កំពង់ឆ្នាំង៖ជាង៣០ឆ្នាំកន្លងមកនេះក្រោមការដឹកនាំរបស់ប្រមុខរាជរដ្ឋាភិបាលកម្ពុជាបាន
ធ្វើរចនាសម្ពន្ធ័លើគ្រប់វិស័យមានអភិវឌ្ឍន៍និងរីកចំរើនគួរអោយមោទនៈ ប៉ុន្តែអ្វីដែលនៅ
មានការខ្វះខាតរបស់ក្រសួងមហាផ្ទៃជិត៣០ឆ្នាំមកនេះ គឺអាគារប៉ុស្តិរដ្ឋបាលនៅតាមប
ណ្តាមូលដ្ឋានមួយចំនួនធំមិនទាន់បានគិតគូរជួយកសាងនៅឡើយ ធ្វើអោយមន្ត្រីនគរបា
លប៉ុស្តិមួយចំនួនជួបការលំបាកអត់កន្លែងការធ្វើការងារ និងទុកដាក់ឯកសារសំខាន់ៗ។
នៅព្រឹកថ្ងៃទី២០ ខែមេសា ឆ្នាំ២០១៥ អ្នកយកព័ត៌មានយើងបានជួបជាមួយមន្ត្រីប៉ុ
ស្តិនគរបាលរដ្ឋបាលឃុំក្បាលទឹក ស្រុកទឹកផុស ដែលមានទីតាំងចម្ងាយពីទីរួមខេត្តកំពង់
ឆ្នាំងប្រមាណជាង៥០គីឡូម៉ែត្របាននិយាយអោយដឹងថា៖ប៉ុស្តិរដ្ឋបាលឃុំក្បាលទឹករយះពេលជាង២០ឆ្នាំនេះបានផ្លាស់ប្តូរទីតាំងចំនួយ៣ដងរួចមកហើយតាមបញ្ជារថ្នាក់លើ។ គឺ
នៅមុនឆ្នាំ១៩៩៥ ទីតាំងប៉ុស្តិស្ថិតនៅក្នុងភូមិឡ ពីឆ្នាំ១៩៩៥ដល់ឆ្នាំ២០០២ ប្តូរមកនៅក្នុង
ភូមិតាំងខ្យា និងពីឆ្នាំ២០០២ដល់ឆ្នាំ២០១៥នេះ មកបោះទីតាំងនៅក្នុងភូមិក្រសាំងដុះឡើ
ងឃុំក្បាលទឹក ពេលនេះប៉ុស្តិមានដីសំរាប់សង់អាគារទំហំ៣០ម គុណនិង៦៥មហើយ។
ស្នាក់ការធ្វើការងារប៉ុស្តិសព្វថ្ងៃ មានផ្ទះឈើតូចៗ២ខ្នង គឺមួយខ្នងមានទំហំ៤មគុណនិង៥ម សំរាប់ធ្វើការប៉ុន្តែគ្មានទូរទុកដាក់ឯកសារឡើយ និងមួយខ្នងទៀតមានទំហំ៣មគុណនិង៤ម ជាកន្លែងសំរាក ផ្ទះឈើទាំង២ខ្នងនេះគឺធ្វើបានដោយការរៃអង្គាសប្រាក់ពីមន្ត្រីប៉ុស្តិ និងការសុំជំនួយមួយចំនួនពីប្រជាពលរដ្ឋក្នុងឃុំ។
លោក អនុសេនីយឯក ចិន ស៊ីម នាយនគរបាលប៉ុស្តិរដ្ឋបាលឃុំក្បាលទឹកបាននិ
យាយអោយដឹងថា៖កងកម្លាំងរបស់ប៉ុស្តិរដ្ឋបាលឃុំក្បាលទឹកសព្វថ្ងៃសរុបមានចំនួនតែ
៦នាក់ប៉ុណ្ណោះ ក្នុងនោះម្នាក់ត្រូវគេចាត់អោយទៅយាមនៅធនាគារអេលីស៊ីដាក្នុងទីរួមស្រុ
កទឹកផុសទៅទៀត ដូច្នេះអ្នកដែលនៅធ្វើការផ្ទាល់មានចំនួនតែ៥នាក់ប៉ុណ្ណោះ ដែលពីមុនមកមានគ្នា៩នាក់ដែរ តែចូលនិវត្តន៍អស់២នាក់ ផ្ទេរភារកិច្ចមកអធិការស្រុកម្នាក់។
លោកនាយប៉ុស្តិបានបញ្ជាក់អោយដឹងថា៖បញ្ហាប្រឈមបច្ចុប្បន្នគឺអត់មន្ត្រីជួយធ្វើ
ការតែម្តងដែលពេលខ្លះមិនអាចទប់ទល់សភាពការណ៍បាន ដោយក្មេងទំនើងឬជនល្មើ
សមានគ្នាច្រើនជាសមត្ថកិច្ច។ដោយឡែកស្ថិតិប្រជាពលរដ្ឋនៅក្នុងភូមិទាំង១០របស់ឃុំ
ក្បាលទឹកមានចំនួន១៣៨៩គ្រួសារ មានមនុស្សសរុបចំនួន៥.៨៤១នាក់ តាមក្របខណ្ឌ័
មន្ត្រីនគរបាលប៉ុស្តិត្រូវមានពី៩ទៅ១២នាក់ទើបគ្រប់គ្រងសភាពការណ៏ទូរទៅបាន។
លោកនាយប៉ុស្តិសំណូមពរដល់ថ្នាក់លើជួយបំពេញកម្លាំងមន្ត្រីប៉ុស្តិបន្ថែមអោយបា
នគ្រប់ចំនួនផង ចំណែកអាគារធ្វើការរបស់ប៉ុស្តិរដ្ឋបាល ថ្នាក់សូមលើមេត្តាជួយកសាងបានឆាប់ផង ព្រោះខែភ្លៀងការទុកដាក់ឯកសារនិងស្នាក់នៅជួបការលំបាកខ្លាំងណាស់៕
