច់ ៕
