ខេត្តមណ្ឌលគិរីៈ មន្ត្រីនគបាលខេត្តមណ្ឌគិរី បានទទួលផែនការសំរាប់រៀបចំសន្តិសុខសាធារណៈជូនប្រជាពលរដ្ឋទូទាំងខេត្តនារដូវបុណ្យចូលឆ្នាំខ្មែរឆ្នាំ២០១៥ ។
លោក ញ៉ែម វ៉ាន់នី ស្នងការខេត្ត មណ្ឌលគិរីនៅព្រឹកថ្ងៃទី ០៧ មេសា ឆ្នាំ២០១៥ នៅសាលប្រជុំនៃ ស្នងការដ្ឋាននកបាលខេត្តបានជួបប្រជុំជាមួយមន្ត្រីនគបាលក្រោមអោវ៉ាតរបស់ខ្លួនចាប់ពីប្រធានការិយាល័យ គ្រប់ស្រុក ទទួលផែនការដើម្បីពង្រឹងការងារ សន្តិសុខ សណ្តាប់ធ្នាប់សាធារណៈជូនប្រជាពលរដ្ឋនារដូវបុណ្យចូលឆ្នាំថ្មី២០១៥ដើម្បីធានាបាននូវសុខក្សេមក្សានរបស់ប្រជាពលរដ្ឋ ។ លោក ស្នងការបានលើកឡើងថា បើទោះជាខេត្តយើងមានកំណើនប្រជាជនរស់នៅតិចជាងបណ្តាខេត្តផ្សេងៗក៏ដោយក៏កងកំលាំងនគបាលទាំងអស់របស់យើង តាំងពីថ្នាក់ខេត្ត.ក្រុង.ស្រុក និងប៉ុស្តិ៍រដ្ឋបាលមូលដ្ឋានខិតខំនាំគ្នាការពារអោយបានសុខសុវត្ថិភាព ជូនប្រជាជនអោយបានល្អប្រសើនៅមុនពេលចូលឆ្នាំ .ចូលឆ្នាំ និងក្រោយពេលចូលឆ្នាំ ។
លោក ញ៉ែម វ៉ាន់នី ស្នងការខេត្តក៍បានបញ្ជាក់ផងដែរថានៅថ្ងៃទី១០/១១ ខែមេសា ២០១៥នេះ មន្ត្រីនគបាលទូទាំងខេត្តមានការចូលរួមយ៉ាងច្រើនកុះករផងដែរជាមួយនិងការជួបជុំគ្នាចាប់ពីមន្ត្រីនគបាលប៉ុស្តិ៍រដ្ឋបាល ថ្នាក់មូលដ្ឋាន រហូតដល់ក្រុងខេត្ត គឺមានពីធីរៀបចំ និមន្តសង្ឃ សូត្រមន្ត ដាបាំងសុកូលឧទ្ទឺសជូនដល់អ្នកដែលទទួលមរណៈភាពរួមមានមន្ត្រីនគបាលជាដើមផងដែរ ក៍ដូចជាដូនតាដែលបានបាក់បែកចែកឋានទៅកាន់ បរិលោកខាងមុខ និងចុងបញ្ចប់កម្មវិធីពេលល្ងាចមានរៀបចំអាហាសាមគ្គី និងមានពិធីរាំរែក រវាងមន្ត្រីនគបាលនិងប្រជាជនទូទាំងខេត្តចូលរួមសប្បាយទាំងអស់គ្នាដោយក្តីរីករាយ នៅរដូវបុណ្យចូលឆ្នាំថ្មីប្រពៃណីជាតិខ្មែររបស់យើង……៕
