ខេត្តបន្ទាយមានជ័យ៖នៅព្រឹកថ្ងៃទី៦ខែមេសាឆ្នាំ២០១៥នៅសាលាបឋមសិក្សាស្រះរាំង នៅភូមិស្រះរាំង ឃុំស្រះរាំង ស្រុកមង្គលបូរី ខេត្តបន្ទាយមានជ័យ បានរៀបចំប្រារព្វពិធីសម្ពោធដាក់ឲ្យប្រើប្រាស់ជាផ្លូវការនូវអាគារសិក្សា៣ខ្នងដែលមាន១០បន្ទប់និងសមិទ្ធផលជាច្រើន
ទៀតដែលជាអំណោយដ៏ថ្លៃថ្លារបស់អង្ការកុមាមេគង្គដែលបានចំណាយអស់ទឹកប្រាក់ជាង១០មុឺនដុល្លា។ពិធីនេះចូលរួមលោកគោស៊ុំសារឿតអភិបាលខេត្តបន្ទាយមានជ័យ លោកអ៊ុងអៀនប្រធាមក្រុមប្រឹក្សាខេត្តលោកឡុងពុនអភិបាលស្រុកមង្គលបូរី មន្ត្រីអ្នកមុខអ្នកការនិងប្រជាពលរដ្ឋជាច្រើននាក់ទៀត។។លោកឡុងពុនបានឡើងអានរបាយការណ៍សង្ខេបអំពីប្រវត្តិសាលាថាអាគារសិក្សាស្រះរាំងកសាងឡើងដំបូងនៅឆ្នាំ១៩៤០សាលានេះមានអាគារសិក្សា៤ខ្នងស្មើនិង១៦បន្ទប់មានគ្រូ១១នាក់មានសិស្ស៤៤៣នាក់តែបច្ចុប្បន្ននេះអគារសិក្សាមាន៣ខ្នងស្មើនិង១០បន្ទប់សងអំពីថ្មប្រក់ក្បឿងបំពាក់គ្រឿងសង្ហារឹមគ្រប់បន្ទប់ចំណាយថវិកាសរុបជា១០មុឺនដុល្លាឧបករណ៍សម្រាប់ប្រើប្រាស់ចំណាយអស់១.៧២០ដុល្លាស៊ីតែនទឹកកមានចំណុះ៣.០០០លីត្រចំណាយថវិការអស់១.៦០០ដុល្លា។លោកគោស៊ុំសារឿតបានមា
ប្រសាសន៍ថាក្រោមការដឹកនាំដ៏ត្រឹមត្រូវរបស់សម្តេចតេជោហ៊ុនសែននិងមន្ត្រីក្រោមឪវ៉ាទជាច្រើននាក់ដែលមានស្នាដៃល្អៗបានធ្វើឲ្យប្រទេសជាតិទទួលបាននូវសុខសន្តិភាពពេញលេញនិងមានការអភិវឌ្ឈន៍និងជឿនលឿនលើគ្រប់វិស័យក្នុងនោះក្នុងខេត្តបន្ទាយមានជ័យដោយមានការចង្អុលបង្ហាញពីឯកឧត្តមឧបនាយករដ្ឋមន្ត្រី កែគឹមយ៉ានបានលើកកំពស់ធានាបាននូវអភិបាលកិច្ចល្អនិងរចនាសម្ពន្ធ័បានល្អនិងមានការគ្រប់គ្រងអំពីលើវិស័យធនធានមនុស្សការគ្រប់គ្រងប្រពន្ធ័ហិរញ្ញវត្ថុពិសេសជំរុញកាផ្តល់សេវ៉ាសាធារណសេវ៉ារដ្ឋបាលនិងតំរូវឲ្យមានការចូលរួមនិងបានឆ្លើយតបនូវដំណោះស្រាយតាមតំរូវការរបស់ប្រជាពលរដ្ឋនៅតាមមូលដ្ឋានផងដែរ។លោកម៉ាតាំងមាំងឌីយោប្រធានអង្ការកុមាមេគង្គប្រចាំប្រទេសកម្ពុជាបាននិយាយថាដោយមើលឃើញសាលាបឋមសិក្សាស្រះរាំងនេះមានការខ្វះខាតនូវអាគារសិក្សាជាច្រើនសំរាប់សិស្សរៀនសូត្រនោះទើបលោកប្រមែប្រមូលសប្បុរសជននិងក្រុមហ៊ុនជាច្រើននាក់ធ្វើការរ៉ៃអង្គាសបានលុយជាច្រើនមុឺនដុល្លាយកមកសាងសង់អាគារមួយនេះឡើងសំរាប់ឲ្យសិស្សចូលរឿនបានស្រួលជាពិសេសសិស្សតូចៗ។លោកបន្តថាក្រោយពេលបានអាគាសិក្សាថ្មីហើយនោះក្មួយៗកុមារទាំងអស់ត្រូវខិតខំរៀនសូត្រដើម្បីឲ្យក្លាយទៅជាកូនល្អធនធានមនុស្សល្អនិងដើម្បីត្រៀមក្លាយទៅជាទំពាំងដែលត្រូវស្នងឬស្សីនៅពេលអនាគត។
លោកក៏បានថ្លែងអំណគុណយ៉ាងខ្លាំងដល់សប្បុរសជននៅក្រៅប្រទេសដែលមានចិត្តបរិចាកជាអំណោយយ៉ាងសន្ធឹកសន្ធាប់យកមកកសាងសាលាបឋមសិក្សាស្រះរាំងនេះដែលកំពុងមានការខ្វះខាតនូវអាគារសិក្សាយ៉ាងច្រើនសំរាប់ទុកឲ្យក្មេងសិក្សាបានស្រួលនោះ។លោកក៏បានដាស់តឿនដល់សិស្សក្រោយពេលបានអាគាថ្មីហើយនោះត្រូវខិតខំរៀនសូត្រដើម្បីជាទំពាំងស្នងឬស្សីដើម្បីឲ្យប្រទេសជាតិសំបូររុងរឿងទៅអនាគត់៕គង្គា
