ខេត្តបន្ទាយមានជ័យ៖អាជ្ញាធរស្រុកម៉ាឡៃដឹកនាំដោយលោកអែមសុខាភិបាលស្រុកម៉ាឡៃបានទៅចូលរួមបើកកិច្ចប្រជុំនិងពិភាក្សាជាមួយនិងទាហានឈុតខ្មៅនៅច្រកតំបន់ណងព្រឺស្រុកអារញ្ញាខេត្តស្រះកែវប្រឈមនិងច្រកម៉ាឡៃ ស្រុកម៉ាឡៃខេត្តបន្ទាយមានជ័យ ។
ក្នុងកិច្ចប្រជុំនោះត្រូវគេនិយាយថាអាជ្ញាធរស្រុកម៉ាឡៃបានស្នើសុំនិងសំណូមពរឱ្យទាហានឈុតខ្មៅថៃដែលប្រចាំការឈរជើងតាមបន្ទាត់ព្រំដែនឈមនឹងទឹកដីស្រុកម៉ាឡៃមេត្តាឲ្យមានការយោគយល់កុំឲ្យបាញ់ប្រហារទៅលើពលករខ្មែរឆ្លងដែនខុសច្បាប់បន្តប្រសិនមានការឆ្លងដែនខុសច្បាប់របស់ពលករខ្មែរមេត្តាចាប់ បញ្ជូនមកកាន់ប្រទេសកម្ពុជាវិញដោយអនុគ្រោះផង។លោកអែមសុខាបានស្នើសុំសូមឱ្យមានកិច្ចសហប្រតិបត្តិការជាមួយនិងអាជ្ញាធរកម្ពុជាប្រសិនមានបញ្ហាអ្វីកើតឡើងជុំវិញពលករខ្មែរឆ្លងដែនខុសច្បាប់នោះ។ កិច្ចប្រជុំរវាងអាជ្ញាធរ ស្រុកម៉ាឡៃ ជាមួយនិង ទាហានឈុតខ្មៅថៃធ្វើឡើង កាលពីព្រឹកថ្ងៃទី២៨ខែមេសា ឆ្នាំ២០១៥ ក្នុងកិច្ចប្រជុំនោះទទួលបានជោគជ័យនិងមានលទ្ធផលល្អដោយទាហានឈុតខ្មៅថៃបានយល់ព្រមតាមការស្នើសុំរបស់អាជ្ញាធរស្រុកម៉ាឡៃ។ថ្មីៗមានសេចក្តីររាយការណ៍មកថាកាលពីថ្ងៃទី២៥ ខែមេសា ឆ្នាំ២០១៥ មានពលករ ខ្មែរចំនួន៣នាក់ឆ្លងដែនខុសច្បាប់តាមច្រករបៀងបន្ទាយទី១ ក្នុងភូមិបន្ទាយទី១ ឃុំទួលពង្រ ស្រុកម៉ាឡៃ ខេត្តបន្ទាយមានជ័យ ជាច្រកគ្រប់គ្រង ដោយទាហាន សឹករង ស្រុកម៉ាឡៃ ត្រូវបានទាហាន ថៃបាញ់គំរាម៣គ្រាប់និងឃាត់ខ្លួនហើយចាប់បញ្ជូនពួក គេមកតាមច្រកអន្តរជាតិប៉ោយប៉ែតវិញ ។ការផ្ទុះអាវុធគំរាមពលករខ្មែរឆ្លងដែនខុសច្បាប់ គ្រាដែលគេរាយការណ៍មកថាទាហានឈុតខ្មៅថៃទើបមានការផ្លាស់ប្តូរ មេបញ្ជាការថ្មី គ្រប់គ្រងចំណុចឈរជើងឈមនិងស្រុកម៉ាឡៃទើបតែបានរយៈពេល២ទៅ៣ថ្ងៃនេះ។
ពាក់ព័ន្ធនាំឱ្យមានពលករខ្មែរឆ្លងដែនខុសច្បាប់នៅច្រករបៀងបន្ទាយទី១ ដែលជាច្រកត្រូវគេរាយការណ៍មកថាគ្រប់គ្រងដោយយោធាសឹករងម៉ាឡៃ មាន លោកអ៊ុក ដារ៉ាន់ ជាមេបញ្ជាការទទួលទិសស្រុកម៉ាឡៃចំណុះ ឱ្យសឹករងខេត្តជាអ្នក ទទួលខុសត្រូវ នៅទីនោះ ។ លោកអែមសុខាសង្ឃឹមថាក្នុងកិច្ចប្រជុំនេះលោកមេបញ្ជាការក្តាប់ទាហានឈុតខ្មៅនិងមានការយោគយល់ឲ្យបានកាន់តែច្រើនជាងនេះបន្តទៀតដើម្បីកិច្ចសហប្រត្តិបត្តិការឲ្យកាន់តែល្អបន្ថែមទៀតរវាងទាហានឈុតខ្មៅនិងពលករចំណាកស្រុកដែលទៅរកការងារធ្វើនៅប្រទេសថៃដោយខុសច្បាប់។លោកបន្តទៀតថាដើម្បីរិតចំណងសាមគ្គីរវាងប្រទេសទាំងពីកម្ពុជា ថៃឲ្យបានយូរអង្វែងទៅថ្ងៃមុខ៕
