ខេត្តបន្ទាយមានជ័យដើម្បីចូលរួមលើកកម្ពស់សោភ័ណភាពនិងថែរក្សាបរិស្ថាន អនាម័យដើម្បីចូលរួមលំអរសោភ័ណភាពក្នុងក្រុងសិរីសោភ័ណក្នុងថ្ងៃបុណចូលឆ្នាំខែរនោះឲ្យកាន់តែមានលក្ខណៈល្អប្រសើរនោះស្នងការនគរបាលខេត្តបន្ទាយមានជ័យលោក ឧត្តមសេនីយ៍ អាត់ ខែម នៅល្ងាចថ្ងៃទី៣ ខែមេសា ឆ្នាំ២០១៥នេះ បានដឹកនាំមន្ត្រីនគរបាលមួយចំនួនចុះទៅបាញ់ស្មៅនិងកាត់ស្មៅតាមដងផ្លូវសាធារណៈនៅក្នុងទីរួមខេត្ត ។ លោកស្នងការបានកាន់ ម៉ាស៊ីនកាត់ស្មៅ ដោយខ្លួនឯង ដើរបាញ់ស្មៅ និងកាត់ស្មៅកុំឲ្យដុះស៊ុបទ្រុបនៅតាមដងផ្លូវដែលមើលទៅមិនមានភាពទាក់ទាញ និងចូលរួមចំណែក រក្សាអនាម័យឲ្យបានល្អប្រសើរ ។លោកស្នងការក្រៅពីការជាប់ រវល់ការងារយ៉ាងច្រើនលើការងារថែរក្សាសន្តិសុខជូនប្រជាពលរដ្ឋនៅក្នុងខេត្តនោះលោកបានឆ្លៀតពេលដឹកនាំមន្ត្រីនគរបាល ក្រោមឱវាទ ចុះសំអាតបរិស្ថាន និងអនាម័យក្នុងខេត្ត ជាប្រចាំផងដែរ។គួរបញ្ជាក់ផងដែរស្នងការនគបាលខេត្តក្រៅពីការងារថែរក្សាសណ្តាប់ធ្នាប់សន្តិសុខសង្គមជូនប្រជាពលរដ្ឋក្នុងខេត្តនោះកំលាំងនគបាលក្នុងខេត្តក៏បានចុះជួយសង់ផ្ទះជូនពលរដ្ឋក្រីក្រគ្មានទីពឹងនិងគ្មានទីជំរករាប់រយគ្រួសាររយៈពេលកន្លងមកហើយបានចែកអំណោយជូនដល់ប្រជាពលរដ្ឋក្រីក្រគ្មានទីពឹងជាច្រើនគ្រួសារទៀតផង៕
