កំពង់ធំៈ បន្ទាប់ពីសក្ខាកាមសិក្សាពីយុទ្ធវិធី ក្បួនយុត្តសាស្ត្រទ័ព និងយុទ្ធដំណើរអស់រយះពេល ៤៥ថ្ងៃ ដែលត្រូវបាន ដំណើរការ ចាប់តាំងពីថ្ងៃទី ០២ ខែមិនាឆ្នាំ២០១៥ និងត្រូវបានធ្វើពិធីបិទវគ្គនៅថ្ងៃទី២១ ខែ មេសា ឆ្នាំ ២០១៥ និងមានការចូលរួមពីសំណាក់ ឯកឧត្តម អ៊ុត សំអន អភិបាល នៃគណៈអភិបាលខេត្តកំពង់ធំ និងជាប្រធានគណៈបញ្ជាការឯកភាពខេត្ត និងឯឧត្តម ឧត្តមសេនីយ៍ទោ ពៅ ហេង មេបញ្ជាការងយោធភូមិភាគទី៤ ។
ឯកឧត្តម សោម ស៊ុន មេបញ្ជាកាសឹករងកំពង់ធំ បានឲ្យដឹងថាអង្គភាព ប្រតិបត្តិការសឹករងកំពង់ធំ បានបើកវគ្គហ្វឹកហ្វឺន បំប៉ន យុទ្ធវិធី សណ្តាប់ធ្នាប់ អប់រំនយោបាយចិត្តសាស្ត្រ និងផ្សព្វផ្សាយច្បាប់ផ្សេងៗ ធ្វើយុទ្ធដំណើររបស់កងកម្លាំង ដើម្បីពង្រឹងលើសមត្ថភាពការងារទាំងផ្នែកយុទ្ធវិធី សណ្តាប់ធ្នាប់ យល់ដឹងពីសភាពការណ៍ និងច្បាប់ផ្សេងៗ ហ៊ានលីកម្មគ្រប់បែបយ៉ាងដើម្បីជាតិមាតុភូមិ ដែលមានសិក្ខាកាមទាំងអស់២៥០នាក់នាយទាហាន៥៤នាក់ នាយទាហានរង និងពលទាហាន ១៩៦នាក់ លទ្ធផលទទួលបាន និទ្ទេសល្អ ចំនួន ៧៤នាក់ និទេ្ទសល្អបង្គួរ ៩៥នាក់ ១២២នាក់ និទ្ទេសមធ្យម ៨០នាក់ ចំពោះកញ្ជប់ថវិកាប្រើប្រាស់ក្នុងការហ្វឹកហ្វឺន ក្រោមការឧបត្ថម្ភរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ។
ឯកឧត្តម អ៊ុត សំអន អភិបាលខេត្តកំពង់ធំ បានកោតសរសើរចំពោះការខិតខំប្រឹងប្រែងរបស់ លោកមេបញ្ជាការ បានជម្រុញឲ្យកងកម្លាំងទាំងអស់ឆ្លងកាត់ការហ្វឹកហាត់ និងទទួលបាននូវបទពិសោធន៍ ក្នុងតួនាទីដ៏មានតំលៃនៃសេចក្តីក្លាហាន ដោយសង្កេតឃើញថា កងកម្លាំងមួយចំនួនមានអាយុច្រើន គឺសុទ្ធតែបានទទួលការឆ្លងកាត់ការហ្វឹកហាត់ ទាំងទ្ត្រឹស្តីទាំងសមរភូមិ និងជាការចែករំលែកចំណេះដឹងដល់យុវជនសម័យក្រោយ ចំណែកការគ្រប់គ្រងទ័ពគឺខុសពីប្រទេសដ៍ទៃ គឺកម្ពុជាត្រូវបានចាត់តាំងឲ្យគណៈបញ្ជាការឯកភាពខេត្ត និងស្រុក សម្រាប់សហការធ្វើកិច្ចការ ជួយដល់សន្តិសុខសង្គមដែលជាចំនុចខុសពីប្រទេសមួយចំនួននៅក្នុងពិភពលោកនេះ បានន័យថា នៅពេលមានកិច្ចការចាំបាច់ គណៈបញ្ជាកាឯកភាពខេត្ត មានសិទ្ធិក្នុងការបញ្ជា្កកងកម្លាំង។
ឯកឧត្តម ពៅ ហេង បានមានប្រសាសន៍ថា ដោយសារតែប្រទេសកម្ពុជា មានស្ថេរភាព សនិ្តសុខ និងសុវត្តិភាពទើបបង្កើតឲ្យមានការ រាំរ៉ែក ប្រារព្វពិធីបុណ្យផ្សេងៗ យ៉ាងអធឹកអាធ័ម នៅអង្គរសង្ក្រាន ក៏ដូចជានៅក្នុងប្រទេសទាំងមូល ក៏ដោយសារតែកងកម្លាំងយើងមានភាពរ៉ឹងមាំ និងជាទីទំនុកចិត្តរបស់ប្រជាពលរដ្ឋ ដូច្នេះក៏សូមអរគុណនិងកោតសរ សើរចំពោះមេបញ្ជាកា មេបញ្ជាការង និងនាយទាហាន ពលទាហានទាំងអស់ ដែលរៀបចំឲ្យមានការហ្វឹកហាត់ដល់ កងយោធពលខេមរៈភូមិន្ទ ដែលជាកម្លាំងសំខាន់របស់ជាតិ ។ ដោយ ប៊ុន រដ្ឋា
