កំពង់ធំៈ ឯកឧត្តម អ៊ុត សំអន អភិបាលនៃគណៈអភិបាលខេត្តកំពង់ធំ បាន កោតសរសើរ ចំពោះឯកឧត្តម ឧត្តម សេនីយ៍ត្រី សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ ព្រមទាំងមេបញ្ជាការង និងពលទាហាន ដែលបានយកចិត្តទុលដាក់ ចំពោះការហ្វឹកហាត់នូវ
យុវិធីក៏ដូចជាយុត្តិសាស្ត្រ របស់ទ័ព ដើម្បីជាការសំលៀងនូវចំណេះវិជ្ជា ដល់កងយោធពលខេមរៈភូមិន្ទ ក្នុងពិធីបាញ់ស៊ីបគ្រាប់ពិត នៅព្រឹកថ្ងៃទី ២០ ខែ មេសាឆ្នាំ ២០១៥ នៅក្នុងទីតាំងវរៈសេនាតូចលេខ១ ស្ថិតនៅ ភូមិតាឡែកថ្មី ឃុំសាលាវិស័យ ស្រុកប្រាសាទបាល្ល័ង្គ ខេត្តកំពង់ធំ ។
ពិធីបាញ់ស៊ីបគ្រាប់ពិតត្រូវបានចូលរួមពីសំណាក់ ឯឧត្តម ឧត្តមសេនីយ៍ទោ គង ផា មេបញ្ជាការងយោធភូមិភាគទី៤ និងមន្ត្រីរាជការជុំវិញខេត្តចូលរួមក្នុង ពិធីបាញ់ស៊ីបគ្រាប់ពិតនេះ មានសិក្ខាមចូលរួមសិក្សាចំនួន ២៥០នាក់នាយ ទាហាន៥៤នាក់នាយទាហានរង និងពលទាហាន ១៤៦នាក់ ក្នុងនោះមានការចូលរួម ពីសមត្ថកិច្ចប៉ូលិសនៃអធិការ ក្រុងស្ទឹងសែន អធិការ ប៉ូលិសអធិការសាលាវិស័យ និងប៉ូលិសអធិការស្រុកកំពង់ស្វាយ បាញ់មួយលើក ចំនួន ១០នាក់ ប្រើប្រាស់ដោយអាវុធ អាកា AK ក្នុងមួយនាក់បាញ់គ្រាប់ពិត ៩គ្រាប់ មានបាញ់ក្រាបផ្ទាល់ដី បាញ់លុតជង្គង់ និងបាញ់ឈរតាមគោលដៅកំណត់។ឯកឧត្តម អ៊ុត សំអន បានមានប្រសាសន៍ថា កងកម្លាំងទាំងបីប្រភេទ មានសារៈសំខាន់ណាស់ក្នុងភារៈកិច្ច ការពារជាតិ និងជាឆ្អឹងខ្នងសំខាន់របស់ប្រទេស ទោះបីជាប្រទេសគ្មានសង្គ្រាមក៏ដោយ កងកម្លាំងត្រូវតែរ៉ឹងមាំទាំងរាងកាយ និងយុត្តសាស្ត្រទ័ព ត្រូវតែហ្វឹកហាត់ គឺប្រៀបបានទៅនឹងការដុះខាត់ ជាពិសេសរៀមច្បង ដែលធ្លាប់តែឆ្លងកាត់ការធ្វើសង្គ្រាម ត្រជាក់ក្តៅ រហូតមកដល់ពេលនេះមានការហ្វឹកហាត់សារជាថ្មី ដើម្បីរំលឹកនូវវិជ្ជាក្នុងការចែករំលឹកដល់យោធិនជំនាន់ក្រោយ ឲ្យបានដឹងបានយល់ពីសកម្មភាពប្រយុទ្ធ និងការត្រៀម និងការពារខ្លួន ឯកឧត្តម បានបញ្ជាក់ថា មិនថាប្រទេសណា ឬផ្ទះនណា គឺត្រូវតែមានរបងការពារ ឲ្យរ៉ឹងមាំ តែបើសិនជារបងមិនរ៉ឹងមាំ ពិតជាមានការលុកលុយពីសំណាក់មិត្ត ឬប្រទេសជិតខាងមិនខាន និងចូលរួមបានគាំទ្រទាំងស្រុងចំពោះ ការហ្វឹកហ្វឺនរាល់សកម្មភាពរបស់ តំបន់ប្រតិបត្តិការសឹករងកំពង់ធំ អាជ្ញាធរខេត្ត និងមន្ទីរគ្រប់ស្ថាប័នគាំទ្រជានិច្ច ។
ដោយ ប៊ុន រដ្ឋា
