ស្ទឹងត្រែង៖រដ្ឋមន្ត្រីក្រសួងរ៉ែនិងថាមពលបានជំរុញដល់ក្រុមហ៊ុនទំនប់វ៉ារីអគ្គីសនីសេសានក្រោមពីពន្លឿនការសាងសង់ផ្ទះជូនប្រជាពលរដ្ឋឲ្យបានលឿនទៅតាមផែនការដើម្បីបង្កលក្ខណៈ ងាយស្រួលដល់ប្រជាពលរដ្ឋបានមករស់នៅភូមិអភិវឌ្ឍន៏ថ្មីមុនពេលទំនប់វារី
អគ្គីសនីដំណើរការប្រើប្រាស់នៅចុងឆ្នាំ២០១៧។
ក្នុងឱកាសចុះពិនិត្យសកម្មភាពសាងសង់ផ្ទះនៅភូមិអភិវឌ្ឍន៏ថ្មីជូនប្រជាពលរដ្ឋនៅភូមិច្រប់ និងភូមិស្រែស្រណុក ចំនួនជិត២០០គ្រួសារ នៅចំណុចគីឡូម៉ែត្រលេខ ៤៨០ទៅ៤៨១ តាមបណ្តោយផ្លូវជាតិ ៧៨ ស្ទឹងត្រែង រតនគីរី ឯកឧត្តម ស៊ុយ សែម រដ្ឋមន្ត្រីក្រសួងរ៉ែនិងថាមពលមានប្រសាសន៍ជំរុញឲ្យក្រុមហ៊ុនសាងទំនប់វ៉ារីអគ្គសនីត្រូវបង្កើនសកម្មភាពសាងសង់ផ្ទះថ្មីនេះឲ្យបានលឿននិងមានគុណភាពត្រឹមត្រូវទៅតាមគំរូប្លង់ ដើម្បីបំរើការរស់នៅរបស់បងប្អូនប្រជាពលរដ្ឋ ដែលត្រូវផ្លាស់ប្តូរចេញពីភូមិចាស់មកនៅភូមិថ្មីនេះ ។
ឯកឧត្តមរដ្ឋមន្ត្រីមានប្រសាសន៍បន្ថែមថា ៖ បន្ទាប់ពីធ្វើការសាងសង់ផ្ទះហើយ យើងត្រូវបន្តគម្រោងស្ថាបនាហេដ្ឋារចនាសម្ពន្ធ័បន្ថែមផ្សេងៗទៀតដូចជាសាលារៀន សាលាឃុំ មណ្ឌលសុខភាព ប៉ុស្តិ៍រដ្ឋបាលវត្តអារ៉ាម ដើម្បីប្រែក្លាយតំបន់អភិវឌ្ឍន៍នេះឲ្យរីកចំរើនស្របគ្នា ទៅតាមផែនការដែលបានគ្រោងទុកគឺវា់រីអគ្គីសនីក៏បានប្រើប្រាស់ ប្រជាពលរដ្ឋរស់នៅក៏មានភាពសុខសាន្ត ។
លោក កៅ វ៉ាន់អ៊ីវ តំណាងឲ្យក្រុមហ៊ុនសាងសង់តំនប់វ៉ារីអគ្គីសនីបានបញ្ជាក់ថា ៖ សកម្មភាពឈូសឆាយ និងសកម្មភាពសាងសង់ផ្ទះក្រុមហ៊ុនបានអនុវត្តទៅព្រមគ្នា ហើយចំណែកផ្ទះកំពុងដំណើរ ការសាងសង់សំរាប់ប្រជាពលរដ្ឋ ភូមិស្រែស្រណុក និងភូមិច្របមុនគេ ។
លោកតំណាងក្រុមហ៊ុនអះអាងថាៈអាជ្ញាធរខេត្តក្រុមហ៊ុនក៏ដូចជាផ្នែកពាក់ព័ន្ធផ្សេងៗទៀតបានសហការគ្នារៀបចំអភិវឌ្ឍន៍តំបន់ភូមិថ្មីឲ្យសំរេចបានទៅតាមគោលការណ៍របស់រាជរដ្ឋាភិបាលហើយគិតមកដល់ដំណាច់ខែមីនានេះសំរេចការឈូសឆាយដីកសិកម្មបានជិត១០០០ហិចតានិងកំពុងសាងសង់ផ្ទះថ្មចំនួយ១១១ខ្នងសំរាប់ភូមិស្រែស្រណុមនិងភូមិច្រប់ហើយមួយចំនូនទៀតប្រជាពលរដ្ឋទទួលយកថវិកាសំរាប់សាងសង់ផ្ទះឈើដោយខ្លួនឯង៕
