ខេត្តបន្ទាយមានជ័យ: ថ្ងៃ១៥កើត ខែពិសាខទី២ ខែឧសភា ឆ្នាំ២០១៥ជាថ្ងៃប្រារព្ធពិធីបុណ្យវិសាខបូជានៅតាមវត្តអារាមនៅក្នុងខេត្តបន្ទាយមានជ័យ។នៅវត្តស្វាយចាស់ក៏បានប្រារព្ធពិធីបុណ្យវិសាខបូជាត្រូវបានប្រារព្ធទ្រង់ទ្រាយធំនាព្រឹកថ្ងៃទី២ឧសភានេះ ដោយមានការចូលរួមពីថ្នាក់ដឹកនាំ រួមមាន លោកគោ ស៊ុំសារឿតអភិបាលខេត្ត អភិបាលរងខេត្តក្នុងនោះមាន
អភិបាលខេត្តស្រះកែវព្រមទាំងមេគុណខេត្តព្រមព្រះសង្ឃទាំងពីរគណៈផងដែរ។លោកគោស៊ុំសារឿតបាននិយាយថាបុណ្យវិសាខបូជាប្រារព្ធធ្វើឡើងជាសក្ការៈបូជាក្នុងថ្ងៃពេញបូណ៌មីខែពិសាខជាថ្ងៃដែលព្រះសក្យមុនីសម្មាសម្ពុទ្ធទ្រង់ប្រសូតទ្រង់បានត្រាស់ដឹងនិងទ្រង់រលត់ខន្ធ ចូលកាន់និព្វាន។ ថ្ងៃវិសាខបូជាក្នុងព្រះពុទ្ធសាសនាត្រូវបានកំណត់ជាថ្ងៃដែលមានហេតុការណ៍អស្ចារ្យ ៣ យ៉ាងកើតឡើងផ្ទួនគ្នាទាក់ទងនឹងខ្សែជីវិតរបស់ព្រះសម្មាសម្ពុទ្ធ មានន័យថា ថ្ងៃនេះពុទ្ធសាសនិកនៅទូទាំងពិភពលោកនាំគ្នារលឹកដល់ថ្ងៃប្រសូតត្រាស់ដឹងនិងថ្ងៃបរិនិព្វានរបស់ព្រះ។លោកបានបន្តទៀតថាថ្ងៃវិសាខបូជាជាថ្ងៃទិវាវប្បធម៌មនុស្សជាតិឬហៅថាថ្ងៃវិសាខបូជាសកលមូលហេតុទទួលស្គាល់ព្រោះអង្គការពិភពលោកនេះកំពុងមាន
គោលនយោបាយដូចព្រះសម្មាសម្ពុទ្ធជាម្ចាស់ដែរគឺសន្តិភាពនិងសន្តិសុខមានន័យថា អង្គការសហប្រជាជាតិកំពុងព្យាយាមកសាងសុខសន្តិភាពឡើងក្នុងលោក ឯព្រះសម្មាសម្ពុទ្ធក៏ណែនាំមនុស្សជាតិឲ្យលះបង់អំពើហិង្សាគ្រប់ប្រភេទដោយកាយវាចានិងចិត្តកាលបើមនុស្សជាតិមិនធ្វើអំពើហិង្សានិងគោរពសិទ្ធិគ្នាទៅវិញទៅមក ពិភពលោកនេះបានសុខ។លោកបានបន្តទៀតថាមន្ត្រីរាជការគ្រប់ស្ថានបន័ទាំងក្នុងខេត្តបន្ទាយមានជ័យនិងប្រតិភូខេត្តស្រះកែវនៃព្រះរាជាណាចក្រថៃបានព្រមព្រៀងគ្នាជាធ្លុងមួយដើម្បីប្រារព្វធ្វើបុណ្យវិសាខបូជាគួរជាទីជ្រះថ្លានៃប្រទេសទាំងពីរ។
