ខេត្តបន្ទាយមានជ័យនៅល្ងាចថ្ងៃទី២៣ខែមេសាឆ្នាំ២០១៥នៅសាលប្រជុំសាលាស្រុកមង្គលបូរីបានរៀបចំប្រកាសតែងតាំងលោកហាក់ម៉ារឌីនិងលោកថាច់ច័ន្ទដារ៉ាជាប្រធាននិងអនុប្រធានការិយាល័យអប់រំស្រុកមង្គលបូរី។ពិធីប្រកាសនេះមានការចូលរួម លោកគោស៊ុំសារឿ
តអភិបាលខេត្តបន្ទាយមានជ័យ លោកអ៊ុំរាត្រីអភិបាលរងខេត្ត លោកឡុងពុនអភិបាលស្រុកមង្គលបូរី និង មន្ត្រីអ្នកមុខអ្នកការជាច្រើននាក់ទៀត។លោកឡុងពុនបានឡើងអាននូវសមិទ្ធិផលនានានៅក្នុងស្រុកមង្គលបូរីដែលបានកសាងរយះពេលកន្លងមក។លោកណងវុទ្ធីនាយកទីចាត់ការគ្រប់គ្រងធនធាមមនុស្សបានឡើងអានដីការលេខ ០០៣ ដ ក ស្តីពីការប្រកាសតែងតាំង លោកហាក់ម៉ា រឌីនិងលោកថាច់ច័ន្ទដារ៉ាឲ្យទៅជាប្រធាននិងអនុប្រធានការិយាអប់រំស្រុកមង្គលបូរីចាប់ពីប្រកាសថ្ងៃនេះតទៅ។លោកហាក់ម៉ារឌីនិងលោកថាច់ច័ន្ទដារ៉ាបានឡើងប្តេជ្ញាចិត្តថានិងខិតខំរិតចំណងសាមគ្គីភាពជាមួយមន្ត្រីនៅក្នុងអង្គភាពដូចជា
នាយក នាយិកាលោកគ្រូអ្នកគ្រូដើម្បីអភិវឌ្ឈលើវិស័យអប់រំនៅក្នុងស្រុកមង្គលបូរីនេះដើម្បីឲ្យមានគុណភាពនិងប្រសិទ្ធភាពនិងខិតខំកសាងខ្លួនឲ្យក្លាយទៅជាមនុស្សល្អ អ្នកដឹកនាំល្អ ប្រជាពលរដ្ឋល្អដែលប្រកបទៅដោយក្រមសីលធម៍ វិជ្ជាជីវះសម្រាប់យកទៅបំរើប្រទេសជាតិ។និងខិតខំគោរពវិន័យការចាត់តាំងរបស់ថ្នាក់លើនិងខំរិតចំណងសាមគ្គីភាពរវាងក្រុមប្រឹក្សាស្រុកអភិបាលស្រុកនិងមន្ត្រីការិយាល័យជំនាញស្រុកមន្ត្រីអាជ្ញាធម៍ដែនដីគ្រប់លំដាប់ថ្នាក់ដើម្បីធានានៅការអនុវត្តក្នុងការងារឲ្យទទួលបានជោគជ័យ។លោកគោស៊ុំសារឿតបានមាន
ប្រសាសន៍ក្នុងពិធីប្រកាសនោះដែរថាដោយសារតែក្រសួងអប់រំមានជំនឿយ៉ាងមុតមាំលើលោកហាក់ម៉ារឌីនិងលោកថាច់ច័ន្ទដារ៉ាដែលរយះពេលកន្លងមកលោកទាំងពីរមានស្នាដៃល្អៗយ៉ាងច្រើនក្នុងការអប់រំប្រដៅសិស្សឲ្យក្លាយជាកូនល្អ និងក្លាយជាធមធានមនុស្សដែលប្រទេសជាតិត្រូវការជាចាំបាច់នោះដូច្នេះក្រសួងអប់រំបានប្រកាសលោកហាក់ម៉រឌីជាប្រធាននិងលោកថាច់ច័ន្ទដារ៉ាជាអនុប្រធានការិយាល័លអប់រំស្រុកមង្គលបូរីដើម្បីបន្តកិច្ចសហការដឹកនាំវិស័យអប់រំក្នុងស្រុកឲ្យមានការរីកចំរើនជាលំដាប់។លោកគោស៊ុំសារឿតក៏បានផ្តាំផ្ញើលោកទាំង២ដែលទើបតែប្រកាសតែងតាំងជាប្រធាននិងអនុប្រធានការិយាល័យអប់រំស្រុកមង្គលបូរីថ្មីត្រូវខិតខំពង្រឹងសមិត្តភាពដើម្បីអនុវត្តប្រពន្ធ័គ្រប់គ្រងនៃគោលនយោបាយយុទ្ធសាស្ត្រចតុកោណទីបីរបស់រាជរដ្ឋាភិបាលឲ្យមានប្រសិទ្ធភាព៕
