កំពង់ធំៈ ដោយមានការយកចិត្តទុកដាក់ របស់ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានដឹកនាំប្រតិភូ ថ្នាក់ដឹកនាំ មេបញ្ជាការង និងប្រធានការិយាល័យ ចុះសួរសុខទុក្ខកម្លាំងK72 ដែលជា កម្លាំងសម្រាប់រុករកអដិ្ឋធាតុ សាកសពកងទ័ពស្ម័គ្រចិត្តវៀតណាម ដែលបានពលីនាសម័យសង្គ្រាម ស្ថិតនៅភូមិថ្នល់ បែក ឃុំ ត្រពាំងឬស្សី ស្រុកកំពង់ស្វាយ ខេត្តកំពង់ធំ ។
តំណាងកម្លាំងK72របស់វៀតណាម ថ្លែងអំណរគុណដល់ មេបញ្ជាការ មេបញ្ជាការង និងនាយទាហាន របស់តំបន់ប្រតិបត្តិការសឹករងកំពង់ធំ ដែលបានសហការនិងឧបត្ថម្ភគាំទ្រ និងជួយសម្រួសគ្រប់សកម្មភាពក្នុងការជីករុករកអដិ្ឋធាតុ របស់កងទ័ពវៀតណាម ដែលបានស្លាប់នៅក្នុងខេត្តកំពង់ធំ ដើម្បីយកអដិ្ឋធាតុទាំងនេះទៅប្រគល់ជូនសាច់ញាតិ ក្រុមគ្រួសារ ដែល បានកំពុងតែរងចាំនៅឯផ្ទះ ស្រុកកំណើតទទួលយកទៅធ្វើបុណ្យតាមប្រពៃណី ។
ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានមានប្រសាសន៍ថា ការចុះសួរសុខទុក្ខដល់កម្លាំងរុករកអដិ្ឋធាតុនេះ ដែលបានចាកចេញពីស្រុកកំណើត និងជាជួរគ្នា និងឧបត្ថម្ភនេះ គឺជាទំនាមទំលាប់ប្រពៃណីរបស់ខ្មែរ ដែលត្រូវបានបំផុសឲ្យមានការជួយគ្នាទៅវិញទៅមក ជាពិសេសក្នុងឳកាសបុណ្យចូលឆ្នាំប្រពៃណីខ្មែរ និងពិធីបុណ្យផ្សេងៗ ម្យ៉ាងវិញទៀតការចុះសួរសុខទុក្ខនេះ គឺជាការផ្សាភ្ជាប់នូវចំណងសាមគ្គីរបស់កងយោធពលខេមរាភូមិន្ទ និងកងទ័ពប្រជាជនវៀតណាម ដើម្បីចងក្រងអនុស្សាវរីយ៍នូវសកម្មភាពល្អរវាងប្រទេសទាំងពី នៃឳកាសនោះឯកឧត្តម សោម ស៊ុន បានជូនស្រាបៀរអង្គរ ចំនួន ២០កេស និងទឹកបរិសុទ្ធសម្រាប់ឲ្យក្រុម(កា៧២ ) ចូលរួមសប្បាយនិងពិធីបុណ្យចូលឆ្នាំប្រពៃណីខ្មែរ។ ដោយ ប៊ុន រដ្ឋ
