មណ្ឌលគិរីៈ ស្រះទឹក០១ និងអណ្តូងទឹកចំនួន០៤បន្ថែមទៀតត្រូវបានកាកបាទក្រហមសាខាខេត្តមណ្ឌលគិរី ផ្តលជូនប្រជាពលរដ្ឋនៅក្នុង ឃុំស្រែហ៊ុយ ដើម្បីបំពេញតម្រូវការរបស់ពួកគាត់ហើយ ។លោក ឡុង វិបុល នាយកកាកបាទក្រហមសាខាខេត្តមណ្ឌលគិរី បានប្រាប់អ្នកយកព័ត៍មានអោយដឹងនៅព្រឹកថ្ងៃទី០៨ មេសា ឆ្នាំ២០១៥នេះថា បន្ទាប់ពីបានទទួលព័ត៍មានស្តីពីប្រជាពលរដ្ឋនៅតំបន់ខាងលើមានការជួបប្រទះនៃការកង្វះទឹកប្រើប្រាស់ប្រចាំថ្ងៃ ភ្លាមនោះក្រុមការងារកាកបាទក្រហមសាខាខេត្តបានចុះទៅពិនិត្យនូវស្ថានការជាក់ស្តែង និងធ្វើការសិក្សាដោយវាយតំលៃរួចមកតាមគោលការជាក់ស្តែងកាកបាទក្រហមខេត្តបានសំរេចធ្វើការប្រគល់ស្រះទឹកមួយកន្លែងជូនប្រជាជនក្នុងការប្រើប្រាស់ទឹកនៅក្នុងភូមិ ស្រែហ៊ុយ 
ហើយស្រះនោះមានទំហំទទឹងប្រវែង៣០ម៉ែត្រ បណ្តោមានប្រវែង៤០ម៉ែត្រនិងជំរៅរហូតដល់០៤ម៉ែត្រ និងអណ្តូងចំនួន០៤អណ្តូងថែមទៀត ជាការឆ្លើយតបសំរាប់បងប្អូន ។ទោះបីជាយ៉ាងណាក៏ដោយ លោក ឡុង វិបុល នាយកកាកបាទក្រហមខេត្តពុំទាន់ទំលាយអោយដឹងច្បាស់ទេថា ការជីកស្រះទឹកនិងអណ្តូងដែលផ្តល់ជូនពួកគាត់ថារួចរាល់នៅពេលណានោះឡើយ ។ប៉ុន្តែក្រុមការងាររបស់ផងខ្លួនកំពុងធ្វើការជំរុញនិងពន់លឿនអោយកាន់លឿនគឺកាន់តែល្អ ដោយឡែកចំពោះស្រះទឹកវិញ គ្រឿងចក្រកំពុងចាត់ការហើយ។ 
រាល់ការគិតគូរពីតំរូវការរបស់ប្រជាជនដែលខ្វះខាតក្នុងនាមបងប្អូនប្រជាពលរដ្ឋរួមទាំងអាជ្ញាធ័រមូលដ្ឋានក្នុងតំបន់ស្រុកកោះញែក ជាពិសេសប្រជាពលរដ្ឋនៅក្នុងឃុំ ស្រែហ៊ុយ បានសំដែងនូវការត្រេកអរចំពោះកាកបាទក្រហមសាខាខេត្តក៏ដូចជាកាកបាទក្រហមកម្ពុជាដែលតែងតែគិតកូរអំពីផលលំបាករបស់ប្រជាជនមិនថានៅទីតំបន់ណានោះឡើយដោយពុំគិតពីនិន្នាការអ្វីឡើយ ៕
